الأربعاء، يوليو ٢٥، ٢٠٠٧

اكسيها بشر


التدوينة التعليقية هي تدوينة اقوم بالرد علي تساؤلات واستفسارات المعلقين وكذلك تعليقاتهم والتدوينة التعليقية تظهر حينما لا يجدي او يكون مثمرا الرد بتعليق نظرا لحجم التعليقات او تشعبها او اي ظرف اخر هذا كان تعريف بالمدونة التعليقية التي من الواضح انها ستصاحبنا خلال الفترة القادمة وتعليقات هذه التدوينة غير منظمة وغير مرتبة فهي لن تتناول كل رد علي حدة ولكنها مجموعة من التعليقات في مجملها رد او توضيح لمجمل التعليقات الخاصة بالسادة الزائرين


اكسيها بشر

هذه التدوينة كان بها بعض الاوصاف والمفردات التي اعتبرها البعض بانها لا تصح وانها غير لائقة وانني لم اراعي توجهات وميول جمهور المدونة وانني يجب ان اسال نفسي لمن ولماذا والي اين وسوف اجاوب هنا علي هذه التساؤلات

لمن ...قبل ان نقول التدوينة لمن يجب ان اخبركم المدونة كلها لمن

المدونة باكملها لكل البشر اي كان دينهم او جنسهم او اتجاههم وليست مقصورة علي فئة محددة وعليه فخطاب المدونة متنوع ويحمل عدة بصمات وان كان يغلب عليه البصمة الكبري في شخصيتي وهي البصمة الاسلامية ذات الفهم والحركة الاخوانية الا انني ايضا احمل بصمات من شارعي الذي تربيت فيه ومدرستي التي تعلمت بها وبيئة العمل التي اعمل بها والافراد الذين احتك بهم ولذا فشخصيتي خليط من كل هذه الدوائر ومن غير المعقول ان اسلخ شخصيتي من كل هذه الدوائر ووضعها قصرا داخل دائرة واحدة ولن استطيع ان افعل هذا بتاتا

لماذا ... لماذا اكتب في تلك المواضيع لا يوجد احد معترض ولكن الاعتراض الاكبر علي الاسلوب والاسلوب له قصة اود ان ارويها


القصة باختصار هي " اذا اردت ان تصل الي البشر اكسي قضيتك بشر" نصيحة من شاب مصري يصف نفسه بانه لا ديني قابلته في احدي الفاعليات ويقصد من كلمته انا احول الكلام النظري المجرد الي شكل بشري مجسد في مشاعر شخص او مشهد انساني حتي تصل الفكرة او المعلومة او الرسالة الي البشر ولهذا فسيجد زائر المدونة الكريم ان معظم افكاري ورسائلي هي مكسية بشر وبما انني اعد من البشر فانا اقوم بكساء افكاري ببشريتي


الي اين ... بحلم بتحويل مشروع الاخوان النهضوي النخبوي الي مشروع وطني يحظي بالاجماع من كل شرائح المجتمع ويلتف حوله كل الناس بجميع طوائفهم وتوجهاتهم وثقافتهم وهذا لن يتاتي الا اذا شعر هؤلاء الناس باننا منهم ومن بينهم ونشعر بكل ما يشعرون به ونقاسي ما يقاسونه ونتكلم احيانا بالسنتهم ونستخدم مفرداتهم

اكيد هنالك من سيقول وهل نتميع من اجل الوصول الي الناس وسارد عليه لن نتميع ولكننا يجب الا نتصلب والا نعتبر انفسنا كدعاة طبقة مميزة من البشر او اعلي منهم او يجب الا نبوح بمعاناتنا ومشاكلنا وخاصة المشتركة معهم بدعوي الحفاظ علي موقعنا الدعوي المنطلق من منطق اليد العليا او الاخ الاكبر او الناصح الامين بل يجب ان يكون كتفنا بكتفهم وحركتنا توازي حركتهم وتتقاطع معهم في كثير من الاحيان

وسيسال سائل وهل ما تفعله يحقق هذا الامر وسارد بان هذا هو اجتهادي وهذا هو رائي ودعونا نجرب ونتعلم كلنا من التجربة


