"هي"
هي .. ملكة متوجة تنازلت عن عرشها لترتبط باحد العوام
هي .. نجمة متلالئة تركت سماءها وارتضت ان تنزل الي ارض الهوام
هي .. فراشة رقيقة لم تكترث لتحذيرات القريبين وسعت بجناحيها نحو النيران
هي .. صفحة بيضاء شاهقة البياض سمحت ليد طفل ان تعبث عليها بالالوان
هي .. ريح عاطر مر بصحرائي ينشر فيها بعض الجمال
هي .. يد ام حانية احتضنت طفل مشاغب سليط اللسان
هي .. قطرة ندي استقرت علي جلمود صخر قاسي يفتقد الحنان
هي .. شعاع شمس ضحي بنفسه وولج الي ارضي المظلمة ليبدد فيها حجب لظلام
هي .. يد فلاح ماهرة جاءت لارضي المجدبة تنشر فيها بذور الحياة
هي .. صباح جميل مشرق انار ليلي حالك السواد
هي .. اميرة نبيلة مدت يدها لانسان جسده مثخن بالجراح ونفسه مليئة بالندبات
هي .. ورقة شجر خضراء تحمل سر الحياة ابت الا تتركني كفرع جاف وافقت علي الاقتران
هي .. تغار الشمس من جمالها وينزوي القمر من حسنها ويصبح الفراش بجانبها وحش كاسر من رقتها
هي .. بحثوا عن كلمات لوصفها فلم يجدوا فاكملوا بحثهم فلم يجدوا فاصروا في بحثهم فلم يجدوا فلم اعياهم البحث و ضاقت بهم السبل قالوا نكتفي
ب
"هي"
هناك ٣٩ تعليقًا:
ده انت شكلك واقع اخر حاجة ياريس:D::D:D:D
هو كل الي بيخطبوا بيحصلهم كده:D:D:D:?
ربنا يتمم بخير يارب:):):):)
ايه يا عم الكلام الجامد ده
لا فعلا شكلك واقع خالص
بس الله يكرمك خليك فاكر أحكام وضوابط الخطبه جدا
لأنك كده شكلك داخل دخله مش قوي يعني
ماشي
ودي بقى
مهم
مهم
مهم
هي إن شاء الله كل ما قلت وأكثر
بارك الله لك فيها وبارك لها فيك
وجعل الله حبها في قلبك ما حييت
وأرضاكما ببعضكما
وهنأكما بعيشة سعيدة
مكتوبة حلو جدا جدا
نفسي بقى أشوف وشها دلوقتي
أضم صوتي لصوت الدكتور الحر أخ محمد
مهم
مهم
مهم
بس عجبتني
يد ام حانية احتضنت طفل مشاغب سليط اللسان
ويلا ربنا يسرع زواجك على الخير والبركة واليسر
بجد
ربنا يستر
انا لازلت مصر اني لما قابلتك قبل كده قلت لنا انك متزوج
دي حاجة تاني حاجة يااستاذنا
في ناااااااااااااس لسسسسسسسسسسسسسسسسسههههه
متجوزتششششششششششششششش
حرااااااااااااااااااااااااااااام
متشوقوناش احنا مبنصدق ننسي ربنا يعينا ويعينك يااستاذ مجدي
والسلام
ولا اقولك يلا مش مهم
هههههههههههههههههه
مجدي شكله واقع واقع يعني
يارب تبقى واقعة جميلة ياعم مجدي
ربنا يهنيك بيها ويهنيها بيك الحقيقة اللى يصبر ينووووووووووووول
اوعدنا ياااااااااااااااااااارب
هى فعلا جميله ورائعه زى ما حضرتك بتقول كده بالضبط وأكتر كمان بكتير
وان شاء الله حضرتك اكيد كده لان الطيبين للطيبات وربنا يحفظكم ويديم بينكم العشره الطيبه ويسدعدكما دوما ويجعل ارتباطكما زياده للاءسلام ولنصرته
وياريت تمسح يا استاذ مجدى الرد السابق عشان فعلا ملوش اي لزمه والاستاذ اللى تعب نفسه وكتبه مش هقدر اقوله غير الله يسامحك وتاكد انه متوبلك فى ميزانك بس انهى ميزان الله اعلم وارحمونا بقى عشان مش كمان فى الجواز تدخلو للراجل وتقولوا وتنقدوا متهيئلى دى اكتر حاجه هو وهى فقط اللى ليهم القرار فيها وحريه شخصيه ليهم هما بس
يا عم ربنا يهينيكوا و يسعدكوا
بس ملاحظه صغيره
ادام انت شايف فيها كل مش حاسس بالذنب انك تعاقبها و تخليها ترتبط بيك اكيد عملت ذنب كبير في حياتها :)))))))))))))))))
تحياتي
ملكة متوجه...والله..ملكة متوجه..!!!
