الخميس، مارس 01، 2007

ربنا يستر



ربنا يستر
هي دية الجملة اللي علي لساني من اسبوع والسبب اني بحتفل الان بذكري لحظة القبض عليا وكانت يوم الجمعة 3-3-2006
وبصوا بقي علي مفارقات الاقدار ما بين الظروف اللي كنت بعيشها السنة اللي فاتت والظروف اللي انا بعيشها السنة دي وهاحكيلكم عليها دلوقتي
1- كان اليوم تلاتة تلاتة الفين وستة والسبت الللي جاي هو تلاتة تلاتة الفين وسبعة
2- كنت السنة اللي فاتت رايح استلم شغلي الجديد بعد شقي يوم السبت اربعة تلاتة وطبعا اتقبض عليا يوم الجمعة تلاتة تلاتة مساءا وراح الشغل والسنة دي رايح استلم شغلي الجديد يوم السبت القادم اللي هايكون اربعة تلاتة فيا تري هاستلم ولا
3- كنت ماشي في مشروع ارتباط وبحضر واتكتك لتسيير المشروع وجت الحبسة بوظت الموضوع واتخطبت البنت والسنة دي برضة ماشي في مشروع ارتباط ومنتظر الحسم فيه قريبا فيا تري ايه اللي هايحصل هايكمل واللا هاقضيها مع انس في عنبر تلاتة

وطبعا هناك عنصر مفقود في الظروف المتشابهة دية وهو لحظة القبض عليا فيا تري هاتكرر اللحظة دية ولا هاتختلف الظروف
هذا ما ستجيب عنه الايام القادمة
وربنا يستر
ويللا مش مهم
واذا تحقق العنصر الغائب واتقبض عليا يبقي

يللا في داهية

هناك 16 تعليقًا:

غير معرف يقول...

عايز اية من واحد اتولد فى ليلة فى عز الشتا والمطرة مغرقة الشوارع ومقطعة
واسلاك التليفونات والكهربا كمان قاطعةوبعدين بلاش تيجى عندنا بكرة ع الغدا

Fadfada يقول...

السلام عليكم و رحمة الله و بركاته
و لايهمك , لن يصيبك إلا ما كتب الله لك , و اعلم أن الأمة إذا ما اجتمعت على أن يضروك بشيء لن يضروك بشيء إلا ما كتبه الله عليك رفعت الأقلام و جفت الصحف
الذين قال لهم الناس إن الناس قد جمعوا لكم فاخشوهم فزادهم إيمانا و قالوا حسبنا الله و نعم الوكيل
و ان شاء الله ربا هيستر و يوفقك في شغلك الجديد و ارتباطك و يقدر لك الخير و يظل العنصر المفقود مفقود و لا يتكرر و طمنا عليك
محمد

بن توفيق يقول...

ربنا ييسرلك الحال استاذنا والعنصر المفقود ده ميجيش تانى اليومين دوول

وتروح تستلم الشغل الجديد بتاعك .. وموضوع الزواج ينتهى على خير ان شاء الله

اللهم آمين

صاحبك اللي بتمنى تعرفه يقول...

السلام عليكم أستاذي العزيز مجدي ،،

يعلم الله كم الأسى والألم الذي أشعر به والغصة التي تقف في حلقي حينما أتخيل نفسي وأنا أدخل مكتبك ولا أجدك ،، لكني أدعو الله العلي القدير أن ييسر لك أمورك في عملك الجديد الذي ستتسلمه يوم السبت القادم إن شاء الله كما أدعو الله أن ييسر لك أمر زواجك وارتباطك بمن تحب وتريد كما أدعو الله أن يحفظك من كل سوء وأن يكتب لك بمثل ما عانيت حسنات وحسنات وحسنات ..

وأخيراً قبل أن تدمع عيناي أقولك :

سلام يا صاحبي

محمود سعيد يقول...

ربنا يستر إن شاء الله
اللى مكتوب عند الله هنشوفه
وهو ده اللى فيه الخير
يا ترى لقيت السنة اللى فاتت خير ولا لأ

انا لسه الذكرى السنوية بتاعتى مجاتش
لسه بدرى شوية
ربنا يستر

ست المرتفعات يقول...

