الخميس، مارس ٢٢، ٢٠٠٧

هوامش علي دفتر "اللي جري"



لطيف في قضائه
لا تتصادموا مع اقدار الله فهو عليم – حكيم – خبير – رحيم - روؤف
ومن تجتمع له تلك الصفات فله الحق كل الحق في تدبير شوؤن عباده ووجب علي عباده كل الوجوب ان يستسلموا لها ويرضوا بها وان يتيقنوا كل اليقين ان الخير كل الخير بين طياتها حتي ولو تألموا او عانوا او غلبتهم طبيعتهم البشرية القاصرة والضعيفة عند وقوع تلك التدابير ولكن علي المدي البعيد سيكتشفوا حكمته ويلمسوا رحمته وان تشككتم في ما اقوله فارجعوا الي قصة الخضر مع سيدنا موسي في سورة الكهف
ربنا يكرمكم
كم من الاتصالات والرسائل تلقيتها خلال الاسبوع الماضي للاطمئنان علي امر الخطبة لم اكن اتخيلها ومثلها اتت اليومين الماضيين لمواساتي والشد من ازري فشكر لكل من اتصل او ارسل رسالة واخص بالشكر عبد الرحمن وعبد الرحمن وابراهيم الهضيبي ومحمد السعيد وانس القاضي واسلام لطفي وحاتم وارجوا عذري ان كنت نسيت احد
اسمه رضا
اسمي رضا ...هكذا عرفني بنفسه واخبرني اني لاعرفه ومن الممكن الا اقابله حتي وانه تعرف علي من المدونة وسعي وراء الحصول علي رقم هاتفي حتي حصل عليه وانه يتصل بي ليطمئن علي امر الخطبة فاخبرته انني ما زلت انتظر رنين الهاتف فدعا لي بالخير والتوفيق في تلك اللحظة تذكرت لاعبي الكرة قبل المباريات الهامة عندما يسألهم احد المذيعين عن امنياتهم في المبارة فيكون ردهم "نفسنا نفرح الجماهير اللي جتلنا النهاردة ومالية المدرجات " وانا كنت اتمني هذا ولكن قدر الله وما شاء فعل
اخوة صادقة
محمد سيد علي مهما تكلمت عنه فلن اوفيه حقه ومقداره عندي فمحمد كلمني من السعودية بعد يومين من المقابلة ليطمئن علي ما فعلته فاخبرته بشعوري بان الرد سيكون سلبيا وذلك لعدم استقرار احوالي المالية لتغيير عملي بعد الحبسة الاخيرة فوجدته يخبرني بان اذهب الي بيته هنا في مصر وهناك مبلغ جهزه لي ليكون مقدم لشقة وان اتصل باهل البنت واخبرهم ليكون داعم لي اثناء اتخاذ قرارهم وعندما رددت عليه بان انتظر لحين وصول الرد منهم رفض واصر علي ان اتحرك في الامر "محمد بجد انت الوحيد اللي الاخوة عندك افعال مش كلام وبجد مش هلاقي حد زيك في حياتي "
تضامن
في بعض الاحيان نصاب بكرب او هم ومن عظمه وجلله علينا ننتظر العون والدعم من كل من يحيطون بنا حتي الذين يجاورونا في المواصلات العامة . ومن اكثر التعليقات التي قدمت لي هذا العون والدعم
تعليق من هاجر محمد السعيد واخر من ميس ولاء والاولي هي ابنة الاستاذ محمد السعيد رفيقي في القضية الاخيرة وكنت اراها في الزيارة دائما وهي تبلغ من العمر اثنا عشر عاما "بجد يا هاجر انا سعيد جدا بمواساتك وعقبال ما اشوفك عروسة ويا بخت اللي هايفوز بيكي وتبقي من نصيبه "
اما ميس ولاء فلانها فعلا انسانة طيبة علي الرغم من حسمها وشدتها في بعض الاحيان معنا في المركز الذي اتلقي فيه دروس تعليم الانجليزية فلقد وجدت تعليقها ومواساتها وعندما اتصلت بها اخبرتني انها قامت بتأجيل الامتحان الي الخامس والعشرين من ابريل
الضحي
من احب سور القرأن الي قلبي
والضحي والليل اذا سجي ...... سبحانك يا رب
ما ودعك ربك وما قلي ........ اقرب لينا من انفسنا يا رب
وللاخرة خيرا لك من الاولي .. صدقت يا رب
ولسوف يعطيك ربك فترضي .. رضيت يا رب
الم يجدك يتيما فأوي ............ بلي يا رب
ووجدك عائلا فاغني ........... بلي يا رب
فأما اليتيم فلا تقهر .............. حاضر يا رب
واما السائل فلا تنهر ............ امرك يا رب
واما بنعمة ربك فحدث .........نعمك لا تعد ولا تحصي يا رب