التنين الدعوي

خرافة او اسطورة تسمي بالاخ التنين الدعوي الذي يعيش في خندق المجاهدين ينتظر صيحة اخيه المسؤل لينطلق لتنفيذ المهمة الموكلة اليه ثم يعود الي خندقه في انتظار الصيحة القادمة ولامانع من ان يقوم هذا التنين الدعوي ببخ نيران من فمه يحرق بها الاعداء وينير بها طريق الاصدقاء وهذا التنين اذاعبر عن مشاعره او مارس بشريته فمصيره السقوط من نظر المحيطين والوصم بانه من المنفلتين والساقطين علي الطريق وان شخصيته تميعت او انه محب للشهرة والصيت ومغرم بالاعلام

ايها السادة انا لست بتنين دعوي فانا شاب مصري من الاخوان امارس حياتي بشكل سلس وطبيعي واعمل من اجل فكرتي واضحي لها من وقتي ومالي وحريتي واذا طلبت دمي فاسال الله ان اكون من اول الملبين ولي اطار عام فكري واخلاقي وسلوكي وهو الاطار العام لكل الاخوان ولكن كل منا له ان يحدد موقعه داخل هذا الاطار فمنا من يختار ان يكون في شمال الاطار ومنا من يفضل يمين الاطار ومنا من يختار التوسط ولكن الكل داخل الاطار

وانا ابن للطبقة المتوسطة في مصر ومن السيدة زينب واميل دائما ناحية الذوبان في المجتمع واقصد هنا بالذوبان التفاعلي اي من كلا الطرفين فنحن كاخوان نحمل فكرة وبيننا وبين المجتمع قواسم مشتركة كثيرة فلما لا نذوب في تلك القواسم المشتركة ونحتفظ بمحددات لنا تميز اتجاهنا وفكرتنا وكذلك سنطلب من المجتمع ان يذوب معنا في نقاط التماس التي بيننا وبينه ولكننا لا نطلب منه ان يندمج كاملا داخل تنظيمنا وهكذا

هناك من سيقول كل هذه الافكار وراء هذه التدوينة " والنبي ما تشتغلنا علي المسا " ساطلب من قائل تلك العبارة مضمون او مفردات ان يطبق كل قلته سابقا علي مجمل المدونة وهذه التدوينة هي لبنة من البناء او مشهد من الفيلم او حلقة من السلسلة


اليسار الملائكي الديجيتال

هناك من لقب نفسه بيسار الي الابد وعلق بمجموعة من التعليقات " قديمة قوي " تجاوزها الزمن بمراحل مع ان اليسار دائما ما يصف نفسه بالتقدمي ولكن اظن ان هذا اليساري ان كان حقيقة هكذا تخلف عن ركب اليسار

فالسيد الفاضل يعيد تكرار نغمة العقد الجنسية التي نعانيها نحن كاسلاميين فاود ان اطمئن هذا الفاضل الغير معقد باننا كاسلاميين لا توجد بيننا وبين الجنس الاخر وبيننا وبين الجنس بشكل عام اي مشاكل او كبت ولكننا لنا اطر وقنوات شرعية للارتباط بالجنس الاخر او ممارسة الجنس وان هذا هو حال غالبية الشباب المصري شباب او فتيات وان حق هؤلاء علي المجتمع ان يلبي احتياجات هؤلاء المواطنين البشر وييسر لهم الطرق والمسارات الشرعية التي تتوافق مع ما يعتقدوه ويؤمنوا به ولا يضعهم في صراع بين ما يعتقدوه وما يرغبوه ونحن كاخوان ستجدنا مناضلين سياسيين وانظر الي سجون مصر لتعرف وستجدنا ناشطين ملتحمين بالشعب وانظر الي عدد الاصوات التي حصل عليها الاخوان في الانتخابات الاخيرة وستجدنا شركاء سياسيين علي مستوي عالي من الوعي السياسي وعندك الجبهة المشكلة من الوان الطيف السياسي تشهد بذلك