يأخى بعد الشر وتدون بالسلامة ويمشى الناس فى فرحك قادر ياكريم..ويغنولك...ياله مش مهم

عبووووووووووووود يقول...

يا سيدي ربنا ما يوريك سجن ولا يفرح فيك كلاب السلطة
وربنا يوفقك في شغلك وفي مشروع الارتباط
mesharef.blogspot.com

يلا مش مهم يقول...

السلام عليكم
اول تعليق ده اغلي تعليق عليا بجد مش تهريج
لانه تعليق كتبته واحدة غالبة علي قوي
كتبته اختي ويطمنها اني مش هاروح لهم علي الغدا لاني م عاوز اكرر سيناريو السنة اللي فاتت كله
وبجد انا سعيد جدا بتعليق وربنا يخليك ليا
اما لتعليق صاحبك اللي نفسه تعرفه طبعا عرفنك يا طارق وصدقني انا من الحاجات اللي هتاثر فيا بعد ترك الشركة هو عدم رؤيتي ليك بس صدقني انت دايما في قلبي وطبعا عارف ليه واخيرا حسبنا الله ونعم الوكيل
وانت عارف طبعا ليه حسبنا الله ونعم الوكيل
واخيرا تحية واجبة لكل المعلقين اعرفهم او لا
فضفضة
والله كلامك ده زين العقل وجزالك الله خيرابن توفيق
يا سيدي ربنا يكرمك ويسمع من بقك ربنا
محمود سعيد
اكيد يبقي انت كنت في المقبوض عليهم في مناصرة القضاة يعني لسة ليك شهرين ونص
ست المرتفعات
انت اخطأت العنوان انا مش هاري بوتر
بس بجد يسمع منك ربنا
وشكرا قوي يا عبود

عبدالله يقول...

اجمل حاجه لما افتكر ان اول يوم اتعرف فيه علي النائب العام كان يوم عيد ميلادي
بجد فعلا كانت حاجه مسخره وهوا ضحك جدا لما بقوله علي تاريخ ميلادي نظام بقي كل سنه و انت طيب و اكيد الحفله دي مش عملتها قبل كده وعدي اليوم
:)

مش تقلق هما مش عارفين بالظبط خدونا امتي علشان كل سنه في نفس المعاد يجبوك ممكن بعدها بكام يوم

:)
الخسائر دايما بتبقي كبيره بس دايما بتبقي المكاسب اروع دائما
تحياتي

sharkawoo يقول...

طيب ما تشوف مكان كدا تستخبي فيه ...

وكمان تخبي فيه بقية العائلة الكريمة ...

ربنا يسترها معاك ويكتبلك الخير ولا يوقعك في مشاكل تاني :)

ويفك أسر جميع أخونا...

محمود ماجد يقول...

المهم تبعد عن انس القاضي خاااااالص وانت تسلك

ههههههه

سلسبيل يقول...

ربنا ييسر لحضرتك الحال

ويعمى عنك عيون الظلمة وال........


ويوفقك فى موضوع الشغل والاهم منه (الزواج)

shozy85 يقول...

السلام عليكم

انا متهيألى مكنتش تقول على الموضوع ده علشان ميعملوهاش فيك عند السنه دى

ربنا يكرمك ويعزك ونسمع عنك سمع خير ان شاء الله

وبعدين هما ما بقوش بيقفشوا المواطنين الصالحين زى حضرتك

بنت من الاخوان يقول...

ربنا يستر على حضرتك وكل الشباب المسلمه
وتحقق اهدافك لهذا العام خارج الاسوار

غير معرف يقول...

اسال الله العلى العظيم ان يعمى عيون امن الدوله عنك ولا يقدر لك إلا الخير وان يجمعك بمن تحب قريبا ويسعدك بها وتسعد بك واسأل الله ان يفتح لك ابواب الرزق ويجعل لك من كل هم فرجا ومن كل ضيق مخرجا. وطبعا مش ها تعرف انا مين

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載