حكمة لابن عطاء الله

لا يَكُن تأخُّرُ أمد العطاء مع الإلحاح في الدعاء موجباً ليأسك ؛ فهو ضَمِنَ لك الإجابة فيما يختاره لك ، لا فيما تختاره لِنَفسك ، وفي الوقت الذي يُريد ، لا في الوقت الذي تُريد

. أي : لايكُن تأخر وقت العطاء المطلوب مع الإلحاح أي : المُداومة في الدعاء موجباً ليأسك من إجابة الدعاء ، فهو سبحانه ضَمِنَ لك الإجابة بقوله : { ادعوني أستجب لكم } فيما يختاره لك ، لا فيما تختاره لنفسك ، فإنه أعلم بما يَصْلُحُ لك منك ، فربما طلبت شيئاً كان الأولى لك منعه عنك ، فيكون المنع عين العطاء ، كما قال المصنف فيما يأتي : ربما منعك فأعطاك ، وربما أعطاك فمنعك . يشهد ذلك من تَحَقَّقَّ بمقام : { وعسى أن تكرهوا شيئاً وهو خيرٌ لكم وعسى أن تُحبوا شيئاً وهو شرٌ لكم والله يعلمُ و أنتم لا تعلمون } ، ولذا قال بعض العارفين : ومَنعُكَ في االتحقيق ذا عينُ إعطائي .
وكذلك ضَمِن لك الإجابة في الوقت الذي يُريد ، لا في الوقت الذي تريد ، وفي الحديث "إنَّ الله يُحبُّ الملحين في الدعاء"
.وورد : أن العبد الصالح إذا دعا الله تعالى قال جبريل : يا رب عبدك فلان اقض حاجته ، فيقول : دَعُوا عَبْدِي فإني أحب أن أسمعَ صوته .
فَقُم بما أمركَ الله به من الدعاء ، وسَلِّم له مراده فربما أجابك ، وادَّخر لك بدل مطلوبك ما تنال به الحسنى و زيادة .
سامحني يا جعلي
معلش يا جعلي ممكن تقبلني انت والشباب تاني في وسطكم
انا عارف اني في تدوينة نفسي اعلنت تذمري منكم وزهقي
بس يا صاحبي من الواضح اني هاقعد معاكم فترة
وعلي راي امي "اني عامل زي الجبنة الرومي كل ما تقدم كل ما تزيد قيمتها "
صاحبي انا مستني منك تليفون علشان نتقابل فارجوا منك الاتصال اول ما تقرا التدوينة
اخيرا التليفون هايجبلي مكالمة سعيدة
فما تتأخرش عليا
ويللا مش مهم

هناك ٢٤ تعليقًا:

غير معرف يقول...

هو أنا مش عارف أقول إيه !!