واما مشهد الاستاذ عادل امام في احدي افلامه ونظرته للمراءة فمن الغباء تعميمه علي الاسلاميين لان الاحتياج الجنسي ايها الفاضل لا يخص الاسلاميين فقط بل هو احتياج فطري عند كل البشر واطمئنك ان الاسلاميين اكثر المواطنين ضبطا لهذا الاحتياج واننا كاسلاميين نضع الامور في مواضعها الصحيحة فنحن نمارس حياتنا بشكل طبيعي جدا ونعمل وبمنتهي الجدية في اعمالنا وكذلك نعمل ليل نهار في نشر فكرتنا واظنك من اكثر الناس المتفقين معي في هذا الامر فالساحة لا يوجد بها سوي الاخوان وهذا امر احزننا جدا نحن الاسلاميين ان الرفقاء المناضلين انحسر دورهم في النضال من تحت المكيف واصيبوا احيانا بمرض يسمي المتاسلمين اعتقد انك سمعت عنه وتعلم من هو اكثر المصابين به ولولا الاشتراكيين الثوريين المجترمين وبعض الفصائل اليسارية التي تناضل حقيقة وبجدية كان اليسار المصري احيل الي المتحف المصري او تم تعيننه كاملا في مجلس الشوري وتمرير البعض منه انتخابا كما حدث بالاسكندرية

وقبل ان اختم معك هناك سؤال يلح علي بشكل دؤوب وهو انني اعرف الكثير من اليساريين وعندما عاملتهم وجدتهم بشر لهم احتياجاتهم واعمالهم ومشاغلهم ومشاعرهم الانسانية فهل انت من يسار غير بشري ام ماذا


نماذج مشرفة

كنت اتحدث مع احد الاصدقاء بالامس هاتفيا وكان مضمون حديثنا ان التعليقات تحمل الكثير من الاشكال الايجابية فهناك من اعترض وهناك من اتفق ولكن المعظم اجمع علي حق كل فرد في التعبير عن رايه وشخصه كما يحب وان ظاهرة المعلق المجهول انحصرت جزئيا وان الكل الان يعلق باسمه وهذا مؤشر جيد جدا ولكن مازالت السلبية التي يجب ان نتخلص منها جميعا هي ترك عالم النوايا لرب النوايا وعدم الاقتراب من خبيئة نفس كل واحد منا وان نحكم علي المعلن المعروف ونترك الذي تخفيه الصدور لمن يطلع علي ما في الصدور

عودة للتدوينة

كل ما سبق كان لا يتعلق بالموضوع الرئيسي للتدوينة ولكنه متعلق بالهدف والاسلوب العام للمدونة وبالتالي المدون واعتقد انني ساكتب من حين لاخر عن هذا الامر حتي نوضح ونبين لزائرينا الافاضل الهدف والغاية

الموضوع الرئيسي للتدوينة اظن ان الجميع متفق عليه والكثير منا يعاني منه كما عانيت انا منه ولكن ما فعلته هو التكلم عن المشكلة واحيانا باسلوب مستفز لبعض الزائرين وخاصة بعض الاخوان ويبقي لنا ان نتكلم في الحل وهذه مجموعة من النقاط اعتقد انها تصلح كمنطلقات للحل سواء لهذه الظاهرة او غيرها من الظواهر المجتمعية وهذه النقاط هي

تطوير خطاب الحركة الاسلامية وخاصة فيما يخص المرأة والتركيز علي تنمية المأة بشكل كامل بحيث تنشغل المرأة بقضايا كبري وهموم عليا وهذا الامر ينطبق علي الشباب ويكفي ما نراه الان من بنطلونات جينز ساقطة وفاضحة يرتديها الشباب

وكذلك يجب تنويع الخطاب كما اشار بحري بلا يتم التركيز فقط علي الحجاب ولكن الاهم منه مفهوم الحشمة وتوضيح الغاية من الامر الاهي بالحجاب وهو حفظ المجتمع من المثيرات المختلفة وليس اجراء شكلي يختصر في الايشارب او الطرحة

استخدام اسلوب جديد للتعامل مع قضايا المجتمع فلا يتم استخدام مسارات وقنوات الحركة الاسلامية فقط وخاصة في القضايا التي تجد اتفاق واسع المدي بين جمهور المجتمع ويكفي ان نذكر ان الفنانة اصالة انشات جمعية اهلية للحفاظ علي الحشمة لمواجهة موجة التعري التي ظهرت بالكليبات وارجوا الا ننشغل بمدي صحة منطلقها وغاياتها ولكن ما اقصده ان هناك قضايا من الممكن ان نتناولها بشكل متطور

فما المانع من انشاء جمعية اهلية هدفها الاول هو ايجاد وسائل للقضاء علي ظاهرة واجهات محلات اللانجيري عن طريق برنامج متدرج يبدا تعريفي وياخذ اشكال عدة وينتهي مثلا باصدار قانون يلزم تلك المحلات بعدم عرض تلك المنتجات بشكل علني وهكذا

واخيرا

يللا مش مهم

هناك ٢١ تعليقًا:

عصفور المدينة يقول...

