الخميس، يناير 04، 2007

كل سنة وانا طيب


كل سنة وانا طيب
الزمان .. 4 يناير 1978 مساءا
المكان .. شارع درب الجماميز بالسيدة زينب اقدم شوارع القاهرة القديمة
الحدث .. صرخات ام تعاني من الام المخاض وسمات قلق وترقب مرسومة علي وجوه الحاضرين للحدث
تتبعها صرخات مولود لا يعي اي شئ تصاحبها انفراجة وفرح علي وجوه الحاضرين
هذا الجنين هو انا وهذه الام هي امي وهذا المكان هو مكان مولدي وهذا اليوم هو يوم مولدي

وكل سنة وانا طيب
هانسميه (مجدي) ليه بس كدة
بعد ذهاب السكرة وحضور الفكرة ثارت التساؤلات حول تسمية هذا المولود وتضاربت الاراء كل يحاول فرض رايه وكسب المعركة وذلك في ظل غياب صاحب المعركة الذي هو انا واستطاع احد اعمامي (محمد رجب - توفي منذ شهرين ) كسب المعركة لصالحه وتم تسميتي بمجدي وذلك لارتباط عمي بعلاقة صداقة قوية مع احد اصدقاءه في الجيش يدعي مجدي وحتي الان لا اعرف ما علاقتي انا بصداقات عمي وارتباطاته الاجتماعية حتي يسمي اسمي باسم احد اصدقائه ولكن هذا ما حدث
واصبحت
مجدي سعد رجب
وكل سنة وانا طيب

