الأحد، نوفمبر ٢٦، ٢٠٠٦

وكاد مسؤولي ان يسلبني اعز ما املك


"وكاد مسؤولي ان يسلبني اعز ما املك"

الشوري عندنا خلق قبل ان تكون الية ,فنحن قبل ان نتاكد من تمام اجراءات عملية الشوري فيجب ان نتاكد من تحقق اخلاق الشوري فلا يجوز عندنا ان يستاثر المسؤل برايه فضلا عن انه لايحق له ان ينشئ مناخ سلبي حول من يخالفه
في الراي ولو ان ينظر اليه نظرة ضيق اثناء عرض رايه
تصريح صحفي للاستاذ محمد مهدي عاكف
عزيزي القارئ الاخواني -عزيزتي القارئة الاخوانية هل واجهت اثناء حضورك لاسرتك او لقاءك الاداري واحد من المواقف الاتية
- ان تجد المسؤل يستاثر بالكلام ولا يعطي فرصة للاخرين لعرض ارائهم ,ان يعرض المسؤل رؤية معينة او طرح ما ويختم كلامه "بان هذا الكلام جاي من فوق" او يؤخر هذه المقولة لتكون اداة انهاء لنقاش ثار حول تلك الرؤية اعتراضا او تساؤلا ,ان تري نظرة ضيق او تململ من قبل المسؤل تجاه رايك او تجد ان الوقت المتاح لزملائك اقل من المتاح لك اذا كان رايك مخالف لراي المسؤل هل قام مسؤلك في احد المرات باستدعائك ووجه اليك مجموعة من الارشادات والاوامر مفادها انك يجب ان تتوقف عن اثارة القلاقل والاعتراضات علي ما يطرح داخل الاسرة او اللقاء وانك يجب ان تراجع نيتك وسلامك الداخلي وتؤب الي الله .
- طبقا لخبراتي الشخصية و نتاج مشاهداتي داخل المجتمع الاخواني استطيع ان اجزم بالاتي
هذه السلوكيات ليست منتشرة وعلي مدار 12 عام داخل الاخوان لم اواجه هذا الامر الا قليلا
الية العمل ومناهج التربية لا تحمل بداخلها ما يعزز هذا الامر ولكن التاويل المغلوط للبعض هو ما يؤدي الي نشؤ تلك الحالة
وهذا التاويل مفاده ان الفرد بمجرد التحاقه بالاسرة او المكتب الاداري فيجب ان يتحول الي صفحة بيضاء يكتب فيها المسؤل ما يشاء او انه يفقد اهليته وتحدث له انتكاسة تعيده الي سنوات عمره الاولي التي كان يقف فيها علي ارصفة الشوارع يستجدي الاخرين ليعبروا به الطريق .
- ايها القارئ الكريم ان قدرتك علي النقد البناء والتساؤل الفعال و المسائلة الواعية هي اعز ما تملك وبفقدها تفقد الكثير من حريتك وبشريتك وان من يحاول ان يقوم بهذا الامر فهو فعلا "يسلبك اعز ما تملك"

