الأربعاء، ديسمبر 27، 2006

ابو مراخير كبيرة


ابو مراخير كبيرة
كان ليا واحد صاحبي اتولد ومراخيره كبيرة

مش مهم مراخيره ادي ايه ..المهم انها كبيرة

وهو صغير كان زمايله بينادوله بابو مراخير كبيرة

كان ساعات بيتنرفز .. يغضب .. يتعارك معاهم بس وهو مروح بيته كان يفتكر كلامهم وسخريتهم وكل ما يفتكر كل ما يزيد غضبه وزعله من مراخيره الكبيرة
قبل ما ينام كل يوم يقعد يفكر في ليه هو اللي مراخيره كبيرة
واشمعني باقي الناس لا ولما يتعب من التفكير كان يحسس علي مراخيره بايده ويروح في النوم
كل ما يبص في المرايا علشان يغسل وشه كان يسيب كل حاجة في وشه ويبص علي مراخيره الكبيرة
في فصله كان لما يستجمع نفسه ويقوم يجاوب او يعرض رايه كان ما يشغلوش الناس رايها ايه في كلامه اد ما كان
يشغله رايهم في مراخيره الكبيرة
مع زمايله وهو في وسطهم كان كل اللي شاغله مراخيره الكبيرة وكل ما يبص حد من زمايله ناحيته ساعة ما ييجي يتكلم كان يفتكر انه بيبص علي مراخيره الكبيرة
لما اتخرج وراح يعمل مقابلة للتوظيف ساب كل شئ واصبح اهتمامه الوحيد هو الراجل اللي هايعمل معاه المقابلة هايقول ايه علي مراخيره الكبيرة
كل حاجة في حياته وكل موقف وكل راي كان بيتبني علي مراخيره الكبيرة
مع ان الراجل ده لو تعايش مع مراخيره وحاول يشوف ايه المفيد منها هايلاقي حاجات كتير
مثلا ممكن علشان كبيرة تساعده علي التنفس الجيد اكتر من الناس اللي مرخيرهم عادية
او انها هاتنفعه قوي لما ييجي يلبس نضارة علشان هاتشيلها في سهولة ويسر
وبعدين حتي لو اتفقنا انها مفيش منها فايدة ليه بيسيب الصورة كلها وينسي كل شئ جميل فيها ويمسك في العيب او ما يظنه انه عيب
اكيد الراجل ده عنده من المزايا الشكلية والنفسية الكتير قوي
بس هو بينسي كل ده وبيمسك في المشكلة او ما يظنه انه مشكلة

كلنا لينا مراخير كبيرة

علي فكرة كلنا عندنا مرخير كبيرة ( مستوي تعليمي اقل من الاقران - مستوي اجتماعي اقل من زملائنا - طول زائد - قصر اقل من المعتاد - لثغة في النطق - وزن زائد )
بنحاول نداريها
وبنفضل اسري ليها
ونسيبها تتحكم في رؤيتنا للحياة
ونسمحلها انها تقضي علي مميزاتنا وايجابياتنا
وانها تتسبب في احباطنا وتثبيطنا وانها تبقي حاجز كبير بينا وبين الاخرين
وتخلينا نتصور ان كل نظرة هي ليها وكل همسة هي عليها
مع ان المرخير الكبيرة دية احنا مش متحكمين فيها فليه نعمل في نفسنا كدة
وليه نقضي علي كل حاجة حلوة في حياتنا علشان امر زي ده
انا متاكد ان كلنا بنملك ايجابيات او مميزات وسلبيات او نقاط ضعف
فليه مناخدش بالنا من مميزاتنا ونقويها ونبرزها ونحاول نكتسب نقاط قوة ومميزات اخري
اما سلبياتنا او نقاط ضعفنا اللي احنا مش مسؤلين عنها ليه ما ننسهاش
او نتعامل معاها بحكمة ونحطها في مكانها الطبيعي
وماندهاش الفرصة انها توقف حياتنا اوة تفسد علينا عيشتنا
فعلا احنا محتاجين نتعايش مع نفسنا علشان نعرف نتعايش مع الناس
ويللا مش مهم

هناك 22 تعليقًا:

غير معرف يقول...

السلام عليكم
اولا لفظة "انف " ارحم كثيييييرا من "مراخير " دى كانت بس ملحوظة أولية.
ثانيا ال"انف" الكبيرة دى ممكن تكون حاجات كتييرة فعلا بس الخداع المطبق بقى ,لما الواحد مايكونش عارف ان عنده "انف" كبيييرة بتتحكم فيه . مرحلة المقاومة دى بعدين .
بس الموضوع كويس
حياكم الله

الكواكبي يقول...