حياة (مجدي) محطات مهمة شكلت شخصيته
نزولي لسوق العمل مبكرا في سن السابعة وذلك لثقافة غالبة في العائلة وهي ان الذكر مكانه بيئة العمل وليس المنزل
فالمنزل للنساء وذلك كان يتم في الاجازات الدراسية وذلك لان الثقافة الثانية هي ان التعليم هو مسألة حياة او موت وذلك ادي لاكتسابي العديد من المهارات وايضا معرفتي بخبايا الدنيا مبكرا والتعرف علي طبائع البشر والتقرب من اكثر الاماكن شراسة في نفسية البشر وسلوكياتهم وهي حالات البيع والشراء والتفاوض التجاري
صداقة والدي لاستاذ محمد زكي ومحمد زكي هو مدير لفرع مؤسسة دار المعارف بالسيدة زينب وكانت هذه الصداقة هي مفتاح دخولي لعالم القراءة حيث كنت اذهب الي العمل لاثبت حضوري فقط ثم اهرب الي المكتبة لاجلس في المخزن
بالساعات اتطوف بين الكتب بداية من قصص تان تان المصورة الي المغامرون الخمسة الي مجموعة كتب العقاد ومصطفي محمود الي الشيخ عبد الحليم محمود حتي انني قرأت الكوميدية الالهية لدانتي ولم افهم منها شئ في وقتها وهكذا كانت دار المعارف من اهم المحطات التي مررت بها في حياتي
فصلي الدراسي في مدرسة الخديوية الثانوية "1 /17 " في تلك الفترة كنت انسان مسالم ليست لي صداقات كثيرة حتي دخلت هذا الفصل وحدث تحول جذري في شخصيتي فبعد عدة خبرات سلبية في التعامل مع طلاب السنوات الاكبر مني
قررت ان انحرف وعليه فقد شكلت انا ومجموعة من اصدقاء الفصل شلة اسميناها " السبعتشرجية " نسبة الي رقم الفصل الدراسي الذي كنا فيه واتسعت هذه الشلة كما وكيفا فاصبح تعداد المنتمين لها يفوق العشرين طالب وبلغت من الشأن في المدرسة التي كنا فيها مبلغا عاليا وتعدته الي المدارس الاخري حتي اصبح اسم الشلة هو مبعث الرعب في
منطقة الحلمية الجديدة وما يجاورها وتعدته حتي وصلت الي منطقة قلعة الكبش وكانت هذه الفترة علي الرغم من سلبياتها مفتاح هام جدا لاكتساب الشخصية المستقلة والجراءة و الثقة في النفس
مسجد احمد بن ادريس حيث كان اول تعرفي علي الاخوان المسلمين وكنت في الاجازة الصيفية قبل الصف الثالث
الثانوي وحضرت قدرا خطبة جمعة للشيخ اشرف مكاوي وكانت خطبة نارية عن مفاوضات اوسلو حتي ان احد المصلين
اخذ حذائه وخرج من المسجد خوفا من شدة ما قاله ومنذ هذه الخطبة اصبحت ملازم لدروس الشيخ اشرف مع اني كنت اقصر في بعض العبادات الاساسية ومن خلال الدرس تعرفت علي الاخوان في المسجد وفي خلال شهرين كنت ملتحق باحد حلقات الاخوان التربوية ثم فرد في مجموعة عمل طلاب الاخوان في المدرسة الثانوية وكانت هذه هي بداية الطريق مع الاخوان
كلية التجارة - جامعة القاهرة حيث التحقت بها علي غير رغبة مني وكنت في غاية الاستياء عندما علمت انني سالتحق بها ولكن هذه الكلية العظيمة اثرت شخصيتي بشكل لم اتخيله حياتيا واخوانيا . فعلي الجانب الشخصي الحياتي وجدت في مواد قسم ادارة الاعمال ضالتي واصقلت في قدرات الادارة وغيرها من وظائف الادارة . وعلي الجانب الاخواني تعتبر كلية التجارة من اكثر الكيانات الاخوانية استقرار وانتاجا ونموا في جامعة القاهرة وفي كيانها الاخواني تدرجت حتي اصبحت مسؤل الكلية وفيها تعلمت وشهدت الكثير من المواقف والخبرات والاحداث التي اعطتني كم هائل من المعرفة
19 /1 سنة الفين حيث تم القاء القبض علي من قبل مباحث امن الدولة في الاسكندرية اثناء تواجدي في احدي معسكرات اخوان جامعة القاهرة وكنا حوالي 19 طالب من مختلف كليات الجامعة وقضيت في سجن طرة حوالي خمسة اشهر حتي تم الافراج عني وفي هذه المحطة كسرت حاجز الخوف الامني وذقت مرارة الظلم والبعد عن الاهل وفقد
الحرية وكذلك تعلقت جدا بدعوة الاخوان واكتسبت ثقة كبيرة جدا في نفسي وفي قيادة الجماعة وكانت فرصة جيدة للالتقاء بقادةالعمل المهني في الجماعة المحبوسين علي ذمة قضية عسكرية واكتساب خبراتهم ورؤاهم في الحياة والدعوة وعلي راسهم الدكتور محمد بديع
نزولي للحياة بعد تخرجي واقامتي لعمل خاص وتحملي المسؤلية كاملة وعلي الرغم من قسوة ومرارة التجربة الا انها اخرجتني اشد قوة وصلابة وخبرة في شؤون الحياة العامة ومعرفة الناس والحكم عليهم واصبحت كما يقول عمر رضي الله عنه " لست بالخب ولا الخب يخدعني "فمن هذا الاحتكاك اصبحت قادر علي تحديد وتصنيف الكثير من الشخصيات والمعاملات بشكل صحيح
3/3 2006 يوم القاء القبض علي للمرة الثانية في قضية قسم الطلبة وكان علي راسها الدكتور رشاد البيومي
وكانت فرصة رائعة للالتقاء بكل قيادات الجماعة من كل الاقسام والمحافظات المختلفة والتباحث والتحاور معهم حول
الكثير من قضايا العمل الاخواني والمجتمعي والحياتي ولا استطيع ان اصف كم الاستفادات والخبرات التي حصلتها في هذه الحبسة . وكذلك احدثت لي نقلة نوعية في اهتماماتي فاصبحت لا اهتم كثيرا بالعمل التنفيذي واصبح لدي شغف كبير بالعمل التنظيري والفكري . وكذلك كانت فرصة لاختبار صفة الرضا عندي وذلك نتيجة لتعرضي للكثير من الاحداث والمشاكل نتاج هذه الحبسة سواء في العمل او الاسرة او العاطفة والاخيرة لا استطيع التحدث عنها الان
وكل سنة وانا طيب
امنيات " مجدي " حاجات بسيطة خالص
تحقيق حالة نجاح في حياتي العملية لتعويض ما سبق وتاكيد الثقة في نفسي
العمل داخل الاخوان فيما احبه لا فيما تفرضه الظروف والاحداث
العثور علي بنت الحلال كما يسمونها تتحقق فيها احلامي وترضي بظروفي الحالية
زواج صاحبي انس الشهير ب "اوسو اوسو" ونجاح مشروعه الجديد
وكل سنة وانا طيب
طلبات " مجدي " يا رب تنفذوها
اي شخص يقرا التدوينة يكتب تعليق يبارك لي
وذلك لانه من حقوق الاخوة العامة
وكذلك نوع من انواع الدعم النفسي
وايضا شكل من اشكال الحب في الله
الدعاء لي بان ربنا يعطيني ما اتمناه ويزيد وان لم يكن فيرزقني الرضا
ملحوظة .. انا بستغلس اسم مجدي ده قوي فمش معني اني بكتبه اني معجب بيه او عندي تضخم في الذات لكن الموضوع كله حاجتين
بواجه احد مراخيرتي الكبيرة وهو الاسم وبتعايش معاه
بغلس علي نفسي في يوم ميلادي
ويللا مش مهم

هناك 56 تعليقًا:

احمد الجعلى يقول...