- ايها القارئ الكريم انك لست بالفرد العادي لانك بانضمامك الي جماعة الاخوان المسلمين تكون قد انضممت الي اكبر جماعة عددا وتاثيرا في العالم العربي والاسلامي تلك الجماعة التي يعقد عليها الكثير من الامال والتوقعات في قيادة قطار التغيير والاصلاح في المنطقة لاصلاح الاوضاع المتردية واقامة مشروع حضاري اسلامي يكون نموذج يحقق الهدف من نزول الانسان الي الارض والغرض الحقيقي لخلقه ويتلافي سلبيات النموذج الحضاري الغربي
- والجماعة ايها القارئ هي مجموع افرادها وقوتها مستمدة من قوتهم وحيويتهم وفاعليتهم ولذا فعندما تصاب انت كفرد وتضعف فستضعف الجماعة وتتفكك .
ولكن لماذا نجد هذا الفهم وذلك السلوك وما هي دوافعه واسباب وجوده
- شخصية المسؤل وطريقة تربيته المستمدة من الثقافة السائدة في المجتمع التي تعتمد علي انه من سؤ الادب ان تناقش من هو اكبر منك او تعترض عليه فوالدك و مدرسك وكل من هو اكبر منك حتي "بتاع الانابيب" مقدس لا يجوز نقاشه
- الفهم الخاطئ لركن السمع والطاعةيحول العلاقة بين الفرد ومسئوله الي علاقة شبه عسكرية فكلامه وطرحه هي اوامر عسكرية غير قابلة للنقاش وصاحبها له هالة من القدسية تمنع الاخرين من مراجعته ونقاشه
- حالة الاستسلام التي يبديها الافراد تجاه مسؤليهم والمبالغة في اظهار الاحترام والانبهار الزائد عن الحد بشخصية المسؤل
- الملاحقة الامنية وعدم وجود كيان قانوني واضح لكل الافراد مما يؤدي الي حالة من الحذر يساعد الفاهمين خطاء علي تاكيد فهمهم ويوفر المناخ المناسب لتطبيق ما يعتقدون
وبعد ان ناقشنا اسباب ودوافع هذه الحالة فلنتكلم الان عن كيفية مواجهة هذا الامر والتعامل معه
لا تتنازل ابدا عن حقك في ابداء رايك والتعبير عنه
لا تخجل ان تعرض رايك حتي ولو كان مخالف للاخرين كبار او صغار
لا تعتقد ابدا في مقولة (الكلام ده جاي من فوق) ففوق هذا هو نتاج تحت سواء افكار او اشخاص او قرارات
حافظ دائما علي صوتك الخفيض واسلوبك الهادئ ولا تتعدي حدود ادب النقاش فالامر ليس بحلبة للصراع واثبات الذات
اذا وجدت مسؤلك الاداري او التربوي يقوم بسلبك فتكلم معه علي انفراد واشرح له ما تراه من سلبيات وعيوب
واحرص علي ان يكون العرض كامل ووافي بدون خجل وان يكون مغلف بالحب والمودة
اذا وجدت تعنت من المسؤل وعدم الاستجابة فاطرح الامر للنقاش في الاسرة او المكتب الاداري الذي انت فيه وشارك
الجميع في المشكلة
اذا لم يحدث اي تحسن و انقلب الامر الي حالة انسداد تام بينك وبينه فاسعي الي من هو اكبر سنا ومقاما ليتدخل
لايجاد حل
-واخيرا يا اي شخص يقراْ هذا المقال سواء كان من الاخوان او من غير الاخوان
ارجوك لا تدع احد يسلبك اعز ما تملك
( ابوك - امك - زوجك - مسؤلك - مديرك- استاذك ..............)
ارجوك لا تسلب الاخرين اعز ما يملكوا
(..................... مسؤل منك - موظف عندك - ابنك - ابنتك - زوجتك - تلميذك
قريبا جدا -ديكتاتورية بروليتارية الاخوان عن سلب الافراد لمسؤليهم اتحدث
ويللا مش مهم

هناك ١٧ تعليقًا:

غير معرف يقول...

أستاذي الفاضل... مقال رائع و أسلوب - بصراحة كده - مكنتش أتصور إنه يكون عندك في الكتابة،المهم ، أنا بس عندي إضافة صغيرة و هي إن الناس دايما بتتعامل إن الشخص اللي (فوقيها)ده بيبقي في الخندق الآخر، يعني لما يكون في كلام بينهم لازم يبقي واحد بيهجم والتاني بيدافع؟!
و ده برضه موجود في الإخوان لما الواحد بيكلم مسؤوله بيلاقي نفسه بيهاجم أو بيدافع، و بينسي إننا في النهاية لازم نفتكر الأخوة و إننا بنشتغل عشان الدعوة (و هنا بالفعل يكون تجديد النية مهم)و كمان مش النظرة للنقد بأنه تطاول لازم تستبدل بنظرة كلها إجلال و احترام لهذا العقل الذي استطاع الوصول إلي شيء جيد يساعد علي تطوير العمل، عشان في النهاية نخش الجنة كلنا مع بعض.
و يللا مش مهم

غير معرف يقول...

mana said يااخى انت كده هتفتح على الاخوه باب من ابواب الفتنه وممكن تلاقى الشيطان غرر بيبينا وهو اللى هيسلبنا لامؤخذه اعز ما نملك

غير معرف يقول...

الراجل الإخوان الشاطر .... محدش يقدر يسلب منه حاجه

بس انت خلي بالك من نفسك

بس بجد الكلام ده جامد جدا واسلوبك رائع ومتزن إلى حد كبير

في الآخر

مسؤول إييييه ويسلوبني إييييييه

غير معرف يقول...