هو فين التنين الدعوي المزعوم ده يا أستاذ
حطيت نفسك في موقف دفاع ضد تهم غير موجودة ولا أحد يزعمها أساسا
عامة الناس يعرفون الإخوان ولا يحتاج أحد إلى إيضاح بهذه الطريقة الكاشفة أن الإخوان هم بشر طبيعيون
بل إني أقول نفس الكلام عنا نحن السلفيين إن الإخوان يا سيدي وغيرهم لم يأتوا من كوكب آخر فهم يعيشون وسط الناس ويتفاعلون معهم اجتماعيا مع وضوح أنهم إخوان
ونشاطهم الاجتماعي يغني عن هذا الجهد إلا إذا كنت حضرتك بتدافع ضد الصور الكاريكاتورية التي يرسمها المغرضون من الإعلاميين فهؤلاء لا يساندهم أرضية شعبية تصدق ذلك ولكنها الملفات والتهم الجاهزة والجميع يعرفون ذلك
إننا لاندعو كفارا إلى أخلاق الإسلام إننا ندعو مسلمين أبناء مسلمين يعلمون أن الحشمة واجبة بدليل البنت اللي بتحاول تغطي ظهرها وهي نازلة
ويعلمون الحجاب ويعلمون في الأعم الأغلب شروط الحجاب والتي لا تعلم ذلك لن يعلمها معاناة الشباب بل قد يزيدها فيما هي فيه

فنبدأ بتقوية وازع الإيمان عندهم
ونكسوها بشر برضة بس بدون أن نلصق بأنفسنا تهما ليست فينا كما قد يظن البعض مش منهم أنا من تدوينتك السابقة

على فكرة أنا لم اكتب هذا التعليق اعتراضا على التدوينة السابقة لأني لم أكن معترضا عليها
بل أردت وقتها أن أذكر أننا لو أحسسنا بالغربة أحيانا فنصبر حتى نلقى ربنا
بل هذا التعليق على هذه التدوينة
أيدك الله
ويلا كل شيء ما خلا الله باطل

محمود سعيد يقول...

إكسيها بشر

هو ده بالضبط الأسلوب اللى مفروض نكتبه

لأن للأسف كثير من إخوانا بيخاطب الإسلاميين أو الإخوان بما يجوز مع العقلانين أو مع اليساريين أو مع أى فصيل آخر ويغفل حين يريد النصح لهم
أنهم مش هيفهموا إلا بلغتهم

وكذلك الخطاب لأى فئة أخرى لا بد أن يكون بنفس منطقهم

وبالتالى إذا أردنا أن نخاطب البشر كل البشر

لا بد أن نخاطبهم ببشرية
بإنسانية
بمشاعر وعواطف

محمد رفعت يقول...

أول مرة أحس غنك بتدافع يا أستاذ مجدي

يا عم نفض

هو احنا فاضيين
......

ويلا مش مهم

غير معرف يقول...

I think the comments in the previous blog has uncovered a lot of what is wrong in our dealing as a society - with it various factions - with those issues...

as for this one, imho, so far, i think u r on the right track...

غير معرف يقول...

