السبت، أكتوبر ٢٧، ٢٠٠٧

صورة

صباح الخيرات
بقالي كتير مدونتش
معلش فعلا عندي كام امر شغليني جدا
علي العموم محمد عثمان كان دايما بيقولي ان من اكبر سلبيات المدونة انها بتعتمد علي ما اكتبه فقط فلا يوجد اشكال للتعبير اخري
فمثلا لا يوجد صورة او فيديو او اغنية
فقط هي الكلمات التي اخطها بكيبوردي
ولذا فقد قررت ان اعالج هذه السلبية في الفترة القادمة
كيف
من غدا ولمدة غير محددة ستستيقظ من نومك صباحا وبالطبع ستكون قد صليت الصبح في موعده ولذا فستحمد ربك علي توفيقك لاداء صلاة الصبح والا فيجب ان ينتابك شعور بالاسي والالم والاسف علي تضييعك لها وفي كلتا الحالتين فستتوضأ وتؤدي الصلاة اما عوضا عما فاتك ةتستغفر ربك وتطلب منه ان يوفقك لاداء الصلوات جميعها في موعدها او ركعتي الضحي في حال تاديتك لصلاة الصبح في موعدها وبعدها ستدخل علي الشبكة العنكبوتية لزيارة مدونتك المفضلة
"يلا مش مهم "
وستجد الاتي
ستجد صورة
ايوة صورة
فقط
بدون اي مرفقات
وستجدني تعليقي هو اول تعليق في التعليقات " صاحب المدونة بقي " وبالطبع ستدخل سعادتك مشكورا لتقول رايك او تعليقك علي الصورة
التي ستعجبك ان شاءالله
علي فكرة الصور مش بتاعتي دي واخدها من النت
والان اترككم وموعدنا غدا ان شاء الله
ويلا مش مهم

هناك ٧ تعليقات:

عصفور المدينة يقول...

هييه سبقت صاحب المدونة

تعال شرفني حتلاقي صور تبهجك ايضا

دكتور حر يقول...

وانا كمان سبقت

في الانتظار

عصفور المدينة يقول...

مجدي باقترح عليك برضه لأجل إزالة بعض الجفاف أن تضع شات بوكس بحيث ترد بسرعة على بعض التحيات والسلامات والذي منه بيعمل جو في المدونة

غير معرف يقول...

الاستذ مجدي
انت بعيد عن الموود الفكري
خالص ونشاطك الكتابي قل جدا
صور ايه وفيديو ايه
ركز بالله عليك
ما ينفعش الدنيا تبقي كلها قايمة
وانت تقول صور

ومضات .. أحمد الجعلى يقول...

فين يا استذا مجدى الصور

انا صليت الفجر وقاعد مستنى أهو بس لا جديد!!!

بس مش معنى انك تقصر انى أقصر انا كمان
اذا كنت انت اتاخرت فى وضع الصورة فانا مش هاعمل زيك وهاحط التعليق بتاعى على اول صورة الى لسه ما نزلتش

"ياااه سبحان الله شوف الصورة عاملة ازاى؟؟ فعلا لله فى خلقه شئون"
(:

غير معرف يقول...

ياااااااه فكرتنى بأيام زمان ايام البلد كان يوم الخبيز ده فرح بالنسبه لي كنت بهيص وتقريبا والله الخالة اللي كانت بتخبزلنا علي الفرن البلدى شبه الخالة اللي في الصورة دى بالظبط وعلى فكرة دى مش علبةسمنة فيها سمنة دى علبه بيبقى فيها ميه وقطعةقماش لزوم تنظيف الفرن وتبريده خبره بقي

غير معرف يقول...

السلام عليكم
اول مرة اعلق على اى حاجة على النت بس كان لازم المرة دة اعلق
ممكن تكون الصورة غير مؤثرة فى بعض الناس و لكن يكفى اها اثرت فيك وفى الاستاذ سعيد وكتير مكتبوش تعليقهم العبرة مش بالصورة العبرة بما وراء الصورة.سلام