أستاذ "مانا" أحب أقولك إنك مقريتش التدوينة الأولانية بتاعة يا رب يفهموني صح، اقراها و انت تفهم
و أستاذ مجدي، هو انت بتدخل علي المدونة تكتب و مبتخشش تقرا التعليقات؟؟؟
يعني ابقي رد كده علي التعليقات و الكلام ده
و يللا مش مهم

أبو نضال يقول...

بوركت أستاذى الكريم، و يجب ألا ننسى أننا فى النهاية نعمل لله وحده، و كلنا قابلين لأن نخطئ و نصيب، و أيضا يجب أن نحذر من النظرة الأحادية " أنا صح و انت غلط "ن فكثيرا ما يقع فيها البعض و جزاكم الله خيرا.

غير معرف يقول...

يا مجدي يا كفتة . . مين اللي شال التعليق بتاعي, ما تدوسش على حاجة ما تعرفهاش تاني :)
انا كنت باعت اول تعليق كنوع من انواع التحية علشان انت "صاحبي وحبيبي وكفاءة"
عموماً يالاّ في داهية

غير معرف يقول...

"يا مجدي يا كفتة . . مين اللي شال التعليق بتاعي, ما تدوسش على حاجة ما تعرفهاش تاني :)"هههههههههههههههه
لا بجد، جامدة، لأني كنت مستغرب جدا من اندماج عمي مجدي مع المدونة، و كنت مستني من زمان حاجة زي كده.
و يا ريت متدوسش علي الزرار اللي مكنتش عارفه ده تاني مع التعليق بتاعي

يلا مش مهم يقول...

السادة المعلقين السلام عليكم ورحمة الله وبركاته
اسف لعدم الرد الفترة السابقة لاني كنت مشغول جدا
ولكنني الان علي اتم الاستعداد للرد علي طلباتكم وتساؤلاتكم في برنامج ما يطلبه المعلقون
اولا الاستاذ مانا كفاية رد الاستاذ عمرو عليك وعيب يا مولانا تخش تقرا الموضوع اللي عنوانه مثير وتترك العناوين الجادة بطله بقي المراهقة المتاخرة دية
الانسة او المدام نور الاكوان اتفق معكي تماما في ان الاخلاص وتوحيد القصد هو حل لكثير من المشاحانات والاختلافات التنظيمية ولكن يجب ان يسبقه فهم ووعي ولا تنسي ان الاستاذ البنا قدم الفهم علي الاخلاص وصدقيني الاسلام بيعاني من المخلصين جدا الغير فاهمين خالص وتذكري الدبة التي قتلت صاحبها
ومتفق معك تاني في موضوع النظرة الاحادية وانا متاكد انها السبب في الكثير من المشاكل فكل واحد حاطط فكرته وسلوكه ورايه معيار يقيس عليه الاخرين والمختلف معه هو مخالف للفكرة العامة والتنظيم واحيانا الدين مع ان الاصل مش كدة هناك اختلافات في الثقافة وطرق التربية ومستوي التلعيم والخبرات المتراكمة
وجزاكي الله خيرا علي دعاءك
الاستاذ اسلام فعلا يا صاحبي انا دوست غلط بس صدقني مش قصدي انا بعد ما رفعت المقال فوجئت بالاديتور المتخلف غيرلي الفونت وكذلك لخبطلي السطور في بعض وكان الحل اني احذف وارفع من جديد وعليه راح تعليقك المحترم جدا ادراج الجهل بالانترنت بس انا مستنيه منك تاني عيب عليك ما تبعش صاحبك
الاستاذ الكبير قوي عمرو
انا اولا اسف جدا علي البيع اللي انا بايعهولك الفترة اللي فاتت وبجد انا اسف
بس عيب عليك انك متكونش عارف قدرات صاحبك
ثانيا ملاحظة جامدة جدا بتاعت الفرد والمسؤل هما متضادين دائما وللاسف هي دية ثقافة المجتمع ان المسؤل او المدير او الكبير دائما يحاسب ويهاجم والطرف الاخر في ميدان الرماية وعليه ان
يتلقي السهام ويزيد عليها بارجعاها
ليه ما تبقاش العلاقة علاقة تناغم وتفاعل وصداقة
وانا نفسي اشوفك جدا موت علشان مشربتش دوم من ساعة ما كنت معاك

أبو نضال يقول...

الانسة او المدام نور الاكوان!!!!!!!!!!

