الأربعاء، سبتمبر ٢٦، ٢٠٠٧

سلي صيامك 2


عن أبي هريرة رضي الله عنه أن رسول الله صلى الله عليه وسلم قال: "ينزل ربنا تبارك وتعالى كل ليلة إلى السماء الدنيا, حين يبقى ثلث الليل الآخر فيقول: من يدعوني فأستجيب له, من يسألني فأعطيه, من يستغفرني فأغفر له" (رواه البخاري ومسلم)
قريت الحديث اللي فات ايه رايك فيه
اكيد اتهزيت
اكيد فرحت
اكيد ندمت
طيب تعالي اقولك علي حاجة ممكن تعملها في قلب الليل وجربها وصدقني هاتدعيلي
في قلب الليل
حاول تقوم قبل ما الناس اللي عندك في البيت يقوموا يتسحروا هتلاقي الشقة هادية والنور خافت وممكن تسمع صوت الصمت لو حبيت
دور علي مكان مفيهوش حد وياريت يبقي اوضة ليها باب
روح اتوضي واطلع البس لبس مناسب ولو عندك اي عطر حط منه وادخل الاوضة الفاضية واطفي النور واقفل الباب
اقف استعداد للصلاة وقبل ما ترفع ايدك بتكبيرة الاحرام راجع نفسك وفكرها هي هاتقابل مين وفكرها انه دلوقتي في السما الاولي نزل مخصوص علشانك ايوة علشانك تخيل معايا ان الملك بينزل لعبيده ويطلبهم وانك دلوقتي هاتقف بين ايده
ارفع ايدك بتكبيرة الاحرام واقرا بصوت هادي وببطء ومطولش في صلاتك بس عيشها وتخيل نفسك انك واقف قدام عرشه وان مفيش كتير واقف زيك لانك مش في الصلوات الخمس وانه بيباهي بيك ملائكته وانه بيذكرك في نفسه وفي ملأ خيرا من ملأك
لما تركع استشعر انك بتنحني امامه ولما تسجد استشعر ان وجهك لمس التراب تذللا وتقربا له وطول في سجودك ومتقلش اي حاجة خالص استشعر فقط احساس انك عبد وانه الملك وان سجودك وذلك وانكسارك هو للملك وساعتها هتلاقي نفسك بتزيد رفعة وعزة وقوة لانك عبد له
خلصت الركعتين وسلمت قدامك حاجة من اتنين
لاما تقعد في مكانك وتحط راسك بين ايديك وتخفضها او انك ترقد علي جنبك ايوة ارقد علي جنبك زي ما المريض او المصاب او صاحب الفاقة الذي لم يملك طوله وخارت قواه وارتمي علي الارض يطلب العون والرحمة
ابدا اذكر ربك باسماءه الحسني
بس ليا طلب عندك اذكر الاسم ببطء وافتكر مع كل اسم تذكره المواقف والاحداث اللي مريت بيها في حياتك تاكدلك الاسم ده
يعني
لما تقول ببطء يا رحمن وتكررها افتكر مواقف الرحمة الالهية اللي مريت بيها قبل كدة
ولما تقول يا ستار افتكر ذنوبك اللي عملتها بعيد عن الناس وغدرات نفسك اللي انت نفسك بتخجل من نفسك لمما تتذكرها وافتكر ازاي هو سترها عليك ومفضحكش علي الرغم من انك استهنت باطلاعه عليك
ولما تقول يا غفور افتكر كام مرة اذنبت وقلت هاتوب ومش هارجع تاني وبعدين ضعفك البشري وشهواتك تكسر ارادتك وتذنب نفس الذنب مرة تانية وهو يغرلك في كل مرة ويسامحك
ولما تقول يا رزاق افتكر لما تتقطع بيك الاسباب وبيعجز كل فعل وكل واسطة وكل توصية وكل مهارة وكل كفاءة عن تحقيق طلبك وبعدين تلاقي رزقه جايلك من ابعد مكان كنت تتخيله
ولكا تقول يا ودود كررها كتير واستشعر قربه منك وحنانه عليك ووده وعطفه وكرمه وتدليله ليك وافضل قول
يا ودود يا ودود يا ودود
وسيب دموعك تجري علي وشك سيب جلدك يقشعر من الاحساس بالقرب منه والوصال بيه وسيب قلبك يدق ويتنفض من احساسه بيه
الله
الله
الله
افتكر لحظتها انه نزلك مخصوص وبيطلب منك انك تستغفره مع ان هو مش عايزك انت اللي محتاجله
افتكر لحظتها انه بيطلب منك انك تدعي علشان يستجيب ليك تخيل ان الملك بيطلب من عبيده وهما اللي محتاجين
افتكر لحظتها انه عاوز يعطيك بس انت اساله
اقولك علي حاجة
متطلبش ولا تستغفر ولا تدعي
يكفيك القرب منه
ووصاله
ووده
وهو اعلم بيك من نفسك
واعلم بحاجتك وطلبك
وهايحققها ليك لما تقرب منه
واعلم بذنوبك وغدراتك
وهايغفرهالك
وكل ده
في قلب الليل
ويللا الحمدالله