فضحتنا الله يخرب بيت الكفرة!! "مراخيروه" ...!! والله لو اعرف من زمان انك بتقول "مراخيروه" كنت قطعت صحوبيتي ليك وبناقص . . مراخيروه!! مش بعيد تكون بتقول "بورتئان" على البرتقال و"شوباك" على الشباك و"دوبانة" على الدبانة . . اخص يا مجدي بجد وانا اللي فضلت مخدوع فيك طول السنين اللي فاتت . . روح يا شيخ؛ وتعالى بسرعة

abdelrahman يقول...

مناخيره
مناخييره

قول ورايا 3 مرات
مناخيره

عدي عليا بعد أسبوع

عبد الجليل الشرنوبي يقول...

حقيقة المقال جيد
و سخرية المدخل أدت للوصول إلي مرارة الواقع
كلنا ذاك الرجل
وكلنا نسعى لتجاوز عيوبنا
غير أن النادر جدا من الخلق في واقعنا هم الذين لا يسعون لإجراء عمليات تجميل لعيوبهم .. ليصبح جمالهم مجرد نيولوك اصطناعي سريعاً ما تزول أصباغه عند أول معاينة دقيقة أو احتكاك مباشر .
يا سادة أزماتنا ليست في محاولة تجاوز العيوب
و الأخطاء
و القصور
قدر ما هي أزمة معرفة القدرات و بالتالي النظر لما هو مطلوب منّا في ضوء قدراتنا حتى لا تصبح أحلامنا مجرد وعود حكومية !
وعلى فكرة لقد تيقنت أن كثير من رجالات الأنظمة العربية "مراخيرهم" كبيرة جداً لكنهم يظنون أننا كشعوب مش واخدين بالنا

ِikhwanyouth يقول...

الرضا بما كتب الله هى نعمة لا يتمتع بها الا الاريب الحكيم

على فكرة مناخير لها اصل لغوى وهو منخار

أسال الله أن يمتعنا بنعمة الرضا

عمرو طموح يقول...

و أنا بتمشي معاك... أول ما جيبتلي سيرة المدونة، بصيت في وشك علي طول...
بجد... انت مراخيرك كبيرة، و انت علقت كمان... و قلت " لا وأصلع"، يعني عيبين مرة واحدة.
بتخيلك لما تقف قدام المراية بالساعات، عشان المراخيرين الكبار اللي عندك...هههههه

بس بجد، فكرة جميلة قوي، و اللي عجبني انك بتتكلم عن العيوب اللي ساعات بنخليها عائق لينا اننا ندرك المميزات اللي عندنا... و ده فضلا عن اننا ممكن فعلا ساعات منبقاش واخدين بالنا ان عيوبنا ماثرة علينا بالشكل البشع ده.

و دلوقتي بس عرفت انت ليه علي طول بتقول يللا مش مهم... عشان المواقف الكتير اللي مراخيرك منعتك من تحقيق انجازات فيها... و يللا مش مهم

الســبـاعــي يقول...

عنوان المقال + الصورة خلوني اتردد في اكماله وقلت اكيد ده واحد صاحب حضرتك عملت معاه موقف مش كويس وبتصالحه هنا .
المهم الموضوع ده كلنا بنتعامل معاه
وكل واحد فينا عنده حاجة زي المناخير دي ، وأحيانا بتكون مجرد تفكير داخلي او حاجة شخصية جدا ، بس بتكون واخدة
اكبر من حجمها .

يلا مش مهم يقول...

