الاثنين، يوليو ٠٢، ٢٠٠٧

احمد عبد الحافظ - نزل ساحة التدوين


في الفترة الاخيرة تعرضت مظلة مدوني الاخوان لخطر الاقتلاع من جذورها وذلك اما لتربص الخارج او تخوفات الداخل او اخطاء المدونين انفسهم وان كنت اعتقد ان اكبر خطر واجه مدوني الاخوان وتجربتهم في الانفتاح والنقد الذاتي هو بعض مدوني الاخوان انفسهم او من يعدون انفسهم مدونين من الاخوان ولكن الحمدالله شاء رب العالمين ان يبعث الي مظلة مدوني الاخوان وتد يساهم في تثبيت التجربة وصقلها واعادة التوازن الذي كاد يضيع وسط طرقعات بعض المدونين المتحمسين او المتهورين
هذا الوتد هو
الشاب الاخواني السكندري الجدع اللي مر بتجارب داخل الاخوان بعدد شعر راسه واتحبس علشان فكرته ودعوته ست مرات في خمس سنين واللي منزلش ساحة عمل اخواني الا لما فكر في كل جديد ونفذ ما كل ما هو فريد وقدم نموذج وحيد لايقدر عليه الا مبدع مخلص فاهم
المهم ان احمد عبد الحافظ نزل ساحة التدوين الشخصي بمدونة جديدة
اللي انا متاكد من انك بعد ما تقرا اول تدوينة فيها هاتبقي دي اول حاجة تخشها كل يوم اول ما تخش علي النت
ممكن تختلف معايا وتقول اني متحيز
بس هي
ممكن تسيطر عليك نظرية المؤامرة وتقول العالم دي مربطة مع بعض وعاملين جيب تدويني

برضه هي في الاخر
ممكن تخش وميعجبكش انه عاملها علي مكتوب زي ما انا حصللي
بس في الاخر منقدرش نقول غير انها
وبجد اللي عنده نظر
لازم يخش
ويللا مش مهم

هناك ٣ تعليقات:

محمود سعيد يقول...

طبعاً أ.أحمد على الرغم من معرفوش كويس قوى إلا أنى من اللى أعرفه عنه ومنه إضافة كبيرة وإن شاء الله وتد

بس أنا أحب أؤكد على أول فكرة فى التدوينة ديه بتاعة الناس اللى حضرتك قلت فيهم :

بعض مدوني الاخوان انفسهم او من يعدون انفسهم مدونين من الاخوان

أنا شايف الإثنين يعدون أنفسهم مدونين من الإخوان ومفيش حاجة أسمها مدونى الإخوان أيا كان بالتأكيد كان لبعض الناس أخطاء أن ظنوا أن النقد الذاتى هو القدح أو الذم أو الصدم مثلاً

والتوازن الذي كاد يضيع وسط طرقعات بعض المدونين المتحمسين او المتهورين

أحمد عبد الفتاح يقول...

طبعا اضافة واضافة مهمه للتدوين
( رغم انها مش جديده قوي ) وانت فاهم الجملة ده
اما بقه بخصوص كلامك الاولاني عن الاخوان المدونين المتهورين في ثلاثة حورات قبل كده كنت بحاول افهم حضرتك شئ واحد بس
انت رضيت تنزل ملعب اسمه الانترنت والتدوين والفضاء التخيلي يبقي التزم بقواعده
من اهم قواعده انك متقدرش تحكم علي حد
يعني كل واحد حر لابعد الحدود
كنت ذيك كده في الاول وبقول الي بتقوله دلوقت لكن مع الوقت اتعلمت اصول اللعبة
الي اهم حاجه فيها سيب كل واحد يعمل الي هو عايزه ولالا تفرض الوصاية علي حد
يارب يكون كلامي وصلك ونفسي اقعد واتناقش معاك كتييييييييييييير
علي العموم لو تحب ممكن توصلي عن طريق منعم

غير معرف يقول...

كلامك جميل يا أخ مجدي فعلا تجربة مدوني شباب الاخوان او الاسلاميين تقف علي مهب الريح بسبب تهور البعض وعدم خبرته في الحياة او الدعوة ومع ذلك مش راحم نفسه ولا راحمنا وقاعد يدينا تنظير خيالي من وراء الكيبورد ويفتعل معارك رهيبة تأخذ الوقت وتفكرني بطواحين الهواء رغم انه كل تجارب بعضهم مع الدعوة انه طلع رحلة مثلا او حضر كام تجمع عمل عام .. المهم الاخ احمد عبد الفتاح مع احترامي له عايش الوهم بطريقة ربنا يساعده فيها
ويخرجه منها وانصحه بتناول بعض الحبوب والاقراص المهدئة للحرية الغير مقيدة والتهييس الفكري الذي يشجعه
وزعلان أوي منك انك بتقول ان في اخطاء بين المدونين
علي العموم مبروك للأستاذ أحمد اللي أول تدوينة له جت علي الجرح لهؤلاء وأكيد هيرفضوا كلامه بشراشة
ويعتبره دخيل علي التدوين
واللي يعيش ياما يشوف