هناك ١٥ تعليقًا:

ومضات .. أحمد الجعلى يقول...

اللهم انك عفو كريم تحب العفو فاعف عنا وتقبل منا

يارب لا تجعل ايام رمضان تمر دون ان تغفر لنا وتقربنا اليك وترزقنا حبك

الـفجـريـــة يقول...

أ.مجدى

هذه التدوينة لا استطيع ان اعلق عليها سوى بـ
جزاااك الله خيرا

----
يا ربى لك الحمد انك انت ربنا

غير معرف يقول...

انا واثق انك مش هتنشر تعليقي دة
بس ممكن سؤال
هو ربنا هينزل في الثلث الاخير من الليل بتوقيت انهي بلد لو سمحت
عشان لو كان الحديث صحيح هتلاقي الله سبحانة وتعالي طالع نازل طول ال 24 ساعة

إيمــــان ســعد يقول...

جميل يا مجدي

أمّن يجيب المضطر اذا دعاه و يكشف السوء

تحياتي

همسة قلم يقول...

شكرا جزيلا لك

نسأل الله العفو والعافية

اللهم رضاك .. وحسن لقاك

غير معرف يقول...

صاحب تعليق غير معرف
أنت أحقر من أن يردك عليك إنسان
انت بتستهزأ بمين يا بنى آدم
باللى خلقك

اعرف مقامك الحقير واعرف انت بتتكلم عن مين
يا أحقر خلق الله

غير معرف يقول...

باعتذر عن كلمة
يا أحقر خلق الله
بس انت خرجتنى عن شعورى من كلامك يا أخى
أين التأدب مع الله
لا يصح ان احنا نقعد نسأل عن غيبيات معينة لا يعلمها إلا الله
عقلنا له حدود معينة مينفعش نتخطاها
وإلا سنخطئ فى حق الله سبحانه وتعالى
أسأل الله لى ولك الهداية
وأعتذر لك عن الكلمات التى قلتهامن غير ما اتحكم فى اعصابى
غفر الله لى ولك
وهدانا وإياك إلى الصراط المستقيم
وأكرر اعتذارى

أمين المكتبة يقول...

ايوووووووه ياجدع

مكنتش اعرف يا ميجو انك عالي قوي كده في الايمانيات .. بتفكرني بصاحبك أنس تشوف هياسه متشفهوش عالمنبر .. بس بجد كلمتين جامدين قوي .. علوا معايه قوي .. ربنا ما يحرمنا من كلامك يا ابو المجاميج

شذى مولوتوف يقول...

جزاكم الله خيرا كثيرا

وليا طلب

نسالكم الدعاء

انا مش بتفلسف علي فكرة يقول...