السلام عليكم و رحمة الله و بركاته:
أخى الحبيب مجدى مين قال انى آنسة أو مدام؟ فى البطاقة عندى مكتوب " ذكر مسلم أعذب " :) و عموما أنا غيرت اسمى علشان ناس كتير بتتلخبط فى الموضوع دا. و بعدين مش هتصدق أنا مين، أنا و الاستاذ عمرو نبقى اخوات! أحببتك قبل أن أراك، و لك منى أصدق الدعوات :)

يلا مش مهم يقول...

انا اسف جدا
بس الاسم
والمدونة ومحتوياتها اكدت لي ان صاحب التعليق بنت
وللمة اللتانية انا اسف جدا

غير معرف يقول...

سؤال صغنطط عن الصورة اللي بتفكرك بخالتك... هو انت منين يا أستاذ؟
أنا معرفش غير إنك من السيدة، بقي يكون ليك بلد من ورايا؟! و ده إن دل يدل علي إنك بايعنيييييييييييييييي

يلا مش مهم يقول...

انا اصولي من ريف الجيزة
من قرية ابو النمرس التي تحولت الي مدينة مؤخرا

غير معرف يقول...

السلام عليكم ورحمة الله
أستاذي واخي الفاضل
المقال جميل وبيفتح موضوع للحوار أظن
كان من المستبعد النقاش فيه في الفترات السابقة ، مع كامل تحفظي
أن هذه الصفة أو هذه المواقف لم أرها خلال حياتي الإخوانية (6سنوات) إلا في موقف واحد فقط وعندما وضحنا الأمر لم يتكرر مرة أخرى ،وعلى الجانب الآخر رأيت أخوة كثيرين ينقدون من أجل النقد وبدافع حرية الرأي أو ممن تصوروا أنفسهم أن لديهم خبرات وآراء تفوق الحاضرين ساعتها فأتمنى من حضرتك تحديد معايير وضوابط عرض الرأي أيضا

None يقول...

ايه الجمال ده
انا محدش يقدر يسلبنى
بس هو مش عيب قد ماهو تعود الناس
وربنا يكرم ونتكلم عن حاجات اكتر تساول جوه االا خوان
سسلااااام

فرصة سعيدة يقول...

رأي محترم يا مجدي
ربنا يفتح عليك
ألا صحيح هو ممكن مجموعات من شباب الإخوان يعملوا فقه دعوة وحركة جديد ويتعمل نقاش مفتوح حول ما يجب على الإخوان تغييره في مناهجهم وتربيتهم
أنا بتكلم جد
أنا أدعو إلى حوار إخواني وطني يدعى إليه ناس من مختلف الاتجاهات شريطة أن يمثل الإخوان بعض العقلاء والمتفتحين وليسوا أصحاب نظرية كله تماما والأمن بيضيق علينا لككنا صامدون والحمد لله
تحياتي

غير معرف يقول...

السلام عليكم واحده مش من الاخوات
مصريه مسلمه مرتبطه بواحد من الاخوان والحمد لله قربنا نتجوز ادعولنا كنت عايزه اعلق على جزء من الكلام وهو ان لازم اخ من الاخوان يتجوز اخت من الاخوات بالنسب ليه انا وخطيبى وزوجى فى المستقبل ان شاء الله رأى او قاعده وهى ارتبط باللى تحس معاه بالامان والسعاده والتفاهم ويكون كل واحد منكم متفهم احتياجات الاخر وانتمائاته ويكون قادر على استيعابها على فكره انا عارفه ان خطيبى تم اعتقاله قبل كده وعمر ده ما وقف فى طريق ارتباطنا وانا وهو الان بنحاول نهيء نفسنا للامر ده لو حصل لا قدر الله زى ما بنهيء نفسنا لتكوين بيتنا وحياتنا مع بعض وفى النهايه ربنا يرزقك انت وانس اسفه لو كنت طولت عليكو

غير معرف يقول...

ساندو : السلام عليكم: موضوعك ياستاذ مجدى دوخنى البسع دوخات زى مابيقال لانى سمعت عنه من ناس معينين وقالبت النت شمال يمين ويمين شمال لحد لما لاقيته
وكنت ساعتها مع الناس ديه بنتكلم عن النقد الهدام والبناء وكانوا الناس ديه اللى اكيد حضرتك استنتجت هم مين بالنسبه لى معترضين على وجود مدونة بالشكل ده على النت المهم علشان مطولش على حضرتك الكلام ده جامد اوى اوى وبلاش اطول اكتر من كده بس هقول راى كله بعدين السلامو عليكم