عادل إمام..من فيلم مراتي مدير عام...
ضحكتني يا مان....
ربنا يباركلك فيها ويقضي ليكم فترة الخطوبة وكتب الكتاب على خير....
الف مليون مبرووووووووووك
انه شكلك واقع لانك كلامك جامد
بسى ارجوا منك ان تنظر الى اخوانك اللى لسة ولاخطبوا ولاحاجة الرحمة يامجدى
ارجوا من الاستاذ اللى بيعلق ان يكون كلامة فى سياق الموضوع احنا هنا بنبارك للاستاذ مجدى لا نقول له عن شخصيتة انته شكلك زعلان على زعل كاترين زيتا جونز وانجلينا جولي
وجدت "هى" قلما أدبيا رائعا واحساسا عاليا يكتب عنها.
ولكن أيضا "هو" يستحق الكثير الكثير من تلك الكلمات، ربما لن تسعفنا قوانا الأدبية لنصوغ مثلها.
ولكننا بالفعل صغناها مرة ونحن فى قمة الأسى والحزن لفراقه أثناء محبسه الأخير، فخططنا له كلمات تعبر عن "هو" أفضل وأصدق تعبير.
أتمنى ان يكون "هو" لا زال يحتفظ بها بعد أن سربناها له فى أثناء العرض على النيابة، وأن يطلع "هى" عليه، وإن لم يفعل أن تطلبها "هى" منه للاطلاع عليه، ليكون "هو" و"هى" مصداقا لقول الله "الطيبون للطيبات"
ألف مبرووك يا أستاذ مجدى، ويا رب يكون هذا الارتباط بداية جديدة لكل منكما للانطلاق والتميز فى علاقته مع الله وقربه منه، وأيضا فى حياته ودعوته.
ربنا يتمم لكما على خير
مبروك يا معلم و اتمنى من الله الا تطيل فترة خطوبتكم علشان انا و انتا و كتير من الناس عارفين ان الخطوبة الكبيرة ملهاش لزمة و قصرها احسن ...اتكل على الله و ركز الفترة الجاية و اقرص على نفسك شوية و ربنا يكتر من مشورعاتكم الاستثمنارية و العقارية علشان تبقى (هى) جاية برزقها زى ما بيقولوا
مبروك يا مجدى
السلام عليكم و رحمة الله و بركاته
استاذ مجدى / دى أول مرة اضيف تعليق فى مدونتك الى بقالى فترة كبيرة بتابع موضوعاتها المختلفه ..
بالرغم من انى ممكن اختلف مع حضرتك فى اراء كتير سابقه .. و بالرغم من انى ما اعرفش حضرتك معرفه شخصيه ..
الا انك ما تتصورش الخبر ده فرحنى قد ايه ..
ربنا يكرمكم و يباركلكم و يتملكم على خير .. و يرزقكم حياة هانئه مستقرة .. و ذرية صالحه تنفع الاسلام و المسلمين .. و يجمعكم و من احببتم بالمصطفى " صلى الله عليه و سلم " فى الفردوس الاعلى .. يا رب ..