قلت إلي فيها يا أبو الأمجاد
ربنا يوسع عليك وعليها ويفرجها من عنده

في حاجة مهمة..وهي إني كنت نازل مصر بعد كام اسبوع..وجوايا شحنات قرف وضيق غير عادية ..وكان نفسي اقعد مع حد نشكيله ونحكيله " على رأي أغنية شؤين الشهيرة" وكان في بالي شخصيتين إنت واحد منهم والتاني كان حيدر حيدر زينة شباب الطالبية...
ولكن للأسف واضح إن الوضع مش مستحمل نشحن بعض بمشاكلنا..

هنعمل إيه لينا رب إسمه الكريم ..فادر على كل شئ
وبالمناسبة افتكرت السيدة أم سلمة لما مات زوجها أبو سلمة ومكنتش شايفه إلا هو ..لكن ربنا ليه ترتيب تاني خالص..وهو الأدرى بعباده !!

وشيل إيدك يالا...
وبالمرة...فارس إلي كنت حكيتلك عليه ..البقاء لله مات في المستشفى ..وربنا يرحم عباده

وبحبك في الله يا صاحبي !!

عمر أفندى و أبووه يقول...

مجدى

انا موش عارف اقولك ايه ...بس انتا عارف ان الموضوع ده نصيب و هيجى هيجى بس كله بوقته يا معلم

عايز اقولك ان اول طلعة فى المدونة دى حسيستنى بانى بقرا لعبدالوهاب مطاوع الله يرحمه..و بعد ما كملت و عرفت انك فركش قولت يلا موش مهم على راى واحد صاحبى:)

مجدى انا مقصر فى حقك كتير بس و الله العظيم يا مجدى ما عارف انا ليه امورى موش مظبطة الايام دى ...من بعد وفاة والدى و انا الدنيا موش مستقرة معايا و لما نقعد مع بعض هحكيلك.

بمناسبة هنقعد مع بعض...انتا عديتشى عليا ليه استنيتك لعشرة و بعدين نمت لما انتا مجيتشى

اخيراً انا بجد بستمتع موت و انا بقرا مدونتك ...لمجرد انه واصلنى احساس انها مملكتك اللى بترتاح فيها.

غير معرف يقول...

أستاذ مجدى
او المره دى ممكن أقول سيدنـا مجدى
أول مره من ساعه ما إترفضت ألاقى نفسى فرحـان ومش عايز أقولك إننا كسبنا تدوينه رائعه
وشكراً لهم إنهم رفضوك حتى يلهبوا مشاعر فتنتج هذه التدوينه القيمه جداً جداً

وياجعلى إتصل بيه مهما كان أخوك الكبير وإستحمله بغلطاته والحسـاب يجمع
واحد انت ماتفتكرهوش بس هو بيحترمك

عمرو طموح يقول...

أستاذي...

بداية... و عسي أن تكرهوا شيئا و يجعل الله فيه خيرا كثيرا... لعله خير إن شاء الله

بجد... أنا آسف جدا إني مسألتش... بس فعلا الأيام اللي فاتت كانت كئيبة جدا - و لا زالت - من ساعة النتيجة السيئة اللي جيبتها... عارف إنك هتزعل مني علي التنفيض و علي النتيجة... بس انت عودتننا إن قلبك كبير...

دعواتك كتير قوي ... لو لقيت إني ممكن أكلمك من غير ما أكئبك هيحصل أكيد.. لو محصلش... تأكد إني مش عاوز أضايقك...

ربنا يقدملك اللي فيها الخير... و يرضيك بيه..ز و يسعدك بيه

غير معرف يقول...
أزال أحد مشرفي المدونة هذا التعليق.
عبدالله يقول...

مسحت التعليق ليه يا مجدي بتاع انينيموس
:)
علي العموم انا موافق علي جزء كبير من الي اتكتب فيه و ياريت تاخد الكلام الي كان فيه نصحيه خالصه الراجل ده شكله بيفهم بس متعصب شويتين

تحياتي

عبدو بن خلدون يقول...

طيب...
ممكن بقى فضيلتك يقول لسعادتك تحن علي حضرتي وترد علي التلفون...
مش بحب أبعت سمسمات وفي رواية أخرى إس إم إسز.