السلام عليكم و رحمة الله و بركاته
انا قرأت التدوينة اللي فاتت ومقرأتش التعليقات عليها عشان كدة افتكرت حضرتك بتوضح تدوينة تانية انا مقرأتهاش لأن التدوينة دى بالذات كانت تحفة واسلوبها يجنن وبتعرض مواضيع مهمه فعلا و باسلوب محترم،
ولو ممكن استاذن حضرتك في اني اعلق على التغليقات عشان انااستفزني جدا موضوع مراعاة الأطر و القدوة واستخدام ألفاظ لا تخدش الحياء والكلام ده كله، لأن التدوينة أصلا كان موضوعها عن مشاكل متعلقه بالجنس ودة معناه ان الفكرة من أولها تتحرق بجاز سواء استخدمت ألفاظ كويسة أو لأ(طبعا لأن مواضيع زي دى متتناقش على مدونة بيدخلها بنات و أولاد والبنات هيتكسفوا يفتحوا المدونة و في حد واقف جنبهم (ودى طبعا وجهات نظر عندها حياء شديد ربنا يباركلهم فيه!!!!
واحب افكرهم أن القرآن ذكر في قصة امراة العزبز أنها راودته وقالت هيت لك وهمت به ، وماحدش يقدر يقول ان دة بيخدش الحياء او كلام مكروه حاش لله (من غير ماحد يتهمني اني بشبه حد بالقرآن، لكن أنا بس بابين انه مش حرام و لا مكروه ولاحاجة ، وانها بس عقد حطيناها بنفسنا وفرضناها عالحياء فرض) والأمثلة كتيرة من القرآن والسنة ....اما الكلام عن ان دى ذكريات وحكايات متخصش حد بالمنطق ده المدونة كلها متخصش حد،لكن الهدف من الحاجات دى اننا كل واحد يحاول يصلح منها على اد مايقدر ، وانا شخصيا عندي مشكلة كبيرة من موضوع محلات اللانجيري واعلانات المحلات وأكتر من مرة دخلت وكلمت اصحاب المحلات دى
انا اسفة اني طولت بس بجد موضوع الحياء عند كل اللي بينتموا لتيار اسلامي واللي مبيطلعش (الحياء يعني )غير لما يكون الكلام عن شيء متعلق بالجنس بيستفزني جدا ...

بنت من الإخوان ومن عيلة إخوان كمان

عصفور المدينة يقول...

السلام عليكم
أستاذ مجدي عدت لأؤكد أنني وكما قلت لا أنتقد التدوينة السابقة ولكن أطالب بحدود للقواعد التي وضعتها حضرتك لموضوع الكسوة البشرية

وثانيا لأؤكد على أن تأييد أي إنسان لحضرتك ومنهم أنا لا ينبغي أن يدفعنا لأن نقول لك
نفض أولا تهتم بالدفاع والإيضاح
لأن النبي صلى الله عليه وسلم المعصوم اهتم بأن يدفع سوء الظن عن نفسه وهو قدوتنا

بل إيضاح الإطار التي تصدر منه الكلمات والأفعال أهم من الكلمات والأفعال لأنه من قبيل التأصيل سواء اختلفنا أو اتفقنا حول هذا التأصيل ولكنه يبقى هاما للفهم الصحيح للكلام

bahry يقول...
أزال أحد مشرفي المدونة هذا التعليق.
Strong80 يقول...

نرجع مرجوعنا يا عم إكساوى
عرفتلك النهاردة محل بيبيع مانيكان لو عايز لوكشه تتفرج عليها همه خدامينك يعنى لو عايز المانيكان لابس بادى زى ما بتحب اى جنز زى ما بتفضل همه تحت امرك وحط خط تحت تحت دى والنبى
ايه الكلام يا إكساوى... اكلمهوملك يا إكساوى..
وكمان فى موقع بيساعدك لو عايز انت تصمم المانيكان يا جامد بس انت قول
www.manikan maiker.xxx
وعلى طول بيبعتولك استمارة تبين فيعا رغبتك فى التصاميم ... يعنى ايه اللى انت عايزه من المانيكان بالظبط وهمه بيفهموك وانت وشطارتك بقه يا اكس.
وفى مجلة متخصصة فى عروض الانجيرى جامدة موت اسمهاlan jer nafsek
معلش هى اجنبية شوية بس انت اسعى وراها يا إكساوى واللى يسعى يجيلة مسعاة..ويلا مش إكساوى ..
وعلى فكرة هرجعلك تانى باعلانات مهمه للموضوع ده

Strong80 يقول...

على فكرة يا إكساوى يا مولع نار انت موضوع لإلغاء محلات اللانجيرى ده او إخفاءها
ده موضوع نفسى بيزول اول ما تتجوز انت بس بتكون الامور واخده حدها بزياده معاك شويه لاكن اطأن الموضوع مش هيشغلك ابدا بعد الجواز لا ده هيعكننك لانك هتدفع فيه فلوس وانا عارفك الدفع ده بيضايقك
ويلا مش xxxxxxxx

يلا مش مهم يقول...