قول آمين :)
بعد مبروك طبعا اللي وصلت لزميلي في البرش مجدي
بس فيه واحد مش عايز اشتمه عشان عيب بيدخل طبعا بغير معروف داخل يرمي بلاويه هنا وكمان عندي في المدونة
لو عندك نصيحة شخصية لي او الي اي حد وانت مخلص فعلا فيها مش بتتكلم بهبل يعني
جزاك الله خيرا عليها بس ابقي ابعتها علي الميل
متبقاش ترمي طوبك علي الناس كلها
واللي أهم من كده مبروك عليك يا عم مجدي
واتصالك اسعدني جدا بس
انت بتكلمني وانا خارج من السجن
فكان ده خير طبعا
ولا وانا طالع بدل الطفطف
لا في عربية ترحيلات
بس مش مشكلة خالص ومش عايزك تقلق
ده فال كويس جدا
وعموما انت عارف السجن بيقوي المشاعر العاطفية جدا جدا
وبيوثق عري المعرفة
انا بتمني طبعا انك توثق عري المعرفة خارج السجن
بس معلش تليفونك هو اللي جه وانا جوه يا صاحبي
ويلا ألف مبروك
يا مجدي باشا
دغدغت مشاعري يا عم
فعلا شكلك واقع لشوشتك
براحتك هما يومين من نفسك
وبعد كدا هتكتشف ما اكتشفه كل المتزوجون بس مش مشكلة ، دي سنة الحياة
بس فعلا ممكن ناس تقول ملاحظات شرعية علي
ما كتبت
بس عادي يعني مش غريب عليك الشقاوة
لم أكن أعرف أنك شاعر وساخر
رغم علمي أنك موهوب
الظاهر الأمور هتتغير من هنا ورايح
ألف مبروك تاني
يا بختها بيك يا مجدي
و يا بختك بيها
و يارب يسعدكم و تفضلوا على طول كده
ألف ألف مبروك يا أستاذ مجدى
يمكن انت متعرفنيش لكن أنا عارفك لأنى قابلتك مرة قبل كده
بتابع مدونتك منذ بدايتها ، ولم أكن اكتب تعليقات إذ لم أكن من أصحاب المدونات
أسعدك الله بها ، وأسعدها بك
فعلا : اللى يصبر ينول
وربنا يكرمنا ونحصلك قريب جدا
وفقك الله
ياريت يا أخي
يبقى هو ده رأيك بعد الجواز
و ما يبقاش عكسه بعد الجواز بسنه
الف مبروك يا استاذ مجدي
ربنا يتمم لحضرتك بخير ان شاء الله :)
ربنا يبارك ليكم فى حياتكم
وتكون كلها سعادة
وحب
الف مبرووووووووك
ومنتظرين التطورات
مبارك يا ريس بس ظبط حالك شوية متوقعش كدا اثبت نفسك يا مجدي لاحسن تتاكل فى الرجلين :)
أستاذ مجدي
ماتنساش أن في شباب كتير بطنها بتوجعها و بتسمع أم كلثوم قبل ما تنام أرحمهم
ألف مبروك
الضوابط!!!!!!!!!!!!
اولا جزاك الله خيرا جدا ان حضرتك فتحت الرد للناس الى مش عندهم بلوج
ثانيا بقى و دة المهم الف مليون مبروك ليك اولا و لها
لازم تعرف انك دلوقتى معاك حتة من قلب كل واحدة فينا فخد بالك بقى كويس لانك لو فكرت تزعلها هتلاقينا قلبنا البلوج دة و عملنا انقلاب
انا متاكدة ان مامت حضرتك راضية عنك جدا و علطول بتدعيلك لانك مهما سمعت عنها ( هى ) و مهما حكولك عنها ( هى ) و كل الى شفتو منها ( هى ) لغاية دلوقتى ولا اى حاجة خااالص من الى موجود جواها ( هى )
ربنا يجعلك نعم الزوج الصالح لها فى الدنيا و الاخرة و يجعلك قرة عين لها ( هى )
و يجعلها ( هى ) فى عينك بالدنيا و ما فيها و فى نظرك خير من الحور العين و قرة عين لك ان شاء الله
الف مبروك
كلمات معبره أشعر فيها بروعة الكلمات وصدق الأحساس وأقول لك أن قلبنا يكتب هذه الكلمات ويخرج هذه الألفاظ لهو جدير بها بل هو كفأن لها
وأسال الله لكما الخير الدائما والسعاده الى ليس لها حدود
أدام الله عليكم هذه الأحاسيس والمشاعر
بقولك فى النهايه ياريت تتقوا ربنا فى الشاب الى مش مجوز زى حالاتى عشان ربنا يباركلكم فى مشاعركو وأحاسسكم
عشان منحسدكمش
ههههههههه
اخوك فى الله محمود
ألف مبروك يا أخ مجدي
أسعدنا هذا الخبر
ربنا يباركلك ويتم زواجك على خير
ربنا يهنيكم ببعض يا رب
وعقبال الزفاف باذن الله
الف مليون مبرووووووووووك
بارك الله لكما وبارك عليكما وجمع بينكم فى خير
10000000000000000000
مبروك ياغالى عندنا
مبروك يا مان لسه عارف النهاردة ربنا يتمم ليك بخير بس لم نفسك شوية إنت مأفور أوي كده ميصحش ده لسه خطوبة
الف مبروك عليك "هي" ويارب أحضر فرح "هو" و"هي" قريبا
ويارب عقبالي وعقبال كل اللى لسه ...
يااااه
كل ده حصل
طب بشويش....ده انا أتأثرت أوى
ألف مبروك ألف مبروك ألف مبروك
ربنا يتمم بخير
إرسال تعليق