سيبك إنت

سمعتش النكتة اللي قبل الأخيرة؟

بيقولك سألوا واحد مصري: إيه أكتر خمس حاجات بتحبها؟
قالهم: هما تلات حاجات: المية والهوا.

بالمناسبة بكرة كنت مع واحد صاحبي -ومن غير ذكر أسماء- فرعت... وضربنا دوم مع بعضشينا...

واحشني الدوم معاك يا زميل!

أراك أمس...

sharkawoo يقول...

أستاذي الكريم أعانك الله كثيراً ....

وهل تري آخر جزء يعني عودة نراك فيها ...

ساعتها سوف نسعد كثيراً.....

غير معرف يقول...

استاذ مجدي
انا عاوز اقول لحضرتك 3 حاجات وبا ختصار شديد
1-كان الله في عونك بس في الا خر موضوع الرفض ده اكيد هو الخير ليك ولاختنا الفاضله وحضرتك عارف طبعا قصة( لعله الخير)
2- كان مره اخ قلي كلمه من 5 سنين مش ناسيها لغاية الوقتي قلي لما تحب ماتحبش قوي عشان لو حبيت قوي الفراق هيكون صعب قوي
انا طبعا مكنتش مقتنع بكلامه في الاول بس بعد كده حصل معاي كام موقف خلوني اصدق كلامه واقتنع بيه تماما وعشان محدش يفهمني غلط المواقف دي مش مع بنات والله لادي مع اخوه
فمن فضلك لما تحب ما تحبش قوي
3-انا عندي اخ في الشعبه اتقدم لاتنين وعشرين اخت ايو والله
زي مابقول لحضرتك كده وكان الرفض منه في بعض الاحيان والرفض من الطرف الاخر في احيان اخري وفي الاخر كانت زوجته اللي من نصيبه رقم تلاته وعشرين والحمد لله هو سعيد جدا جدا جدا مع زوجته ومنتظرين ولد خلال الشهرين اللي جايين
فزي مالااخوه قالوا محدش بيجوز مرات حد

ويلا خليها علي الله
اخ بيحبك قوي

عبدالله يقول...

انت يا ابني
انا لسه شايف ان غلط الكلام رغم التعديل انك في مجتمع صغير و الانترنت دي عالم مفتوح و الكلام بيجي ويروح
مش كل حاجه تتكتب ادام بتكتب باسمك الشخصي

في فرق اننا متعاطفين مع واحد اترفض و بين الاخلاق و المبادئ الي المفروض الاخوان اتربوا عليها ومدي العلاقه بين الاخ و الاخوات و عدم الافتتان

وايه بقي موضوع كل واحده تاخدها قدوه دي يا ابني عكستوا الوضع و الحياة كده هتخلوا رميوا و جوليت رمز ليكوا بقي

تحياتي

غير معرف يقول...

انا مش فاهم من الاخ اللي اسمه عبد الله ولا كلمه
ارجو التوضيح

عبدو بن خلدون يقول...

ولا أنا فاهم

يلا مش مهم يقول...

الاخ الفاضل عبدالله
يبدو اني قد اسأت التعبير عما اقصده
ولذا فانا اقصد باتخاذها قدوة لانها دافعت عن اختيارها ولا اقصد الشخص وانما المواصفات وعلي راسها ان يكون من المشتغلين بالدعوة والناشطين بها وانها حاولت ان تتيح لمن اتسقت معه تلك الصفات الفرصة لدي الاهل
وعندما اتخذ الاهل قرارهم التزمت به
واود ام اؤكد لك يا سيدي الفاضل انه لم يحدث اي تجاوز سلوكي كبر او صغر خلال فترة التقدم وكذلك اود ان اؤكد ان المشاعر الانسانية مباحة ما دامت ستسير الي المسار الطبيعي لها وهو الارتباط والزواج والاصل في التقدم هو حدوث القبول
وكذلك اؤكد انه بمجرد رفض البيت فكل ما أكنه لتلك الفتاة الاحترام الكامل والدعاء بالتوفيق والسعادة
واخيرا انا زعلت جدا من اسلوب نداءك "انت يا بني "لن لي اسم وهو مجدي فارجوا ان تناديني به يا استاذ عبدالله
مودتي وحبي واحترامي لك
مجدي

عبدالله يقول...

