الثلاثاء، فبراير 27، 2007

عتريس ..هايغرق البلد

نرجوا من اي زائر الضغط علي الصورة والتي ستدخله علي بوستر بحجم مناسب وعليه ان ينشر هذا البوستر بكل وسيلة ممكنة
عتريس هايغرق البلد
يا ناس عتريس الحرامي وعصابته بينهبوا البلد "اكثر من 200 مليار جنيه تم تهريبهم من بنوك مصر "

يا ناس عتريس القاتل وعصابته بيقتلوا ولاد البلد "1000 مصري طعام لاسماك البحر الاحمر والقاتل في حماية عتريس "

يا ناس عتريس المفتري وعصابته بيسجنوا البلد "اكثر من 25000 معتقل من الاخوان خلال الخمسة عشر سنة السابقة "

يا ناس عتريس وعصابته بيخنقوا اي صوت شريف في البلد "مصر تحكم بقانون الطوارئ من اكثر من 25سنة واخيرا محاكمة ابراهيم عيسي والابراشي"

يا ناس عتريس وعصابته خطفوا اشرف ناس في البلد "7 محاكمات عسكرية للاخوان خلال العشر سنوات السابقة وحبس ايمن نور "

يا ناس عتريس الظالم وعصابته حولوا الاصلاحيين يتحاكموا قدام عسكر البلد "40 قيادي من الاصلاحيين المصريين الاخوان احيلوا للقضاء العسكري "

يا ناس عتريس المجرم وعصابته قفلوا شركاتهم ووقفوا اعمالهم وشردوا اهالينا الشغالين هناك من ولاد البلد "اكثر من 8000 عامل وموظف في تلك الشركات "

يا ناس عتريس المفسد وعصابته بعد ما حولوهم للعسكر عاوزين يصادروا فلوسهم وفلوس ولادهم وناويين يجوعوا اهاليكم اهالي اشرف ناس في البلد"اكثر من 500طفل وامرأة وشيخ وام من اهالي المحالين للقضاء العسكري "

يا ناس عتريس المتجبر وعصابته مش هايسكتوا الا لما يغرقوا البلد "اكثر من 60%من شعب مصر تحت خط الفقر و7 مليون بنت مصرية عانس و100الف حالة فشل كلوي سنويا "

يا ناس عتريس زرع الخوف في كل شبر في البلد
يا ناس عتريس لون ايامنا بالسواد لون قلبه اللي بيكره اي خير للبلد
يا ناس عتريس بيقتل اي امل يظهر قدام اهل البلد

يا ناس

اما عتريس واما البلد

مصر تنتظر ......

الاربعاء 28 فبراير

جلسة الحكم في قرار مصادرة اموال

الاصلاحيين المصريين من الاخوان المسلمين

لا تدعوهم يخربوا البلد


هناك 7 تعليقات:

عمرو طموح يقول...
أزال المؤلف هذا التعليق.
عمرو طموح يقول...

عتريس غبي...

عتريس غبي و أهبل و معتوه...

عتريس... مبيقراش التاريخ... اللي هيحاسبه بعد ما يموت... و لا بيفكر في الملايكة اللي بتكتب عليه... كلام ربنا هيحاسبه عليه بعد ما يموت...

عتريس... متنساش إن ربنا موجود... و القوي ... ربنا أقوي منه

عتريس... لو سهل عليك دموع الأطفال، و دعاء المظلوم... يبقي انت كده أبشر... قلبك ميت... بس يوم القيامة هيصحي من تاني...

عتريس... لو اللي زيه فهموا... تبقي كارثة، و تعطيل لسنة ربنا في كونه، إنه لازم يبقي في ظالم و مظلوم، و مفسد و إصلاحي...

عتريس... التاريخ مبيرحمش... و لو اتزور، أو اتداري... ربنا هيفضحك قدام الناس كلهم يوم القيامة...

abdo يقول...

العنوان محتاج يتعدل

ويبقى

(عتريس غرق البلد)

لأن البلد غرقت فعلا في كل حاجه
ومش بس كده
ده بيحاول يغرق اللي بينقذوا البلد وأكيد مش هايقدر إن شاء الله

احمد الجعلى يقول...

زى ما فى عتريس ومائة عتريس

فى فؤادة وألف فؤادة

ولو اتكلمنا بالقرآن وايماننا ويقينا بصدق ما جاء فيه
أو اتكلمنا بالتاريخ وماحدث فى ماضيه
أو اتكلمنا بالحسابات والعقل
او حتى اتكلمنا بالسينما والأفلام

فعتريس لا بد زائل زوال مهين، وحينما يسقط عتريس فلن يجد من يقف جنبه أويدافع عنه أو يواسيه

ويسألونك متى هو قل عسى ان يكون قريبا

محمد العنانى يقول...

بعد التحيه
عتريس العبيط مبيستفدش من التاريخ التاريخ بيعيد نفسو برضو كان فى مغفل عمل زيو حبس الاخوان فى وقتو وطلع اليهود من البلد الى كانو بيشكلو قوه اقتصاديه لمصر وانقلبو ضدو وبقو بيحربو وغرق البلد بس كان فى زراعه وصناعه واراضى المللك الى اتوزعت يعنى كان الشعب شبعان مش زى دلواتى شعب جعان معندوش كل حاجه كل راح بسبب طمعوا وجشعو يارب خدو يا تخدنا احنا من وشو

mohamed يقول...

لأ والمصيبة انهم بيقولوا ان الإخوان هما سبب هروب رؤوس الأموال...


ينهار ابيض ... وهما بتحسبوا وبيتسجنوا على حجات معملوهاش .. وفى الاخر الحرامى وعصابتة يهربوا بكل حاجة ...

ربنا يخدهم كلهم ..

وجزاك الله خير على الموضوع والموضوع فعلا محتاج لوقفة ...

أحمد وسيد يقول...

مسك البلد...هيغرق البلد...غرق البلد...شوه جثمان البلد..واحنا قاعدين.
هوه احنا مش ناويين نبقي رجالة بقي ونقف وقفة رجالة ولا إيه؟

أحمد حربية