كل عااااااااااااام وانت بخير وبصحة وسعادة
كل عام وانت الى الله أقرب وللخيرات أسباق ولامنياتك وأحلامك منجز ومحقق
وبعدين يا سيدى ماله اسم "مجدى" اسم ميه ميه وشغال وفعال، وبعدين احمد ربنا ان صاحب عمك ما كانش اسمه حاجة تانية زى جعلى مثلا
ربنا يكرمك يا استاذ مجدى ويبارك فى عمرك وينفع بيك ونشوفك قريب عريس بس وصيتك ابنك الاول تسميه "جعلى" ولينا عزووووومة بس غير فشنكاح الله يكرمك كفاية اللى حصل لى يومها

غير معرف يقول...

السلام عليكم
كل عام وانت الى الله اقرب وعلى طاعته ادوم والى الجنه اقرب
ربنا يكرمكم ويعزك بالاسلام ويعز الاسلام بك ويرزقك الزوجه الصالحه والذريه الصالحه باذن الله اللهم امين حضرتك وكل شباب وبنات الاخوان يارب العالمين

اختك فى الله شذى

غير معرف يقول...

اخى
انا بعزيك فى السنه اللى راحت من عمر ك وبباركلك على السنه الجديده وعقبال10 سنين قادمين mana

واحد من الإخوان يقول...
أزال المؤلف هذا التعليق.
يلا مش مهم يقول...

جعلي حبيبي ما زال يصر علي انه يكون اول المهنئين علي فكرة جعلي يعتبر كان من اول المهنئين لي عند خروجي من السجن
جعلي جزاك الله خيرا
بقولك ايه يا جعلي
هو يعني ايه جعلي
اسم ده ولا فعل ولا شبه جملة
علي فكرة انا بدلع الجعلي واقولوه
جعلوني مجرما

يلا مش مهم يقول...

الاخت الفاضلة شذي
جزاكي الله خيرا وربنا يسعدك دنيا واخرة زي ما خالتي بتدعيلي كل ما ازورها

واحد من الإخوان يقول...

كل سنة وانت طيب يا باشا

السنة الجاية تبقى فرحان بالعروسة

وهي فرحانة بيك

بجد حياة فيها تجارب كتير
أتمنى من الله تكون النجارب اللي جايه كلها تفرحك

انا متهيقلي إنك لو ركزت في موضوع الجواز هيبقى نقلة حقيقية في حياتك
ربنا ييسرهالك إن شاء الله
أما إســم مـجدي فهو جميل بجد
وبعدين ما كانش ينفع نقول حاجة تانية
هنقول إيه مثلا
سعيد
طب عبد التواب
بلاش ده ولا ده
نقول لؤي
يلا كل سنة وإنت طيب يا باشا

يلا مش مهم يقول...

سلام الله عليك يا دكتور مانا
شكرا علي العزاء
وتحية واجبة لدعواتك
بقولك هي العربية اتصلحت ولا لا

المهندس حمزة
عامل ايه يا عم الثائر الجيفاري والمريض باحلام مستحيلة
بقي عبد المنعم ابو الفتوح رئيس وزرا
يا راجل
داحنا كلنا هانشرف في سجون مصر في خلال شهرين
علي العموم لو بقي رئيس وزرا انا هاعزمك عند ابو شقرا
يسمع من يقك ربنا في موضوع العروسة
اما بالنسبة للاسم
ففعلا اسم خنقة
تحس كدة انه زوران
او مش قادر ياخد نفسه
كان نفسي يبقي اسمي
تامر
امر
عامر
كارم
علشان لو حد الدغ ما يعرفش ينطقه

غير معرف يقول...

كل سنة وانت طيب ياعمنا وربنا يرزقك ببنت الحلال ويجوز اوسو اوسو

احمد البدرى ويارب تكون فاكرنى

محمود سعيد يقول...

كل سنة وانت طيب

و انا بحب جداً أقرأ لك وباحب فكرك فى الحياة الظاهر فى تدويناتك

وسبحان الله ازاى الدعوة ديه جمعت كل الأشكال وخلت فى بينا حب فى الله من غير ما نشوف بعض ولا نقابل بعض

ياء يقول...

كل سنه وانت طيب يا باشا

كوباية لبن يقول...

ربنا يطول في عمرك و يحسن عملك

على فكرة انا جاي من مدونة محمود سعيد الاسكندراني
و انا شكلي أخذت برد من الجو هناك

حسين عبدالفتاح يقول...