اوكيه يا حاج مجدي
بالنسبه لموضوع انت يا ابني
فده مش لحاجه غير لاننا زمايل جامعه والمفروض نعرف بعض بتاع خمس سنين فعادي عشم مش اكتر ولايهمك يااستاذ مش تزعل
:)

المشاعر حاجه جميله ومفيهاش مشاكل بس مش ده الي بكلم فيه برضه اننا مجتمع صغير و عدد كبير بيبقي عارف انت اتقدمت لمين و رحت فين فعيب ان كل البشر دي تبقي عارفه ان فلانه حاربت اهلها علشانك تتوقع يعني الي لو حد بيفكر يتقدمها هتبقي حاجه جميله

تحياتي ليك يا استاذ مجدي

شذى مولوتوف يقول...

السلام عليكم
انا شايفة ان كلمات المواساة كتير فانا مش هازيده عليك لانك ادها وقدود
احنا مستنين حضرتك تدينا درس عن فوائد العزوبيه
او بمعنا اصح تطلع من المحنة بمنحة زى ما بيقولوا
وزى ما الاخوان كلهم اتربوا على كده
اما يتسجنوا يبقى اعتكاف
واما يتحاربوا يبقى اهل الباطل يحاربوا اهل الحق
واما يعتقلوا باعداد مهولة يبقى معسكرات تربوية
يالا يا استاذ مجدى
خليك فريش تطلع فى الدش
وفى الاخر طبعا قدر الله وما شاء فعل

غير معرف يقول...

السلام عليكم
أرجو أن تقبل منى نصيحة لله ، فأنت بالتأكيد تعلم أن الدين النصيحة .. أنا بصراحة أعرف حضرتك ،وأصابنى الذهول والصدمة مما قرأت فى مدونتك ، لقد رأيت فيها من الكلمات والأساليب والعبارات التى لا تمثل فكر أو نشأة إخوانية .
فأنا أعرف إنك من المنتمين لجماعة الإخوان المسلمين .

وأكثر ما أثر فى فى مدونتك ، موضوع تقدمك لخطبة أخت ، ورفضت من قبل أهلها وأيا كانت الأسباب التى أدت إلى عدم قبولهم الأمر ( فكل ذلك قضاء وقدر)، ولكن ما أود قوله أن حضرتك لم تفرق بين الأمور الخاصة ، والأمور التى بها مساحة مشتركة ويمكنك أن تعرضها فى مدونتك وتستقبل تعليقات عنها

وأمر أخير أود أن أقوله لحضرتك ، هناك أخوات كثر كن يعرفن حضرتك من الجامعة ، وأصابهن صدمة كبيرة بعد معرفة ما كتبته ، وخاصة فى الفقرة الأولى من الموضوع الأخير الذى كان توضيحا لكل التعليقات ، فكان لا يصح أن تتكلم عن الأخت هكذا ، فلقد ظهر من كلامك ( وسامحنى على ما سأقول) بإنك كنت تعرفها مسبقا ، وهذا ما ظهر من إختيار حضرتك للكلمات .

وأخيرا أريد أن أقول شيئا ، لقد كنت رمزا كبيرا فى العمل الدعوى للبعض ( من الخوات) ، ولكن بعد إطلاعنا على ما تكتبه والذى يمثل فكرك بالتأكيد ، حزن الكثير وقلن ( هما الإخوة حصل لهم إيه ؟ ليه بقى فيه تجاوزات كتيرة بالشكل ده ؟

أرجو تقبل ما قلت ، فإنه لم يكتب إلا لله
ثبتك الله وأعانك

غير معرف يقول...