الفاضل بحري
اسف لحذف التعليق وكنت اخذت علي نفسي عهد بعدم حذف اي تعليق ولكن من الافضل ان يحذف لان
" افتان انت يا معاذ"
وانت تعرف ما اقصد تماما فالتعليق ممتاز الا ما اشرت اليه
ولك مني كامل الاحترام والتقدير
ويللا حصل خير

علي عمرو يقول...

بسم الله
جميل جدا تعبير التنين الدعوي فعلا احنا ساعات بنعيش في اوهام مالهاش اي علاقة بالواقع
.................
ياريت ياجماعة نشارك في حملة اخونا شاب مصري "اللهم بلغنا رمضان"ي
http://shabmasrey.blogspot.com/

ahmed abo eldahab يقول...

أولا لبنت من الإخوان ومن عيلة إخوان كمان

ربنا يكرمك انتي والاخوان اللي من عيلتهم وربنا يرزقك ما بعد الاخلاص

انا الصراحه بستعجب من كلامك عن سورة يوسف والكلام اللي اتقال في التدوينه اللي شويه شويه تبقى اكسات بجد

يابنت الاخوان اتعلمنا من الاخوان المسلميييييييييييين-مش الاشراكيين ولا العلمانيين على رأي الأخ سيد نزيلي- ان قبل اي عمل نحط نيه وهدف ليه

عايز اعرف بقى زودت ايه التدوينه ولا نقصته ما احنا الكلام ده بنشوفه نعمل ايه يعني نجمع فلوس لاستاذ مجدي نجوزه ولا نجيبله مرايه علشان يعرف يشوف لبسه وشكله

لو وزنا كلامنا ووزنا اعمالنا ربنا كفه مين هتنزل العمل ولا الكلام

أما بخصوص التدوينه الجيديده فكانت راااائعه يا استاذ مجدي وخصوصا لما رديت على الاشتراكي للابد

زي ما بيقول الدكتور عصام العريان انا سئمت من الرد عى رفعت السعيد

نقفس الكلام سئمنا من الرد على الاشتراكيين اللي عايزنها تبقى خضرا من غير دين بقى وبلاش نزود


وجزاكم الله خيرا

اللهم ارنا الحق حقا وارزقنا اتباعه وارنا الباطل باطل وارزقنا اجتنابه


قد رشحوك لامر لو فطنت له تربأ بنفسك ان ترعى مع الهمل

وائل_صح ولا غلط_ يقول...

اولا :جزاك الله خيرا يا استاذ مجدي علي التدوينتين بجد جامدين جدا

ثانيا:بالنسبه للمعلقين
الفكر لايغير الابالفكر ودي كلمه كلنا عارفينها

فكل واحد حر في رأيه ومن حقه يقوله بس من غير تجريح في الشخص الاخر لان ده مش سلوك شخص مسلم وبالتالي مش سلوك شخص ملتزم وانت ماترضاش لنفسك ان حد يشتمك ويتهمك اتهامات مالهاش اساس من الصحه ومعتمده علي الظاهر بس
فبلاش الاسلوب السئ ده في الرد وخلينا نغير فكر اللي قدامنا بفكر زيه مش بشتيمه والفاظ سيئه واتهامات

والحاجه التانيه ان استاذ مجدي لما يكتب عن حاجه زي كده اكيد همه انه يحل المشكله دي واللي هو شايف انها موجوده عند كثير من الشباب يعني من الاخر مش بيكلم عشان نفسه بس فبلاش التفسيرات الغريبه اللي بتتكلم عن الكبت والشهوه وانه واقع وحالته صعبه فعلا كلام مالوش اي لازمه وربنا هايحسبكوا علي سوء الظن ده

بالنبسه للتدوينه
فانا متفق تماما مع استاذ مجدي في الموضوع وانها مشكله حقيقيه في مجتمعنا بس ليا اعتراض علي بعض الالفاظ وكنت شايف انها لازم تتبدل وهما تقريبا اربع الفاظ فقط وبرده في حاجات مش بتكون في حياتنا بالشكل المبالغ فيه ده
بس في الاخر الكلام ده اتعرض في التعليقات اللي فاتت واستاذ مجدي ماخدش بيه فده برده حقه لانها مدونته واحنا بننصح فقط


وعندي اضافه في موضوع حل المشكله دي اللي اتكلمت عنه يا استاذ مجدي بس هاقوله في وقت تاني عشان انا كده طولت اوي واتاخرت اوي اوي

الكواكبي يقول...
أزال أحد مشرفي المدونة هذا التعليق.
غير معرف يقول...