عام عليك مبارك(الكلمة دي من القرآن مش اسم واحد تاني!)،و كل لحظاتك تتبارك،و جنة الخلد دارك,و النبي جاري وجارك..يا أ.مجدي
رفع الله قدرك في الثقلان,ونفع بما تحب الإخوان,و زوجك ببنت الإيمان
علي فكرة اسم مجدي جامد جدا:1- نسبة إلي المجد و الرفعة و الشرف 2- معناه:نافع
أنا ال بتخنق من اسمي و خصوصا لما يكسر الحاء و السين لكن بيكون شغال مع ضم الحاء و فتح السين
(لسة ما سيبتش البصمة ال أنا عايزها !بفكر!!)

عمرو طموح يقول...
أزال المؤلف هذا التعليق.
عمرو طموح يقول...

كل سنة و انت طيب و جامد و فاهم و واعي و كل حاجة حلوة... من الآخر كده، كل سنة و انت (مجدي سعد)ن

ايه يا عم الحياة العظيمة دي... بس انت نسيت تكتب أهم نقطة تحول في حياتك، بشكل مخليني مستغرب ازاي؟؟؟ ازياي تنسي أهم حاجة في حياتك؟؟؟

كان يوم الخميس 19/1 2006 و كانت الساعة حوالي 6:15 و كنت في كلية الاقتصاد و العلوم السياسية و رايح تحضر ورشة عمل عن نتائج الانتخابات البرلمانية لما وقفت... و اندهشت و انفهشت و اتعملت... لسه مش فاكر؟؟؟ ساعتها و لأول مرة تدخل التاريخ من أوسع أبوابه و تشوفني ، لا و كمان تسلم عليا، و فوق كل ده تتعرف عليا... ياااااااه. شفت بقه انت قد ايه كنت ناسي الحاجة اللي غيرت بالفعل مجري حياتك كلها.

و بعدين ايه بقه حكاية اسمي مش عاجبني، و كل شوية يطلعلنا واحد يقوللك اسمي مش عاجبني عشان الناس بتنطقه غلط و بعد شوية يطلع واحد يقول اسمي مش عاجبني عشان مش بينور و يضلم و يقول بابا و ماما... ايه يا جدعان في ايه بس. و لعلمك بقه اسم مجدي ده أنا بحبه جدا، كاسم بس كده، ده قبل ما يكون بيدل علي شخص أثر في زيك. و بالمرة برضه أنا بحب اسمي "عمرو" جدا، و بكره أي تحوير فيه بدلع أو بهزار أو بتريقة، رغم ان لو واحد ألدغ بينطقه غلط، بس برضه... هو اسمي و أنا سعيد بيه جدا.ده حتي علي اسم عمرو بن العاص اللي فتح مصر... إلا بالمناسبة هو مكنش في صحابي اسمه سيدنا مجدي رضي الله عنه و أرضاه؟

سارة يقول...

أستاذنا الفاضل وأخونا الكبير
كل عام وحضرتك إلى الله أقرب
وجعل الله شدائدك التي مررت بها في موازين حسناتك
بالنسبة لاسم حضرتك .. فلكل امرئ من اسمه نصيب
وأرى أن الله قد رزقك من هذا الاسم نصيباً وافراً
يمن الله مساعيك ويسر لك حياتك ورزقك سعادة الدارين

محمد القط يقول...

كل سنة وانت طيب يا ابو الامجاد..وربنا يعيد يوم ميلادك على الامة الاسلامية بالخير واليمن والبركات...

وبتحقيق الاماني ..على رأي زميل ليه عراقي ..امه ماتت امبارح..في العراق!

وبالنسبة لصديقك اوسو اوسو ..ربنا يرزقه بنت الحلال..وبصراحة ليه عندي عروسة لقطة..الثلاثة إلي اتجوزوها قبل كده ..الله يرحمهم..بيشكرو فيها قوي..
ومش هتتعبه في حاجة..جاهزة من مجاميعو..وفوق البيعه ..معاها ثلاث عيال ..اكبرهم في تانية ثانوي..يعني مش هيتعب ولا هيشيل هم الخلفه ومشاكلها !!!

خد رأيه كده..والعروسة محجوزاله !!

زين يقول...

كل عام وانت بخير يا أستاذنا الكبير أوى مجدى ....

أنا حضرتلك محاضرة قبل كده كانت من أروع المحاضرات .....

وبعدين مجدى أسم فل أوى .... ده حتى كله مجد ....

أنت صحيح ماقولتش أنت كده تميت 29 ولا 30 ؟؟؟

والسنة الجاية تبقى منور فى طرة إن شاء الله ..... بدل بتستفيد أوى كده ...هاهاها

يوسف يقول...

ألف مبروك ياباشا :)
وأُعبال ميت سنة :)

وإن شاء الله زي اليومين إللي فاتو دول نكون واقفين علي جبل عرفات..