ايه الكلام الخنيق داه وكان الاخوان معندهمش مشاعر او ناس من كوكب دانى اعتقد اللى بيقول الكلام اللى فات دا عايش فى الخيال حاجه تخنوق

يلا مش مهم يقول...

الاخت الفاضلة
اولا اود ان اشكرك علي توجيهك للنصيحة وايضا انتقائك لكلماتك وحسن تقديمك لنصيحتك واستئذنك في الرد علي ما طرحتيه
اولا - لم اكن في لحظة من اللحظات اود ان انقل هذا الموضوع الي النقاش العام لانه حالة تخص صاحبها ولم اكن اود ان اخوض في تفاصيل هذا الامر كل ما كنت اريده هو التدوين عن حالة شعورية مررت بها وهذه الحالة الشعورية هي حالة انسانية عامة تصادف اي انسان يتمني شئ هو حلال ثم يحرم منه
ثانيا - انا مقتنع تمام الاقتناع بان الاخوان هم بشر وان بشريتهم لا تتعارض مع انهم اصحاب مبادئ واصحاب دعوة واصحاب جهاد ونضال وانهم في حركتهم في الحياة يتعرضون لما يتعرض له الاخرين من صراعات الحياة ووخزاتها وضرباتها
ثالثا - ما ذكرتيه حضرتك عن استخدام بعض المصطلحات والمفردات والافكار التي لا تمت الي الاخوان ونشاتهم وتربيتهم فارجوا منك ان تسألي نفسك هل هي مخالفة لادبيات وتنظير الاخوان ام انها مخالفة لثقافة وتربية ونشاة فرد او مجموعة
رابعا - اما بالنسبة للحديث عن سابق معرفتي بالبنت فارجوا ان اوضح اولا ان طرق الزواج عند الاخوان اما ما يسمي زواج الصالونات وهو المعتاد والمتعارف عليه واما ان يتم الاختيار عبر مسارات وانشطة الحياة الطبيعية بدون تكلف او تعمد كمثال التعارف في بيئة عمل حياتي واحساس الفرد بان الطرف الاخر مناسب او متناسق مع النموذج الذي يرجوه وهنا الطريقة المثلي هي توصية احدهم بسؤال الطرف الاخر عن مدي قبوله لهذا الشخص فاذا اجاب بعدم القبول يبقي يا دار ما دخلك شر واذا اجاب بالقبول يبقي يجب ان يسلك الطريق الشرعي والوحيد امام كل من يحترم دينه ونفسه هو ان يتقدم الي البيت وهنا اود الا اخوض في تفاصيل ما حدث ولكن ما اود ان اقوله ان اكثر ما اثار احترامي هو دفاع الطرف الاخر عن اختياره ولا يرجع هذا الي شئ يتعلق بي ولكن يرجع الي اعجابي الشديد باي شخص يدافع عن حقه ولا يرضخ ارغبات الاخرين وبالذات ان كانت غير منطقية او خاضعة لتصورات تخالف تصور صاحب الشأن في الامر
خامسا - اود ان اشكر كل من وثق بي واتخذني كما تقولين رمزا ولكن انا لا اجد اي شئ مما طرحته او فعلته فيه ما يسئ الي فانا والحمدالله لم ارتكب اي تجاوز سلوكي وانا والحمدالله لم اتكلم او اري البنت الا في حضرة اهلها وانا والحمدالله كما كنت وسأظل كما انا وانا والحمدالله بعد رفض البيت لا اكن للبنت الا الاحترام والتقدير واحساس انساني عام بالتعاطف اعتقد ان الكثيرين يشعرون به تجاهها وتجاهي
سادسا -ارجوا الا يصيبكم الحزن والا تتسألوا عن ما حدث للاخوة لاني اعتقد ان لا شئ قد حدث فهكذا دائما الاخوة وهكذا دائما مجتعهم ولكن من الممكن ان يكون هناك من يرسم صورة وردية ملائكية غير بشرية عن مجتمعاتنا والتدوين اتاح لنا الفرصة في عرض الصورة الحقيقية النسانسة والطيبة ووالغير سيئة
سابعا - صدقيني اختي الفاضلة انا علي اتم الاستعداد ان اعتذر وان اشطب كل ما دونته عن الحالة الانسانية للاخوان في حال اكتشافي خطأما افعل وان الامر ليس للعناد الشخصي او لاثبات الذات بقدر ماهو فكرة اؤمن بها سبق ان ذكرتها بين طيات الحديث وصدقيني انا كنت في غني عن وجع الدماغ اللي انا فيه والصورة الوردية التي اهتزت عند البعض والرمزية التي تشوهت ولكنني اؤمن بفكرة واعرف منذ بداية التدوين اني ساقابل هذا الامر
ثامنا - ارجوا من زوار المدونة تصفح كافة المواضيع للتعرف علي جوانب ما ارجوهفانا اعرض لاسرتي الاخوانية كيف تدار وما فقراتها واعرض لانسانية رجال الاعمال الاخوان وكيف يتعاملون مع الاخرين وساعرض كل جوانب حياة الاخوان الانسانية حتي يرانا المجتمع علي حقيقتنا الجميلة السوية البشرية
تاسعا - التجربة التب اقوم بها امر جديد علي ومن الممكن ان اخطأ في عرض بعض الامور او تزيد مني الجرعة بعض الشئ ولذا فنقدكم وتوجيهكم هو امر غاية في الاهمية وانا نقيب اسرتي يناقشني فيما اكتب ويوجهين ويطلب مني بعض الاوقات زيادة الجرعة في جوانب وتخفيفها في بعض الجوانب الاخري وهكذا تنضج التجربة وهكذا نستفيد من خبرات وافكار بعضنا البعض
عاشرا - انا متقبل منك تماما كل ما قلتيه واطلب منك ومن غيرك من المعترضين علي اسلوبي في التدوين التعليق والنقد والتوجيه واثق تماما انها نصيحة تبتغين بها وجه الله وجزالكم الله خيرا
مجدي
الذي ما زال من الاخوان
وسيظل من الاخوان
وما زلت محافظ علي اخلاقي وثوابتي كما هي
والسلام ختام

