الخميس، سبتمبر ٠٦، ٢٠٠٧

اللي حصل بقي


المكتب فاضي والموظفين مشيوا

والساعة بقت ستة ونص

وقعدت قدام مكتبي وفتحت اللاب توب وحطيت الموبايل علي يميني

وقررت ادون

بس ملاقيتش ليا نفس خالص اني ادون

قلت لا لازم ادون

هادون ولو هاكتب اي حاجة حتي لو مش مقتنع بيها

وبدات اكتب تدوينة بعنوان " دمعة "

وبعد اربع سطور لاقيت نفسي بكتب حاجة مش حاسسها

فقفلت اللاب توب ورحت المطبخ فلاقيت رغيف عيش ناشف كلته وشربت مية ورحت مكتبي واخدت موبايلي وقررت امشي

وبعدها قلت طب ما ادون عن اللي حصل

واللي حصل

اني ماليش نفس ادون

بجد مش عارف ليه

يمكن مشغوليات

يمكن علشان مش حاسس برمضان وده قارفني جدا

بجد مش عارف

بس عامة انا دونت باللي انا حاسه

واللي حاسه

اني مش عارف ادون

وده اللي حصل بقي

ويللا مش مهم

هناك ٢٠ تعليقًا:

غير معرف يقول...

مالك يا أستاذمجدي مسودها ليه
انا هاقولك أنا برضه دخلت النهاردة قلت اشوف استاذ مجدي وتدوينة جديدة عن محجوبين جداد ولكن طبعاً ملقيتش علشان كده ملقيتش ليا نفس أعلق س قلت هأعلق اشمعنى استاذ مجدي دون وهو مخنوق ويلا مش مهم

حلم الحرية يقول...

ممممممم

واضح ان حالة الزهق التدويني بدات تنتشر

حاليا انا مواطنة مصرية صالحة حسب تعريف حضرتك للمواطن المصري الصالح

مليش نفس اعمل اي حاجة

ولا اكتب اي حاجة

انا مش عارفة المواطنين المصريين الصالحين ساكتين علي نفسهم ازاي

ربنا يعدي الفترة دي علي خير قبل ما يجرالي حاجة



ويعدي الفترة دي علي خير لحضرتك وتعرف تدون ...
بانتظار تدوينات جديدة بنفس قوة سابقيها

ويللا مش مهم

عصفور المدينة يقول...

علمني أحد إخواني من زمان دعاء وهو مأثور لم أستطع التوصل هل هو عن علي بن ابي طالب أو غيره ولكن ذكره الجاحظ في مقدمة كتاب له

اللهم إني أعوذ بك من السلاطة والهذر والعي والحصر

والمقصود هنا هو العي وهو الحالة الموصوفة ومعاها شوية حصر وهو ضيق الصدر

غير معرف يقول...

بتحصل كتير

بس هوه اظاهر يا أ.مجدى ان دى حالة منتشرة وانا داخلة دلوقتى وبقول هتلاقى هنا تدوينة جديدة وبأوعد نفسى بقراءة ممتعة

وبقول لنفسى من مزايا التدوين انك اذا بقيتى بتكتبى حاجات مش عاجباكى بتلاقى عند الباقيين حاجات تانية

بس عموما هيه حاجة طبيعية ان الانسان يفقد طاقته لشيئ معين او احساسه بس المهم ميطولش

اما بالنسبة لرمضان..فطبعا عدم الاحساس به مشكلة..لكن المشكلة الاكبر اذا حسسنا نفسنا ان فرصة الاحساس به انتهت

ربنا يكرمنا جميعا

محمد يقول...

ربنا يكرمك وييسر لك أمورك

والله هو إنك تستطيع أن تعبر عما بداخلك نعمة

وفعلا إنت عبرت عنه ووصل لنا

ربنا يعينك ويفرج عنك ما أنت فيه

أهم شيء لا تغيب عنا كثيرا

إيمــــان ســعد يقول...

خير

انا بقه حاسة ان الجانب المادي او الاقتصادي بقه طاغي على حياتي اوى غصب عني

لدرجة ان مبقاش عندي مساحة في داخلى للروحانيات لانها تحتاج لطاقة نفسية غير متوافرة حاليا

انت قرفان ان رمضان ح يجي و انت مش حاسس به

انا بقه مرعوبة

حاسة انى باتحول لمكنة تدريجيا

او شخصية ذات بعد واحد مادي

ربنا يعافينا جميعا من هذا

عموما لا زال هناك أمل ان يدفعنا قلقنا هذا من قرب رمضان و اننا لم نستعد له

ان نستثمره جيدا في محاولة لتعويض ما فات

و ان يكون بداية لمرحلة افضل

تحياتي

حسام مراد يقول...