السلام عليكم ورحمة الله وبركاته
كل عام وانتم بخير
والسنة الجاية ان شاؤ الله تكونوا علي جبل عرفات
الي صاحب التعليق الاول انا استخدمت العامية في كتابة التدوينة وعليه كان لازم استخدم المفردة التي تستخدم في العامية وهي مراخير واحيانا مناخير
علشان انا عمري ما سمعت واحد بيقول لواحد تاني امسح انفك بيقولوا دايما امسح مراخيرك
الكواكبي الكبير شرف التدوينة بتعليق اندهاشي يعبر فيه عن دهشته من نطقي لكلمة مراخير عاوز اسالك امال هي بتتقال ازاي لما اقابلك هابقي اعرفك قاموس مصطلاحتي
صاحبي عبد الرحمن السيد انا فوجئت بتحويل مجالك للطب النفسي صدقني هاتنفع بس ركز فيه
صديقي عبد الرحمن رشوان فعلا الرضا حل ناجح جدا لاي مراخير كبيرة عندنا بس اوعي يكون حل استسلامي يعني لو نعرف نغير للاحسن علينا اننا نبذل محاولة واتنين وتلاتة.......
النجم الشرنوبي كبير اخوان اون لاين في مدونتي المتواضعة انا مش مصدق نفسي يا رجالة علي العموم نورتنا واهلا بيك ضيف دائم يا مريسة
انا متفق معاك جدا في ان الازمة الاكبر هي عدم معرفتنا لقدراتنا او استكشافها وبعثها من مرقدها وانا متخيل ان لو كل واحد اكتشف قدراته هاتختلف حياتنا تماما
اما للنيو لوك فهو فعلا موجود وبيعملوه بس بيتكشف بسرعة وعلي راي المثل او الماثور
من الممكن ان تخدع كل الناس بعض الوقت ولكن من المستحيل ان تخدع بعض الناس كل الوقت
وبالنسبة لحكامنا العرب وانظمتهم فدول عبارة عن مراخير كبييرة قوي في جسم الامة وحلها البتر
صاحبي عمور الطموح انا غلطان اني بتمشي معاك وخللي بالك دية اخر مرة هاتمشي معاك كدة اقولك علي سر محدش عارفه خالص اني مراخيري كبيرة واصلع تنشره علي المدون
ثكلتك امك
واشوفك بعد الامتحانات يا نجم
السباعي باشا انا سعيد اني بشوف تعليقاتك علي المدونة وبسالك فين مدونتك يا باشا
مش معقول ان مدير ........ما يبقاش عنده مدونة ولا باب النجار مخلع
وسلام بقي علشان الحق .....
ولا يلا مش مهم

غير معرف يقول...

جزاكم الله خير وموضوعات المدونه جمميله فعلا
وياريت كل واحد فينا بدل مما يركز على ممناخيره الكبيره يركز على قدراته وده اسمه علم النفس الايجابي

عبدالله الشيخ يقول...

دي اول مرة اكتبلك هنا بث من فرح و زغاريد ولا تقطع هدومك وتبرد الموضوع مش مثتاهل انا بث بمناثبة الثنة الجديدة قلت اكتبلك حاجة كده
طبعا انت كنت تقثد الناث العاديين انما الناث اللي زيي ملهمش عيوب وانت عارف طبعا
بث انا اول مرة اعرف انك الدغ في النون هههههه علشان كدة انا عرفت انت ليه بتنثى تتجوز ولا شكلك بتخاف من العروثة هتقول عليك ايه

محمد القط يقول...

معلش يا عم مجدي ..إسمحلي أختلف معاك
بالنسبة للتعامل مع موضوع المراخير الكبيرة..لأن موضوع التجاوز والتفويت مع بعض القضايا ممكن يكون ليه أثر سلبي بمعنى إني مثلاً أقدر أتجاوز وأفوت كوني بمراخير كبير أو طويل حبتين أو معاق ..وأحاول اتغلب على بعض الإشكاليات إلي ممكن تكون في الإستايل أو "على وش القفص"زي مابيقولو"الشكليات يعني "...إنما يكون في شرخ مثلاً في حيطة البيت وأخبيه بتبلوه جميل ولا اتجاوز عن الموضوع هنا الخطورة لأن ممكن بسببه يتإذي ناس ..هنا بيكون التجاوز مش في محله...

المهم...النقد والتقويم والتجويد مش عيب أو جلد للذات..لإنها ملكات في بلاد بره "أي أوروبا والدول المتقدمة "في دورات ودراسات في العقلية الناقدة ..يعني العقلية إلي بتطلع القطط الفاطسة في الامور ...
لكن للأسف في بعض الناس شايفة إن النقد داء ومرض وصاحب العقل الناقد زي الاجرب يجب عزله وتقويمه !!

يلا مش مهم يقول...

