الثلاثاء، مايو 08، 2007

نجوم .... لازم تتقري


من فترة وانا متابع اللي بيكتبوه

ومن فترة نفسي اعرف الناس طريقهم

ومن فترة وانا مقرر التنويه عن كتاباتهم

ومن فترة وانا مش عارف اعمل التنويه ده

بس اخيرا جه الوقت والارادة اللي يسمحولي بالتنويه عنهم

وطبعا ده مش نهاية المطاف لان الاتنين دول لازم يدرسوا ويتذاكروا بلغة السوق


عمرو هو اللي بدا بمدونة نجوم الحيرة وبعدين استضاف عبده ابن خلدون فيها

عمرو كان اول مرة اشوفوه في ندوة في سياسة وقال مداخلة وسط عالم فطاحل اقلهم اسم يسبقه مجموعة من الالقاب مثل الاستاذ الدكتور المهندس الطبيب المبجل فلان الفلاني ووجدت تصفيق حاد من الحاضرين وكا يجلس امامي محمد رجب زعيم الاعلبية في مجلس الشوري ووجدته يقترب من اذن مرافقه ويهمس الولد ده اكيد من الاخوان هما الوحيدين اللي يقدروا يخرجوا مستوي زي ده في السن ده اما الثاني فحدث ولا حرج كلما تحدثت معه اصيبت بالغيظ والحنق لانه يشعرني بلني حاصل علي دبلون مش شهادة عليا مما اجده من مستوي حديثه ومفرداته واراءه

بجد ربنا يحفظكم ويبارك فيكم وينولكم اللي في بالكم بس يكون حلال

والاتنين ماشاء الله عليهم مشاريع نجاح سياسي ودعوي وحياتي محصلوش " خمسة وخميسة يا شباب "

هارشحلوكم كام تدوينة عندهم لازم تقروهم وتتعلموا منهم زي ما انا بقعد اقرا واتعلم واذاكر كلامهم


التدوينة دية لازم تتقري دية لعبده ابن خلدون وفيها تحليل جبار لما حدث في تدوينة علموا انفسكم التمرد والدهشة ورمي الاحجار

هل الزنا ذنب حضاري ام دية لعمرو طرح من الهضيبي ردعليه عمرو ورموا هما الاثنين بحجر في البحيرة الراكدة

مولد التدوين لعبده دراسة جامدة جدا عن الاخوان والتدوين يستحق عليها تحية تكافئ قدرته التحليلية البارعة

غسيل الامخاخ لعمرو تاني محاولة للعوم ضد التيار وهنا الرجل لم يرمي حجر بل القي بنفسه في البحيرة

انا اخوان طب يللا مش مهم لعبده تحدي اخر من عبده لاي شخص يملك ادواته التحليلة ولغته البسيطة السهلة



علي فكرة سبب رئيسي كان يمنعني من التنويه عن تلك التدوينات هو تاييدها لما اكتبه او طرحي ولكنني ارجوا منكم ملاحظة قدراتهم وكفائتهم التحليلية والتنظيرية بعيد عن اتفاقهم معي او مخالفتهم

ويللا مش مهم

هناك 14 تعليقًا:

محمد يقول...

فعلا مدونه عمرو طموح ما شاء الله عليها مليئه بالتحليل العميق والكلام الكبييييييييييييير
كل دا وعمرو لسه فى اول سنه فى الكليه

أنا فاكر فى مره كنت باتصفح الكثير من المدونات الإخوانيه وبعدين جبت المدونه الإفتتاحيه لعمرو طموح يشرح فيها لماذا المدونه
وبعدين لقيت الكلام الكبير اوى ومينفعش يقرأ سريعا كدا فحفظتها علشان ابقى اذاكرها فى وقت اكون مركز أكثر

أجمد حاجه هو تعليق زعيم الحزب الوطنى أنه عارف حجم كوادره كويس وعارف قيمه كوادرنا الإخوانيه

وصية أخيره
عايزين كل واحد يعرف حد اخوانى صغير فى ثانويه عامه انه يقنعه يدخل سياسه واقتصاد او اعلام
مش معقوله كليات زى طب وهندسه نلاقى فيها اخوه بالمئات وكليات تملك دفه قياده المجتمع فيها اخوه يقلوا عن اصابع اليد الواحده

عبد الرحمن يقول...