ياااه...
كتير ممن ارتضوا الاسس الاسلامية لمنهج حياتهم ...في عندهم قصور في تعاملهم مع مجتماعتهم بشكل كبير دي حتى حياتهم مش عارفين يتعاملو معاها...يعني يغلب على نظرتهم التعالي على الآخرين..وإن الشعوب دي مجموعة من القصر أوالمراهقين فاقدي التوجيه..دول حتى حصروا التوجيه في بعض القضايا الساذجة سحبوا وراها الناس إلي للأسف وثقت فيهم من غير تمييز !!
ويفتقدوا لحس إحترام الآخر عموماً وده نابع من إحساس كل واحد إنه سيد العارفين ...
ما كل واحد يسيب التاني يقول إلي هو عايزة هي هتخرب أكتر ما هي خربانة...ولا الكل اشتغل محلل وواعظ...وكله بيطلع عقده على كله من غير تمييز ولا حتى لحظة تفكير او تأمل..
ونصيحتي ليك يا مجدي...قول كل إلي في نفسك فيه من غير تبرير أو خوف.. دي مدونتك الشخصية وانت حر فيها..مش مدونة وعظ ولا منبر في جامع !!

عمر أفندى و أبووه يقول...

شاطر يا قط ...كده نقدر نقول عليك متحرر صحيح...

حاجة تجن و الله

زى ما بيتكلم لازم يسمع يا استاذ قط والا هيبقى ماشى متعمى و موش شايف قدامه...حد ماسكه...ميكتب ...لكن كمان موش عايزة يستمع للنقد و الراى الاخر

bahry يقول...

الاخ العزيز مجدي
اولا انا مش زعلان ولا حاجة انك شلت التعليق
لاني انا عطيتك الحق دا
ولاني عارف انه صادم جدا لناس كتيير
بس الكلام كان من صحيح البخاري
وسيرة ابن هشام

والحقيقة يا مجدي دي من اكتر الحاجات اللي الواحد ميتفقع من الاخوان بسببها

وهي اسف يعني مداهنة التيارات السلفية والمتطرفة في الفهم
والحجة الابدية أفتان انت يا معاذ

يا أخونا

أنتوا ليه مش عايزين تفهموا ان دعوتكم ديه عالمية وشاملة

ولازم معايركم تكون مناسبة لكل البشر

هو من الاسلام دا مناسب لكل زمان ومكان برضه ؟

اه في ناس تقدر تحط معايير التزام قاسية وتغطي البصر ولا تستثار من منيكان عريان - مش عارف ازي صراحة - ولا تسمع اغاني ولا تري افلام وتصوم النوافل وتقوم الليل

بس السؤال الهام

ينفع كل البشر يعملوا كده؟؟؟

ينفع ييجي وقت المجتمع يبقي كده؟؟

دا حتي في عصر النبي لم يحدث

كان في سارقين وزناة وخونة ومتقاعسين عن الجهاد

فلازم تقدموا نموذج حضاري يستوعب الناس كلها مش إطار جامد لا يستوعب إلا نسبة ضئيلة من الناس
أنا بتكلم عن العالم مش مصر بس

تعرفوا أن نجم الدين أربكان لما رشح نفسه في انتخابات أسطنبول كان بيزور بيوت الدعارة ويكلم الداعرات عن برنامجه الانتخابي وازاي الاسلام بيحترم المرأة

تعرفوا ان أردوغان من 3 شهور مستقبل ملكة جمال تركيا في المطار؟؟
حد فيكوا يعرف ازاي حسن البنا بدأ دعوته؟؟

في مواخير الاسماعلية التي كانت تعج بالانجليز

الكلام كتير بس يلا مش مهم

ارجو يا مجدي انك تسمع جميع الاراء وتناقشها بهدوء بس لا تتراجع علشان منظرك او احراج او علشان اخ خدش حيائه او اخت وشها احمر

التراجع يكون بالاقتناع وليس بالابتزاز العاطفي

واحنا كنا بنحبك ونقدرك وعملينك رمز

دا اسمه ابتزاز

مش حوار

سلام بقا
بحري
من اسكندرية

الكواكبي يقول...

