الأربعاء، ديسمبر ١٣، ٢٠٠٦

اضاءات حركية


اضاءات حركية

كنت قد كتبت تدوينة بعنوان حماقات حركية ردا علي احداث جامعة الازهر واعتقد اني كنت حاد جدا في توجيه النقد الي
المسئولين عن هذا العمل ولمست هذا في تعليقات الزوار ومهاتفات الاصدقاء ومكاتبات الماسينجر واعتقد اني قد تجنيت بعض الشئ في توجيه النقد حتي انه اصبح في بعض المقاطع جلد للطلاب وليس نقد واود هنا ان اقدم اعتذاري للسادة الافاضل بجامعة الازهر طلاب او مشرفين علي حدة نقدي

ولكنني كنت قد كتبت هذه التدوينة بعد قرأتي لبيان نشر علي احد المواقع ينفي فيه قيام الطلاب بهذا الامر وهو العرض
العسكري ويتحدث عن انه اسكتش فني فاصبت بالصدمة من جراء هذا التبرير واحسست ان هناك من يتخذ قرارات من الممكن ان تدين المؤسسة كلها وعليه فقد صببت غضبي وحنقي في هذه التدوينة ولذا وجب الاعتذار

ولكن هكذ عودتنا جماعة الاخوان وهكذا عودنا النشاط الطلابي بها فسرعان ما ما تم تدارك الخطأ وتم اصدار بيان
اعتذاري في لفتة اقل ما توصف به انها شجاعة ضاربا المثل لكل القوي العاملة في الساحة السياسية والنشاط العام عن
كيف تكون المراجعة والاعتراف بالخطأ وعدم الاعتزاز بالراي فتحية واجبة لكل من ساهم في اخراج هذا البيان وهذا القرار وبالفعل هؤلاء الافراد اضأوا لنا واضافوا لنا

ولذا كان من الواجب كما انتقدنا ان نشيد وندعوا لهم بالتوفيق والرشد

واطلب منهم ان يسامحوني علي الحماقة الكتابية التي ارتكبتها بالامس

ويللا مش مهم

هناك ٨ تعليقات:

غير معرف يقول...

تحية جامدة جداً للسيد ميجو يجو على مبدارته اللطيفة وتقبله للنقد . . ونصيحة اخوية يا دوب تلحق تحجز على طيارة ابوكبير شرقية لأنهم بيقفشوا في الإخوان دلوقتي وتقريباً اي حد عدى من جنب جامعة الأزهر أو اتفرج عليها في التلفزيون بيقبضوا عليه ده غير ان الجامعة محاصرة
عاشت مصر دايماً مستبدة
والدين لله والسلطة للشرطة والقهر للجميع

يلا مش مهم يقول...

ازيك يا كبير
عامل ايه يا صاحبي
حجزت تذكرة في الرحلة اللي طلعت النهاردة الفجر ولا لا
يا خوفي يا بو اسلام تلاقي تذكرة اتحجزتلك من غير ما تعرف
علي فكرة هاتكون رحلة موفقة امن عارف طبعا عمك خيرت وكرمه
وبعدين الجو برة السجن خنقة وقرف ومسؤليات واهي فرصة تاخدلك خمس شهور استجمام واستحمام
بس فعلا طلبة الازهر صعبانين عليا الامن استغل الفرصة وضرب ضربته الغبية والناي هاتفتكر دلوقتي ان هما السبب والحقيقة غير كدة هي بس استغلال للحدث لكن من الواضح انهم كانوا مرقدين للموضوع من الاول
ويللا مش مهم

غير معرف يقول...

ماتقلقش يا مجدى مكانك جوه فى غنبر 2 محجوزلك - انت خلاص بقيت صاحب ملك .

ربنا يفك أسر الجميع

أبوسيف

يلا مش مهم يقول...

ايه يا ابو سبف
السجن ده نصيب والنصيب غلاب
والي مكتوب علي الجبين لازم تشوفوا العين
وبعدين محدش قاعد جوة علي طول ولا حد قاعد برة علي طول
كاس وبيدور
والي ما شربش امبارح ممكن جدا يشرب النهاردة او بكرة او بعده
بقولك ايه انت عندك هدوم بيضة سلف

عمرو طموح يقول...