ربنا يبارك فيهم
ويتقبل منهم

أنا دخات عندهم لأول مره دلوقتي ولاقيت قدره عالية على التحليل والعرض والإقناع بشكل ممتع وشيق

بس بصراحه في موضوعات بتسرح منهم وبيقولوا كلام كبير أوي ومجعلص أوي
بس طبعا دي حالات قليله جداً

عبدو بن خلدون يقول...



أونكل
مجدي

إيه
يا
عم
كل
ده
؟
!

اخجلتم
البتاع
اللي
اسمه
توافدنا
ده
ولا
أي
حاجة
وخلاص

المهم
إن
إنت
عملت
حاجة
فيها
خاء
وجيم

وبعدين
الناس
دلوقتي
تفتكرنا
جان ماركو
و راؤول آرثر

يللا
مش
مهم
خالص
مالص

وبعدين
يتذاكروا
إيه
بس

ده
حتى
اسمي
المستعار
النيكنيميّ
يا
عمو
الأونكل
كاتبه
غلط
سيادتك
حضرتك
سعادتك
يعني

وبعدين
بيقولوا
يا
بتوع
التسويق
ما
ترفعوش
سقف
التوقعات

وأخيرا
سؤال

سؤال
مجرد

مجرد
سؤال

سؤال
أغلس
مما
كنت
تستخيل
في
أجمل
أحلامك

سؤال
لسا
معدي
عليا
دلوقتي

سؤال
فكر
فيه
بأمانة
وشفافية
ومحسن
وسلطانية
ملوخية
ورد
عليا

:

يا
ترى
كنت
هتلاحظ
الحاجات
الغريبة
اللي
سميتها

"
قدراتهم وكفائتهم التحليلية والتنظيرية
"

حتى
لو
كنا
مختلفين
مع
فضيلتك
؟
!

- - -

الشاب
عبدو

أنا
موافقك
جدا
جدا
جدا

إننا
كتير
بنقلش

وده
يمثل
جزء
أساسي
ومهم
وحنفي
من
إصرارنا
علي
التدوين

الواحد
في
بداية
حياته
الفكرية
العنترية
بيمر
بمشاكل

لازم
يحلها

أحد
مشاكلنا
-
وبالذات
أنا
اللي
هوا
أنا
يعني
-

إننا
نتيجة
عدم
نضجنا
العقلي
والفكري
والاجتماعي

ساعات
مش
بنقدر
نوصل
أفكارنا
للناس
بلغة
يفهموها

وده
مش
عيب
في
الناس
علي
قد
ما
هو
عيب
فينا

والتدوين
أحد
مسارات
العلاج

وفيه
كمان
حقنة
يوم
التلات
بعد
صلاة
الجمعة

عمرو طموح يقول...

ايه ده...

ايه يا مولانا...

ايه يا عمنا...

أستاذي.. اللي بيحبني أقولله صاحبي... الأول سلامات، و مستغرب ازاي لقيت وقت وسط الستاشر ساعة شغل تكتب ده:))))

ربنا يعينك...

المهم بقي...

أنا اترددت كتييييييييير، أعلق وللا لا... لأني بصراحة... زي ما عبده قال... مش أخجلتم ، لا ، طحنت، دفنتم، فرتكتم، راجل كان اسمه تواضع فينا... الله يرحمه و يحسن إليه...

أستاذي/ صاحبي... ايه رأيك أخليها أساتيذو عشان تبقي أستاذ متدلعة، مش جد قوي يعني... المهم يعني،
أتمني إننا نكون دايما عند حسن ظنك بينا، و كما يتمني الجميع منا، و فوق ذلك، كما يرضي الله عنا...

و الله يرضي عليك، متجيبش سيرة مذاكرة دلوقتي خاللللللللللص:)

---

حاجة كده علي جنب
عم محمد... أنا و ربنا ، و ربنا ، و ربنا مش في سنة أولي... أنا في سنة تانية:)))))

تفرق قوي معلش يعني...

---

اللهم حسن بنا الظنون
و اجعلنا خيرا مما يظنون
و لا تفتنا بما يقولون
و اغفر لنا ما لا يعلمون

آمين

عبدو بن خلدون يقول...



اللهم
اغفر
لنا
ما
لا
يعلمون

عبدالرحمن رشوان يقول...

معاك حق
مدونة فى غاية الرقى

عشان طبيعتنا الحركية ودا شئ طبيعى جدا دا أدى إلى أن

الأغلب لا يفضل سوى الطرح العاطفى النضالى
ولا يفضل الطرح الفكرى



يكفى فى نضجها أنها مدونة ثنائية حققت معنى من معانى التعايش والإثراء

نموذج راقى نأمل أن يتكرر

ونسأل الله أن يجمهما فى الجنة كما جمعهما فى الدنيا

هيكل يقول...