عبدالله يقول...

مازلت اري ان هناك فروق في حالة التدوين بين ان تتكلم بشخصيتك المعروفه وبين ان تتكلم كشخص غير معروف
عندما تدون باسمك الحقيقي فهذا يعني ان كل ما تكتبه من مشاعر يجب ان يراعي حرمة الاخرين ولا يتعدي علي حياتهم الخاصه
تكلم عن نفسك كما تشاء ولكن لا تتكلم عن بيت دخلته فهو شيئ يخصك و يخصهم ولا احد غير ذلك
ما ذنب الاخت ان يكون الكثير علي علم بمشاعرها في فتره معينه من حياتها
او ما ذنب البيت ان يعرف عنهم ان فلان قد تقدم لهم

المشاعر و الحب ليسوا مقصورين علي غير الاخوان و الاخوان بشر عادي بس هل يا تري لما واحد يحب خارج الاطار مثلا نقوله كده يبقي الاخوان ناس عادين شاطر عندما تكلم البرقي مثلا عن مشاعره ناحيه مراته عادي و جميل بس هنا انت بتتكلم عن واحده مالكش حق اصلا تفكر فيها ان الموضوع انتهي ده الفرق

في النهايه والله قد تردد كثيرا وانا اكتب اول رد ليك بسبب بسيط اني عارف انه مش هيعجب ناس كتير و فكرت اكتر اني امسحه بس الحاجه الوحيده الي خلتني ارد اكتر من مره هوا انكار ما اراه خطا و اني خليت نفسي مكان اهل البنت دول لو حد متقدم لاختي مكنتش هبقي مبسوط لو اتكلم بالطريقه دي

ربنا يهدينا كلنا للي فيه الخير

ياسر مدني ...دينامو الإخوان يقول...