أستاذي، واحشني و الله، و مش هنتخانق مين اللي باع التاني.
المهم، تحية كبيرة للحاج ميجو ميجو علي الشجاعة في الاعتراف بالخطأ.
و أحب أن أشير إلي أن النقد الذاتي اللي بدأ يشتغل في العديد من المدونات ده حركة جميلة جدا أظن إنها تحسب لك يا عمنا.
و علي فكرة أنا كان ليا تعليق طويييييييل جدا علي التدوينة اللي فاتت، بس للأسف بعد ما خلصت كتابته و جيت أبعته، لقيت أخويا ربنا يكرمه فصل النت، فماتبعتش و راح فيها، الله يرحمه.
و دعواتك عشان المذاكرة
و يللا مش مهم

غير معرف يقول...

اسجل اعجابي بهذه المدونه التي رشحها لي احد الاخوان الاصدقاء واكثر ما اعجبني فيها هي الانكشافيه الواضحه لنتماءك وطرحك الخاص بهذا الانتماء ..تلك الانكشافيه التي لااجدها مع اصدقائي من الاخوان اللي بالعافيه قالولي انهم اخون وبالعافيه ممكن نناقش الامور العامه وتصريحات المرشد واجد صعوبه في مناقشة الامور التنظيميه واليات اتخاذ القرار؟؟؟؟ ممكن اسأل سؤال ... مين صاحب القرار في العرض العسكري هل هم الطلبه ؟؟؟ حضرتك ذكرت ان هناك جهه تسميها الاشراف ووجهت اعتذارك لهم .. ما هي هذه الجهه وما علاقتها بالعمل الطلابي؟؟؟
احمد حسن

غير معرف يقول...

الصراحة سؤال في الجون...
أنا بس هعلق علي نقطة، و أسيب أستاذ مجدي يجاوب علي السؤال... إن فيه ناس من الإخوان مش فاهمين هما المفروض يخبوا إيه عن مين و ليه.
بمعني، إني لما بفتح كتاب الرسائل للإمام البنا (و هو الكتاب الذي يعتبر المصدر الأساسي لأصول فكر الإخوان)بلاقي أول كلمة فيه "مصارحة"يعني مش هنخبي علي الناس أي حاجة؟!
بعض الإخوان لسه متأثرين بفترة الأحكام الصبة جدا أيام عبد الناصر، فلسه مش عارفين يتعاملوا مع الناس بوضوح.
المشكلة كلها إني بيبقي ساعات عندي معلومات أنا مش عاوز الأمن يعرفها عني أو عن الإخوان ، فدي بحرص إني مقولهاش،أما باقي المعلومات اللي الأمن كده كده عارفها، فليه هخبيها، إذا كنت أنا أصلا بحاول أخبي علي الأمن مش علي الناس.
و متهيألي سؤالك عن الإشراف ده يصنف من الحاجات اللي الأمن فاهمها كويس قوي، أكتر من الإخوان يمكن:)
و يللا مش مهم

sharkawoo يقول...

لك الحق في أن تعتذر يا استاذنا
ولكن لا زلت أعتبرها حماقة لم يعهدها الاخوان منذ زمن طويل
أن يكون ذلك ذريعة في أن يتم اعتقال 180 طالب و10 من كبار جماعة الاخوان المسلمين يبقي هناك شئ خاطئ
اعمل جيداً ان الاخوان يتم القبض عليهم بسب أو وبدون وحضرتك تعرفدا كويس
ولكن حدث ذلك بعد أن أصبحنا وحدنا في الصف بعد عارضنا الجميع
أقرأها تعليقات الناس حول الموضوع في صفحات الجرائد او في تعليقات الناس فيما بينهم
هناك مشكلة كبيرة يجب أن تحل سريعة هي عقلية هؤلاء الطلاب ومن فوقهم
يقال البعض أن خطأ ويمكن أن يتم إصلاحة ولكن هذا ليس خطأ هذه مصيبة وكارثة
ان تكون هذه عقلية طلاب الاخوان، وطلاب الازهر بالذات الي هم المفروض أن يحملوا عبأ هذه الدعوة بعلمهم
ان نخطأ هذا ليس عيب ولكن أن نكرر أخطاء حدثت اكثر من مرة وبطريقة أكثر شناعة أعتقد اننا بحاجة الي وقفة كبيرة كبيرة
ورحم الله العقاد حين كتب ان التفكير فريضة إسلامية