السلام عليكم يا شباب
ثالث ايام العيد والبرد شديد والاكل زيادة ويفيض وانا في الشغل نتيجة لقرار الحكومة المتخلف بجعل اجازة العيد تنتهي يوم الاحد
بس برضه يللا مش مهم
احنا شعب اتخلق علشان يستحمل واذا فاض بيه الكيل مش هيغير بس ممكن يتغير وييجي شعب تاني مكانه يستحمل رزالة وغلاسة الحكام
عذرا للمقدمة الطويلة ونخش في الموضوع
الاستاذ عبدالله الشيخ انت مين
من كلامك تحس انك واخد عليا وفيه علاقة ما بينا بس انا قعدت ادور وافتش في دماغي عن هذا الاسم ما لقيتش حد خالص اعرفه ممكن تفكرني باثمك قصدي اسمك يا عم عبدالله
محمد باشا القط صديق الدراسة والمغترب في عمان انا سعيد جدا بيك يا صاحبي علي المدونة وبفكرك بالايام الخوالي اللي كانت بينا وبين بعض في تجارة وساحاتها وجناينها
يلاا مش مهم هكذا الدنيا
انا متفق معاك جدا في رايك الاقائل بعدم اهمال او تجاوز العيوب بل يجب علينا مواجهتها اما بالتحسين او التعايش والقبول بس انا قصدي بالعيوب التي نكتسبها او تلحق بنا من غير قصد منا او هناك استحالة في التعامل معها
وفعلا احنا محتاجين نعمل عملية زرع للعقل النقدي لدي جميع افراد المجتمع وخاصة الاخوان
ويا ريت يا صاحبي ما تحرمناش من تعليقاتك الالمعية
بقولك ايه
انا عاوز ميلك او تليفونك في عمان ويا ريت تضيفني علي الماسينجر عندك
mg-saad@hotmail.com
علشان انت واحشني جدا وكمان فيه مصلحة عاوزك فيها

يلا مش مهم يقول...

اسف
فيه حد علق بس من غير اسم
وكان بيتكلم علي ان علم النفس الايجابي مهم وهو مل يجب تفعيله طبعا انا متفق معاك وباحييك علي المشاركة
يا ريت تكتب اسمك او ميلك
الموضوع ده ضروري جدا

أبو نضال يقول...

لمس الموضوع أعماق قلبى، ربنا يكرمك

لا حرمنا الله منك

:)

واحد من الإخوان يقول...

بصراحة ما شفتش موضوع جذبني من اول كلمة لأخر كلمة زي الموضوع ده
الصورة
طريقة الكلام

حتى كلمة " مراخيرة " كل حاجة

بصراحة موضوع ممتاز

لازم فعلا نتخطى موضوع مناخيرنا

كلنا مناخيرنا كبيرة

وكلنا شبه الراجل اللي في الصورة

وللأسف كلنا بنحاول نصلح مناخير غيرنا

ولو ما عملناش كده بنقعد نستهزأ من مناخير الغير

مع إن اول حاجة الواحد لازم يعملها
يبص في المراية ويراجع كل حاجة فيه

ويحاول إنه يتعامل مع شكله

يصلح على اد ما يقدر

واللي ما يتصلحش نستخدمة في حاجة مفيدة

المهم ما نستسلمش للنواقص اللي فينا
ونخليها تعوقنا


تحية كبيرة جدا

للأديب الكبير

مجدي سعــد

اخوك
محمد حمزة

غير معرف يقول...

والله ياعمنا مجدى انا كنت فاكر ان المدونة بتعتك هى اللى جميلة وكتابتك بس هى اللى جميلة طلع ان المعلقين هم كمان دمهم ظريف جدا

احمد البدرى
ويارب تكون فاكرنى

غير معرف يقول...

الى سباعى
لو سباعى اللى انا اعرفه فخد الكلام على نفسك ولو مش انت يبقى متخدوش
هو انت كنت متردد لان تقرأ المقال لان انت اللى ؟
احمد البدرى
ويارب يامجدى تكون فاكرنى

محمود ماجد يقول...

فكرة رهيبة اوي يا مجدي ...عجبني المقال جدا

koukawy يقول...

كلامك صح00
الواحد يبص لنص الكوبايه المليان مش الفاضي

غير معرف يقول...

at first al salamo 3alekom..
ana aly a3rafo an asmaha mNa7'eeer
mRa7'er de gdeeeda 3alaya bs momkn fe nas btolha BS fe sabel al hazar ..
maaa 3alena mn mna7'er wala mra7'er al donya msh 7to2f 3andha ..
bs begad al post gamed gedn w aham 7aga an al wa7ed y3raf an
عسى ان تكرهوا شيئ وهو خير لكم'



narytom

إيمــــان ســعد يقول...

ههههههههههههههههه

شديدة جدا


طب ما يحاول يعمل عملية تجميل لو الموضوع تاعبه اوى كده

:)

عموما الواحد في رأيي مش عبد لطباعه

بمعنى السلبيات فى رأيى ممكن الاستسلام لها او تحسينها تدريجيا

بس اسلوب عرض حلو يا مجدي

تحياتي

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載