بص يا مجدي اللي انا كتبته في التعليق ده كان مجرد محاولة اني اخليك تبص للموضوع من زاوية مختلفة مينفعش انك تاخد لنفسك حق انك تتكلم عن اللي انت عايزه براحة وحرية ولما حد يبدأ يستخدم نفس الحق ده تغضب وتزعل وتبدأ توسط ناس علشان اشيل الجزء من التعليق حفاظا علي صورتك رغم انك لا تحافظ علي صورة حد لا فرد ولا جماعة
انا كنت ححذف التعليق
اولا : اكبارا احتراما لكل الاخوة الافاضل اللي اتصلوا من السودان واسكندرية والقاهرة بعد ما انت وسطهم وحقهم عليا اني اسمع كلامهم لان اللي بيني وبينهم اكبر من أي عند أو مواقف شخصية
ثانيا : علشان ميجيش في بالك لحظة ان اللي انا كاتبه ده ضد مجدي الصديق بالعكس ده معاه ضد مجدي اللي انا شايفه دلؤتي بيتخبط بشكل فظيع ويتنقل بين خطابات متناقضة
بس واضح انك مستحملتش اكتر من كده وحذفت التعليق وده حقك بس استخدامك للحق ده بيهدم أي كلام انت بتقوله أو بستخدمه للترويج لنفسك
و سلام يا صاحبي

غير معرف يقول...

للأسف أنتم أنتم لن تتغيروا أبدا كنت أحسب أن هذا الجيل الجديد من الاخوان المدونين بصفة خاصة يعرف كيف يحترم من يخالفه الرأي ولا يسخر أو يغضب ممن ينتقده ولكن للأسف أنتم أنتم مهما تغيرت الأجيال ومهما اختلفت الأشكال
الاستاذ الحر المتحرر الوسطي مجدي سعد زعلان مما كتبت ويسخر مني رغم أن الأمر ليس فيه لبس لكل من يراه وهو أن هناك شاب مكبوت يعبر عما بداخله ليس أكثر من ذلك ونحن اليساريون لسنا ملائكة ولكننا صرحاء مع أنفسنا أنا متحرر للغاية وأصادق الفتيات وأكثر من ذلك
ولكنني لا ألبس ثوب الداعية ولا أتمسح في الدين وأنا معترف ولا أخجل مما أفعل
أما مشكلتكم أنكم ربما تفعلون أكثر مما أفعل أنا ثم ترتدون ثياب الوعظ والارشاد ، بدليل أخوكم مجدي عاشق قمصان النوم والمانيكات وظهور فتيات الميكروباص وحتي عندما يصيغ تدوينته يكتبها بأسلوب كأنه ساخط علي هؤلاء
اذن فلماذا ينظر لهم؟؟
ولماذا لا يجاهد نفسه كما علمه الاخوان
والأكثر سخافة من ذلك أن كل جمهور المدونة والمعلقين فيها من الاخوان او من القريبيبن من الاخوان
انتم لغاية امتي هتكلموا نفسكم ؟
انتم لغاية امتي لن تعترفوا بالأخر؟
انتم لغاية امتي هتفضلوا كدا؟

غير معرف يقول...

الى يسار للابد

لو بنتمسح بالدين وبنلبس العبايه

انت بتعمل ايه لدينك وللعبايه اللي
بتقول عليها

ولا هو اي حد يقول دين نعمله ولام ومش لازم يغلط

يعني نبقى كفار ونعمل اللي عايزنه

بس هقولك ايه مش عارف

لو هتفهم كنت قولت انا مش بشتمك لا سمح الله
لكن من كلامك كله بان اسولبك وانك قافل دماغك وهما كلمتين عارفهم وبتقولهم كل تعليق
ان الاخوان ناس ولاد ستين في سبعين لانهم لابسين عباية الدين

ولو مشيو مع بنات وقضوها يبقو بشر كويسين وهيدخلو الجنه


وربك رب قلوب مش رب مظاهر


ربنا يهدينا ياعمنا

وممكن نبقى نعمل جماعة الاخوان الروشين المنحلين

MoHaMmAd يقول...

أستاذ مجدى ...زاد الله من أفراح الاخوان ...قول آمين ...عايزك تيجى مدونتى شوف لقائنا بــ د. ابراهيم الزعفرانى