والله ياستاذ مجدى مش هقول غير جزاكم الله خيرا خاطرة ولا احلى والله وان شاء الله ربنا يجعلها فى ميزان حسناتك واحلى حاجه فيها الخاتمة بتعاتها اللى هي للالله الحمد

ا بـن عــمــر يقول...

جزاكم الله خيرا
جأت فى وقتها
سأفعل
الان
والله سوف أضع
link
له عندى
فى أول
بوست

ا بـن عــمــر يقول...

قرأت تعليق عندك
وأحب أرد عليه
أقول الذى خلق الارض والسماوات
وتعهد الجنين فى بطن أمه
وأعطاك ملاين الخلايا التى يتحكم فيها هو وحده

أعطاك قلب لاتستطيع إيقافه والرئتين

أعطاك معده تميز الطعام
أعطاك عقل فبه ملياران الخلايا
هل رأيت عقلك
هل تعرف ما فيه من قدرة الله
وتقول ما تقول
يا هذا
الارض جميعا قبضته يوم القيامه والسماوات مطويات بيمينه
يتنزل كيف يشاء
لا تشبيه ولا تمثيل
ليس كمثله شيئ
سبحانه وتعالى عما يصفون

آن الأوان يقول...

السلام عليكم

مع انى كنت عارفه ان هو ده الحل للى انا فيه بس ماكنتش بعمله

جزاك الله خيرا

Wish I were a Butterfly ... يقول...

سلام عليكم

جزاكم الله خيرا على البوست الجميل أوي أوي دة.

كلام كلنا عارفينه كويس جدا... بس فعلا دايما محتاجين تذكرة أكتر.
حقيقي جزاكم الله خيرا ، و ربنا يتقبل منك و ينفع بيك المسلمين دايما

أحلى حاجة بأة في الموضوع :) هي "يللا الحمد لله" بدل يللا مش مهم المرة دي. بجد جامدة :D

doaa nile7 يقول...

قعيه في تنظيف وترتيب منزلك لكي لاتقع في العديد من المشكلات في تنظيف غرفة معينه
يجب عليك ان تفكر في قدرتك الفعلية في تحقيق تلك الخطط التي تكتبها في جدول التنظيف شركة تنظيف بالاحساء
وتضع وقت التنظيف في الايام التي تملك فيها الطاقة الازمة وايضا وقت فراغ مناسب لتنفيـذ خطط التنظيف واذا كان يقيم معك اسرة فمن الممكن ان تضع لكل فرد في الاسرة ان يقوم بعمل مهام معينة في خطة تنظيف المنزل افضل شركة تنظيف بالقصيم
ضع 3قوائم في جدول التنظيف شركة تنظيف شقق بالدمام
اول قائمة تكون قائمة شهرية والثانية تكون قائمة اسبوعية والثالثه تكون يومية شركة تنظيف منازل بالرياض
القائمة الشهرية تضع بها اعمال التنظيف الشهرية مثل غسل المفروشات وتنظيف داخل الادراج
القائمة الاسبوعية تضع بها اعمال التنظيف الاسبوعية مثل تنظيف الثلاجة واعادة ترتيبها وتطهيرها شركة تنظيف شقق بالرياض
القائمة اليوميه التب يمكنك ادراج المهام الصغيرة بها حيث تتطلب الي تنظيف يومي مثل مسح الاسطح وتنظيف ارضيات المطبخ والحمامات تنظيف شقق و فلل بالدمام
ومن الممكن ترتيب مهام التنظيف علي حسب الغرف تقوم بتنظيف جميع حمامات النزل في يوم مثلا واليوم التال تقوم بتنظيف مفروشات الغرف واليوم التالي تقوم بتنظيف اسطح الطاولات وازالة الغبار من على الارفف الخشبية شركة تنظيف منازل بالدمام
وهكـذا فانت تقوم بتنظيم وقتك ومهامك اليومية باسلوب سهل ورائع
*********