طيب كإقتراح للنجوم
قللوا شويه من التحليلات والتعليقات وادخلوا فى مرحله المبادره وطرح الأفكار الجديده والجريئة وابدؤوا فى رمى الأحجار
اظن ان قدراتكم ومواهبكم وعقلكم تعطيكم قدره أكبر من مجرد التحليلات والتعليق على مقاله او مدونه معينه
طبعا هذا مهم لكن هناك ساحه اخرى فى انتظاركم

محمود سعيد يقول...

والله يا أستاذ مجدى كويس أن حضرتك أشرت ليهم

لأنهم الصراحة نجوم

بس مش معروفين

متابعهم من زمان وزعلان أنه مفيش عندهم زوار ولا إهتمام بيهم

وفى واحد منهم عامل مدونة تانية كمان من بره بره :-)

بس جميلة

sharkawoo يقول...

الناس دي هتأخذ مقلب في نفسها ... ومش هيعفوا يكتبوا تاني ...

نقول إيه بس ... يلا مش مهم ...

ربنا يكرمهم ويعنهم حبايبي والله ...

وإن شاء الله المدونة بتاعتهم تظل عالية وماشية لفوق علي طول ...

امام الجيل يقول...

جميل منك اوى انك تنوه لمدونات تانية وتدعو ليها
وانا شفت المدونة دى وهى فعلا مميزة وبعد كلامك ده هتابعها بدقة اكبر شكرا لك

ومضات .. أحمد الجعلى يقول...

وبعدين يا استاذ مجدى لما الناس دى -زى ما كنت بتقول سابقا- ذاتها تتورم دلوقتى هنكلمهم ازاى؟؟؟

بس فعلا نجمان يستحقان القراءة ويا بخت من يحظى بمعرفتهما

وفعلا أتمنى كما نادى كثيرون أن نرى لهما اسهامات فى امور وقضايا مهمة أكثر وأكثر ولربما تحمل لنا الأيام منهما منظرين جديدين للحركة الإسلامية

عبد الرحمن يقول...

انت فين يا أستاذ مجدي مالك مقاطع التدوين بقالك كام يوم

الناس مشتاقه لكلامك

Sanaa يقول...

انا شخصيا باستمتع بالدخول على البلوج دى
وهما فعلا اتنين رائعين مش فى العالم الافتراضى بس
وعموما
هنبقى نشوفهم ان شاء الله دكاتره اد الدنيا ،ويعرفوا يشرحوا الكلاكيع اللى بيقولوها
أو هكذا تمت تسميتها
تحياتى
وعاوزين دعواتكم عشان نعدى الترم على خييييير

أبو اسكندر يقول...

يبدو أن الدهشة قد أصابتني وانا الذي أقرا لأول مرة تدوينة بهذا الطول
يبدو ان الحجر قد أصاب رأسي فحرك مجموعات من الدوائر المتتابعة التي كانت تستقبل في الماضي الصدمات بطريقة اسفنجية تحول دون امتدادها
نعم .. فكثيرا ما كنت أسمع عن الحمائم والصقور . عن الشباب والشيوج وجيل الوسط ..
كنت أشعر بانها ليست إلا محاولات لشق الصف الإخواني ..
إلا أننني في الآونة الأخيرة اكتشفت الحقيقة اننا بشر لدينا من العاطف والمشاعر والأفكار التي من الصعب جدا ان تتفق .. ولكن ليس من الصعب أيضا أن تتلاقى ..
ولكن الاشكالية التي تدور في رأسي الاسفنجية الآن أو التي كانت كذلك ... كيف نضمن تقديم نقدا ذاتيا حقيقيا ... بعيدا عن المجاملات .. في اطار الجماعة وكيف يتم اعداد الفرد لتقديم وتلقى هذا النقد دون شعور بتضخم ذاته أو أن تتحول إبى منظرين وناقدين ولا نعمل أو ننتج للدعوة ثمارا حقيقة ...
وفي المقابل كيف نتقبل النقد دون أن نشعر بالانتقاص ..
الموضوع بجد ياجمااعة مهم ولا بد من وضع ضوابط ومعايير لا أدري كيف ولكن حتى لايتحول كل من يعاني من أزمة إلى منظر بضم الميم
أشكركم وفي انتظار المزيد