غير معرف يقول...

كل سنه وحضرتك طيب وربنا يرزقك الرضا وبنت الحلال واي حاجه تانيه حضرتك بتتمناها

ِعبدالرحمن رشوان يقول...

أخى مجدى
أسال الله لك كل خير وكل عافية
أسلوب رائع فى الكتابة والتصوير

رزقك الله حياة مديدة واعمال صالحة وزوجة تعينك على أمر دينك ودنياك
أخوك عبدالرحمن رشوان

ولاء الشملول يقول...

كل عام وانت سعيد ومحقق لكل ما تبغي من الدنيا
وربنا يكرمك

غير معرف يقول...

اخي الحبيب مجدي
اول مرة اكتبلك وان شاء الله ماتكونش اخر مرة
كل عام وانت الى الله اقرب وعلى طاعته ادوم
والى مزيد من المجد يامجدي ومزيد من السعادة يا ابن سعد
ياسر السيد

غير معرف يقول...

كل سنة وانت طيب يامجمدي

mizo يقول...

كل سنة و انت طيب يا مجدي
انا سعيد جدا باكتشاف مدونتك و اهي فرصة الواحد يعرف دماغك أكبر
سلامي ليك مني و من أخويا

مصطفى محمود يقول...

السلام عليكم يا مجدى
كل سنة وانت طيب يا معلم
مصطفى محمود

عبده يقول...

مجدي
مجدي
مجدي
مجدي
مجدي
مجدي
أنا قولت أعايرك شويه مادام الأسم مش عاجبك

وكل سنه وانت مجدي

غير معرف يقول...

مجدييييييييييييييييييييييييييييييي

مااااااااااااااجدييييييييييي

مجدي
مجدي
مجدو
ماجيدو

مجمج

مروى فؤاد يقول...

أستاذنا مجدي
كل سنة و انت طيب على فكرة أنا بعزك من ساعة ماعرفت انك صاحب عبد الرحمن و عبد المجيد و كنت بآجي بازوركوا فاكر ؟؟؟؟؟؟؟

و الله اسمك يا بني حلو و لا مناخير كبيرة و لا حاجة دي حته مناخيرك صغيرة جدا و ابقى تعالالنا الشركة و احنا نقيسهالك و لو فعلا كبيرة نبقي نظبتهالك
و نعملها الخدمة رقم 31 و نسمي الشركة 3131

مروى فؤاد
marwa@3030hr.com
0100 222 30 2
و كل سنه و انت طيب يا مجدي
يا
مجدي
مجدي
مجدي سامعني
يا مجدي و لا مش سامعني يا مجدي
مجدي
مجدي
ماجديييييييييييييييييي
مجدي

Essameldin يقول...

Salam alikum dear brother . happy birthday my best wishes and alot of regards to you

د/دسوقي يقول...

السلام عليكم

بارك الله فيك ورزقك ماتتمناه وامد في عمرك علي التوحيد والايمان

تدوينة جميلة

أتمني منك أن تشاركني الحوار عن رواية عمارة يعقوبيان هنا
http://talebteb.blogspot.com/2006/12/blog-post_7042.html


تحياتي

وخالص دعائي

أبو نضال يقول...

كل عام و أنت من الله أقرب على طاعته أدوم، كل سنة و انت طيب يا أستاذ مجدى، و أسأل الله أن يرزقك خير الدنيا و خير الآخرة و يعيذك من شر الدنيا و شر الآخرة، و أن يرضيك بالخير حيث كان، و ياااااااااا رب يرزقك الزوجة الصالحة قريييييييييييييييييبا إن شاء الله
:)

غير معرف يقول...

كل سنة وانت طيب وعقبال 100 سنة والحبس للجدعان وعلي فكرة اسم مجدي مش وحش يعني وربنا يكرمك يا رب ان شاء الله ويحقق لك كل الا بتتمناه ليك ول ( أوسو أوسو)
ولاء

الكواكبي يقول...

لا حول ولا قوة الا بالله . . وانت يا مجدي مريت بالظروف دي كلها ومش عايز تقول "مراخيري"
حبس وكبش ودرب جماميز!!
ثم ايه موضوع اولى سبعتاشر دي؟ انت ما كنتش في فصول المتفوقين؟! حقيقي حقيقي . . يععععع

كل سنة وانت طيب يا صديقي ويارب تتحبس في سجن الزوجية انت والوله انس بتاع السياحة
وبالنسبة لموضوع الشغل الدعوي بلاش تناكة وحياة طنط ام مجدي واشتغل في اي حاجة قبل ما الحكومة تقفل الجماعة وتبقى عاطل

يلا مش مهم يقول...