يلا مش مهم إزاي لأ مهم ولا مش مهم عندك سلب الحريات سلب حقوق الانسان مش مهم عندك المحاكمات العسكريه مش مهم عندك الاعتقالات واضح ان انت ميهمكش رأي شويه قضاه علي شويه دكاتره علي شويه مهندسين علي شويه عمال وفلاحين علي شويه صحفيين علي شويه محامين
..أخوك ياسر مدني أبن الحاج صلاح مدني المفرج عنه من إخوان إسكندريه

غير معرف يقول...

اظن التعليق الاخير ده دخل في الخط غلط

غير معرف يقول...

قد نختلف أو نتفق فى الرأى حول نشر مشاعرنا الشخصية أو الاحتفاظ بها سرا. ولكن أعتقد من المفترض أن يحترم كل واحد منا رأى الآخر فى هذه القضية، ومن المفترض علينا أيضا أن نفرق بين ما تعودنا عليه من ثقافة الاحتفاظ بالمشاعر داخلنا وبين أن يكون الاحتفاظ بها أمرا لا بد الالتزام به وأن البوح بها فيه مخالفة.

وفى ذات الوقت أتفق مع المعلق الفاضل الذى أشار إلى أنه مادام هناك شريك فى الموضوع فعلينا أن نحترم عدم النشر إلأا بموافقته، ولكنى فى ذات الوقت لا أرى أن أستاذ مجدى قد لمح أو صرح باسم من تقدم لخطبة ابنته وأكاد أجزم أنه -إن كان هناك من يعرف تلك العائلة- فإنهم لا يتجاوزون أصابع اليد من أقرب أقرباء ا. مجدى. إذا هو لم يكسر حاجز خصوصيتهم أو يتعدى على حقوقهم فى نشره لمشاعره الخاصة عبر تلك التدوينات.

يبقى لى نقطة لازلت حائرا فيها، وهى أن الله رزقنا تلك النعمة العظيمة نعمة المشاعر والأحاسيس، والتى حينما تقرأها وهى منطلقة من حالة شعورية حقيقة فإنها تسلك طريقا مباشرا للمشاعر والوجدان، قد تترك فيك أثرا وقد تحيى فيك معنى ، حينما يهيئ لها قلم يستطيع صوغها ويحاول أن يجسد أبعادها التى لا يمكن أن تحيط الأقلام والورق بحدودها. والسؤال هو هل نكتفى بأن نعيش تلك الحالات الشعورية مع أنفسنا أم أنه من الأولى أن نسجلها ويقرأها الآخرون ليلمسوا جوانبا من جمال النفس البشرية التى أبدعها الله فى هيئة سطور قد يعجز الكثيرون منا أن يترجموها بهذه الكيفية؟

غير معرف يقول...

بص يا استاذ عمرو اناشايفه ان انت من بنى البشر وشايفه كمان ان انت كنت مخنوق جدا وحبيت تتكلم مع اصحابك وده مفهوش حاجه اما بالنسبه للاخوات اللى فكرتهم اتغيرت عنك فده احسن على الاقل ياخدوا الفكره الصح ويعرفوا انك انسان له مشاعر تهتز ولا يهمك من حد وربنا معاك ويوفقك ويرزقك بزوجه صالحه وعلى رأيك يلا مش مهم

غير معرف يقول...

بص يا استاذ عمرو اناشايفه ان انت من بنى البشر وشايفه كمان ان انت كنت مخنوق جدا وحبيت تتكلم مع اصحابك وده مفهوش حاجه اما بالنسبه للاخوات اللى فكرتهم اتغيرت عنك فده احسن على الاقل ياخدوا الفكره الصح ويعرفوا انك انسان له مشاعر تهتز ولا يهمك من حد وربنا معاك ويوفقك ويرزقك بزوجه صالحه وعلى رأيك يلا مش مهم