هاستأذنكم ارد علي كل خمس تعليقات مع بعض
فاول خمس تعليقات هي
الاستاذ احمد البدري وانت طيب يا صاحبي
بس انت مين انا مش عارفك او مش فاكرك
ممكن تفكرني بيك
عمنا محمود سعيد يا مولانا انا عاجز عن الشكر لتقديرك لشخصي الضعيف
بس علي فكرة انت مجتهد جدا كا ما اخش مدونةالاقي تعليقكم موجود لغاية لما حسيت ان مهمتك في الحياة هي المدونات
وكمان مدونتك اسمها مبتكر
حلوة قوي " ابن اخ " ومحتاجين منك فضفضة لابناء الاخوان ومشاكلهم واحلامهم
ياء وانت اطيب يا باشا وعقبال لما نشوفك لام الف
كوباية لبن اسمك غريب بس مش عارف ايه المقصود منه وعلي العموم شرفت المدونة
بس بقولك اللي زيك مش هيصاب بالبرد اللي هايحصل انه هايقطع مش لبن بقي

يلا مش مهم يقول...

حسين عبد الفتاح .. ايه اخبار الاعتكاف والاستراوبري
يا سيدي شكرا علي السجع الجامد اللي انت قلته ده وكمان شكرا علي تقديرك لاسم مجدي ..بس طلع ان فيه ناس تانية عندها مراخير كبيرة مع اسمها غيري
بالنسبة للبصمة انا جاهز اشارك فيها بس انت تامر
عمرو الطموح يا سيدي انا شاكر لافضالك وتعطفك علي رعاياك وتعرفك علي احد ابناء الطبقة المتوسطة امثالي
فاكرتني بفيلم رد قلبي عارفه
طبعا انا في اليوم ده لاقيت واحد صغير جدا في السن والحجم وعلي وجهه علامات القرف والاشمئزاز من ايه مش عارف قاعد قدامي في الناحية الاخري من القاعة ولاقيت ابن خلدون بيقولي ده عمرو اللي قلتلك عليه قلت في نفسي هي ناقصة شكله كدة هايطلع عينينا في الشغل
لغاية لما قمت واتكلمت اصبت انا بالدهشة والذهول كيف لهذا الشخص الضئيل في الجسم الصغير في السن المشمئز الوجه ان يطرح هذا الطرح ويصيب كل الحضور بالدهشة مثلي والانبهار حتي ان محمد رجب زعيم الاغلبية في مجلس الشوري كان جالس امامي وسمعته يتكلم مع من بجانبه قائلا علي فكرة الشاب ده اكيد من الاخوان مفيش حد في مصر يقدر يطلع حد كدة في السن ده الا الاخوان
ففعلا كان يوم تاريخي لما شوفتك يا صاحبي علي فكرة فيه صحابي اسمه مجدي وهاجيب تفاصيل عنه اكتر الايام اللي جاية
الاستاذة الفاضلة سارة اللي انا مش عارفك طبعا بس يكفي انك ارسلت لي الدعوات لارد عليك بلكي مثلها وجزاكي الله خيرا علي اهتمامك
ايه يا قط حكاية صاحبك اللي امه ماتت في العراق وده استشهاد تجيبه في مناسبة عيد ميلاد يا اخي انا غلطان لني عرفتك من خمس سنين المفروض كنت اعرفك من قبل كدة
وبالنسبة لعروسة انس فانا هاسفرله قريب واوعدك اعرض علي الموضوع بس بقولك هي فصيلة دمها ايه
روح يا شيخ وتعالي بسرعة
زين مش لازم يكون عندك حس امني وما تفضحش الحاجات التنظيمية اللي زي كدة وبعدين انت عارف ان انا محدش يعرف انتمائي
يا عم تسلم وتكرم ونورت المدونةوانا يا صاحبي
عندي 29 سنة وان شاء الله نبقي مشرفين في طرة جماعة علشان الاستفادة تبقي للكل
بس ممكن تقولي انت مين يا زين
يعني فكرني بنفسك
يوسف يبقي انت يوسف بدر صح علي العموم انا فرحان جدا بوجودك يا نجم وكل سنة وانت اطيب
تعليق من غير اسم يبقي تسعين في المية بناتي بس علشان الاحراج مش كاتبة اسمها علي العموم كل سنة وانت او انتي طيبة

يلا مش مهم يقول...

عبد الرحمن رشوان
ركز كدة في دعوة الزوجة الصالحة دية الله يرضي عنك
وكل سنة وانت اطيب واطيب
علي فكرة انت فعلا طيب
بمناها الايجابي مش السلبي بتاع العالم اللي مش بتفهم
الاستاذة ولاء شملول يا مرحبا يا مرحبا
انا قريت لحضرتك حاجات علي مجانين وبصراحة كانت لذيذة واخرها بتاعت فارس الاحلام ةعاجبني جدا تنويهك ان ده مش اعلان جواز دية فضفضة امرأة تحلم بشئ رئيسي في حياتها
وعلي العموم شرفتي المدونة
ميزو باشا او الزغيمي بيه
يا مرحب بيك يا افلاطون الهندسة وسقراط الاخوان
عامل ايه يا صاحبي فعلا واحشني
ويا عم المدونة قدامك اعرف دماغي اكتر واكتر وسلملي علي اخوك
قوي
الاستاذ اللي تعليقه بالانجليزي فعلا مش عارف اسمك او مش عارف اقراه علي العموم شرفت ونورت المدونة يا نجم

يلا مش مهم يقول...

تعليق مخصوص لكل افراد الثقب والشلة الاخوانية الجامدة
ونبتديها مع عمنا ياسر السيد
يا عم جزاك الله خيرا وربنايا ياسر ييسرلك كل اليسر ويرفع قدرك يا بن السيد
النجم مصطفي محمود
نجم الاغنية المصرية القادم والسابق
يا سيدي الف شكر علي تشريفك لينا
وممكن تعمل خصم في اسعار الافراح لزوار المدونة
عبد الرحمن عامل ايه يا خبير مع البشر
وبعدين انت بتعايرني باسمي ماشي
بكرة اعرف مراخيرك الكبيرة واعايرك بيها
الكواكبي باشا شرفت ونورت وايه حكاية فصل التفوق ده
انت عارف ان احنا مناضلين من يومنا وما بنحبش ننفصل عن طبقات الشعب العامل
والتناكة دية يا صاحبي بيسموها الناس اللي في فصول التفوق الرضا الوظيفي
يا متفوق

يلا مش مهم يقول...

رد خاص الي مدام مروي فؤاد
انت فعلا ست جدعة
ما يتقالش عليك الا كدة
وانت فعلا نموذج لنجاح الاخوان للوصول للشعب
وانت فعلا نموذج للمرأة المصرية اللي عاوزة تعمل حاجة لبلدها
ملحوظة
لما تعاملي الاخوان اعملي حسابك انهم بشر بيغلطه ويقصروا في بعض الاحيان وانهم مش ملايكة
بس احسن حاجة فيهم انهم برجعوا لما حد يراجعهم
وكل سنة وانت طيبة
وعقبال لما تبقي 30 -30
100 - 100
وسلام
واشوفك في حتة تكون غير اللي كنا بنتقابل فيها

يلا مش مهم يقول...

ميس ولاءءءءءءءءءءءءءءء
انا مش مصدق نفسي
يا ستي كل سنة وانت 100 طيبة
وربنا ينولك اللي في بالك
وبعدين ما دام الحبس للجدعان
ما انا اللي اعرفه عنك انك جدعة جدا
هو انت اتحبستي قبل كدة
ولا ايه
وادعي لاوسو اوسو لاحسن حالته صعبة قوي

عبدالمنعم محمود يقول...

حج مجدي كل عام وانت بخير
والسجن الجاية او بقية السنة دي حته
اشوفك في......
بلاش بلاش اشوفك في بيت العدل وخلاص وبعدين نبقي نشوف حنشوف ايه وامتي
مش مشكلة
حاجة غتيته معلش يا أبو مجدي
وبمنتهي الصراحة والوضوح
حته انك كنت بتهرب من ابوك وتروح دار المعارف دي مش في فيلم قديم للاستاذ عبدالحليم حافظ مع الانسة شادية وقتها
ياد يا ابن الذين دنت اللي كنت بتقول انك كنت بتروح سينما الفانتزيو
معلش يا اخويا علي الفضايح
بس مدام عيد ميلاد يقولك يا رايح كتر من الفضايح
ويا رب ويا رب مشفكش في الحته اللي بالي بالك في اليومين اللي ما يعلم بيهم الا ربنا
وختاما
عيد ميلاد سعيد

fnan_geology يقول...

السلامممممممممممم عليكوووووووووووو
كل سنه وانت طيب يا مجدى باشا


انا اخويا كان تجاره القاهره وهو السبب فى اللى انا فيه دلوقتى

كان ايام الانتفاضه التانيه

اسمه محمد خليل لو تعرفه


وعلى العموم مجدى احسن من مفيش
تخيل لو واحد ملهوش اسم
وربنا ينولكك االى فى بالك
وسلااااااااااام

بنت من الاخوان يقول...

كل سنه وانت طيب يا استاذ مجدي وربنا يرزقك بالزوجه الصالحه وكمان صاحبك انس
وعلى فكره في ناس كتيير كويسه بس خلي
عواطف تدورلك
ويارب عن قريب نحضر فرحك

غير معرف يقول...

كل سنه وانت طيب يامجدى
معلش دى اول مره ادخل على النت من العيد
ربنا يحقق لك أمنياتك كلها إن شاء الله
بس بالنسبه لموضوع الزواج الموضوع مش موضوع دعوات الموضوع حاجه تانيه
وما تقلقش خالص الطب تقدم كتيير ... وربنا قادر على كل شئ ...ما تفقدش الأمل

أبوسيف

عبده يقول...

أنا بس عايز أباركلك عشان لقيت العداد وصل 564 زائر

بس المفروض يبقى فيه شوية نفحات للزوار
كرم ضيافه يعني

sharkawoo يقول...

كل سنة وانت طيب يا أستاذنا الكبير...

بس صحيح مش المفروض في عدية لولادك :)

غير معرف يقول...

ايه يا صاحبى مفيش حاجه جديده ولا هنقضيها حتى اخر السنه احتفال بمولد فضيلتك mana

abdo يقول...

كل سنه وانت طيب
كل سنه وانت طيب

خلصنا بقى من التدوينه دي وشوفلينا حاجه تانيه تتحفنا بيها

اللي بعده
يللا

غير معرف يقول...

لو مش قادر تفتكرنى بعد كل ده اسأل عنى الشيخ بودى
احمد البدرى

عبدالله يقول...

اولا كل عام وانت بخير يا مجدي رغم انها متاخره شويه بس اعمل ايه السعوديه كانت عامله فلتر علي الرد علي المدونات لسه فاكاه الناهرده
ياتري فاكرني ولا لسه :)
علي العموم مكنش فيه من اسمي اتنين معاك ايام الكليه و كمان ايام مجموعه جيم :)
ربنا يفتحها عليك السنه دي في الشغل و الجواز ان شاء الله

تعليق صغير علي اسم مجدي الي مش عاجبك فكر فيه بزاويه تانيه
الاسم ده ليه معني كبير لما يكون ضابط امن دوله عماله يشحنك كهربا ومستنيك تنور و تقول مين هوا مسؤول الكليه :)
وانت متحير تقول ما هما عارفينه و لا اجتمال ضئيل مش يكونوا عارفين فالسكوت احسن :) علي ما بتخلص تفكير بتكون الكهربا خلصت :)
وفي الناهيه نقولها تاني كل سنه و انت طيب و سنه قادمه سعيده ان شاء الله

غير معرف يقول...

السلام عليكم
كل سنة وانت طيب ياباشا والسنة الجاية تكون متجوز ان شاء الله ومستقر ويكون اخوك"اوسواوسو"هو كمان متجوز ومستقر
لكن انا عاوز اقولك ولا يهمك الجواز ده اسهل حاجة لما تيجى اللى ربنا مخترهالك بس انت اصبر شوية
وعاوز اقولك وصى اخوك "اوسواوسو"علينا فى جامعة اسكندرية يعنى هو علشان الدنيا مش عاجباه خلاص ...لا يا عم قولوا ان الدنيا دى ما تستاهلش وان كله حاجة جاية بس قدام شوية
ومرة تانية كل سنة وانت طيب يا..."ميجو ميجو"
اخوك فارس ..اسكندرانى بيعشق البحر

غير معرف يقول...

واحدة من الناس
السلا م عليكم انا الصراحة بحسدك على كل الخبرات اللى مريت بيها وربنا يجعلها فى ميزان حسناتك ويثبتك على خطاه. كان نفسى جياتى تبقى كلها احداث وانجازات ونفسى اخدم دينى بجد فهنىئا لك على استعمال الله لك فى نصرة دينه وادعو الله ان يحقق لك ما تتمناه

غير معرف يقول...

i just wonder why no one record the speaches of ashraf mikawi!
i used to pray in the same mosque by the way!
i wonder who u r !
Ahmed

غير معرف يقول...

انا بنت من بنات الاخوان كل سنه وانت طيب بس ركز انت بس في موضوع العروسه هتلاقي اخوات كتير زي العسل بس انت ركز وسرع ربنا يوفقك ويرزقك الزوجة الصالحه ويرزقني الزوج الصالح امين

غير معرف يقول...

يا باشا كل سنة وانت طيب وعقبال 100 سنة على فكرة انا معجب جدا بيك وخصوصا حبك للقراءة فانا احب القراءة بجنون وانصحك بالقراءة للدكتور احمد خالد توفيق سواء مقالات او قصص لانه عايز يوصل حاجة للناس وهو برده زي مدام مروى فؤاد من الناس اللى تواصل معاهم الاخوان وافكاره تؤثر في قطاع ضخم من الشباب انا واحد منهم مش الشباب المصري بس لا والعربي كمان مصطفى معوض

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人