ياه ده اللى حصلك ده تقريبا بيحصل لكل اللى بيدونوا
ومنهم انا
يا عم فكك وان شاء الله خير والفتره الزهق والملل دى تعدى وتحس برمضان ويكون مغفره ليك وللامه الاسلاميه كلها ان شاء الله
وكل سنه وانت طيب

ومضات .. أحمد الجعلى يقول...

ربنا يكرمك يا استاذ مجدى ويمن عليك وعلينا بقلوب جديدة مهياة لاستقبال رمضان بعد كل ما يعلق به على طول العام من ران


وبعدين ما تتقلش علينا كده، يعنى تتاخر فى التدوين وبعدين جاى فى الآخر تقول لنا كلت رغيف عيش ناشف؟؟
ليه يعنى مفيش فى الشارع بتاع المكتب بتاعكم مطاعم؟؟ ده كل المطاعم عندكم هناك

فى انتظار جديد ومفيد والا هاقود ثورة لمقاطعة المدونة
(:

شقاوة شعب يقول...

واضح ان فى طيف زهق معدى على شعب
المدونين

لانى بجد والله فى نفس الوقت اللى كنت بادخل على مدونة حضرتك عشان الاقى جديد
كنت بكلم ابن خالتى "أبو ميسون" عشان اقله انى مش عارفة اكتب ايه جديد فى المدونة وماليش مزاج اكتب
قالى اكتبى " مافيش جديد" ولاقيتها فعلا فكرة ان شاء الله اكتبها قريب

اما بقى رمضان
فربنا يسترها معاااانا
لحسن لو دخلنا بالمنظر ده يبقى مافيش حاجة هيكون لها قيمة

ياااارب دخلنا رمضان وانت راض عنا
وخرجنا منه معتوق رقابنا

غير معرف يقول...

ربنا يوفقك يا مجدى يا بن سعد وتدخل رمضان وانت فى احسن حال
واحد مشفتوش من 30/7/2006

غير معرف يقول...

ربنا يوفقك يا مجدى يا بن سعد وتدخل رمضان وانت فى احسن حال
واحد مشفتوش من 30/7/2006

غير معرف يقول...

الأستاذ مجدي...دعوه خاصه لك ولكل الشرفاء... للمشاركه في مدونة يلا نفضحهم علي الرابط :
http://yallanefdahom.blogspot

أندلس يقول...

أنا كنت مقررة إني مش هعلق هنا غير لما تدويناتك تفتح شويا من السواد دة..بس بما إنك ظهرت وعلى الأقل علقت تعليق مفرح شويا عندي يبقى لازم نشجعك..
استمر استمر

bahry يقول...

ومين سمعك
والله عندك حق

بحري

همسة قلم يقول...

الفرق بين التدوينة دي واللى قبلها خط رفيع بيفصل بينهم

اخيرا دونت
واللى حصل بقى

سبحان الله

طيب في انتظار تدوينات جديدة وكتيرة منك يااستاذ مجدي ورمضان كريم

غير معرف يقول...

اقعد مع نفسك
وراجع نفسك
اكيد انت محتاج لكده
وربنا يفك كربك ويصلح حالك وحال المسلمين
رمضان كريم

عبدالله يقول...

يالا مش مهم
:)

دكتور حر يقول...

اللهم اني اعوذ بك من الهم والحزن
وأعوذ بك من العجز والكسل
وأعوذ بك من الجبن والبخل وأعوذ بك من غلبة الدين وقهر الرجال

بما انك بتقول انك من الاخوان
يبقى اكيد حافظ الدعاء
وفضله

يبقى مفيش مشكله

وأهم حاجة تركز في رمضان

غير معرف يقول...

يمكن لما تعرف انك لما بتدون لنفسك بتدون لناس تانية انت مش شايفهم و لا عارفهم و يمكن بيخوشوا و يتابعوك من غير مايعلقوا يجيلك نفس تدون.
يمكن لما تعرف ان التدوين كلام ناتج من افعال بيحوطها و يتخللها احساس القلب يجيلك نفس تدون .
يمكن لو جددت النية في تدويناتك لنفسك عشان تنفع بيها نفسك و بالتالي تنفع بيها غيرك و انت مش واخد بالك يجيلك نفس تدون.
يمكن لما تعرف اني بفرح بفرحك و بزعل بزعلك و ببأي مطمن عليك كل لما اخش و الاقي كتاباتك رغم انك متعرفنيش و لا انا اعرفك يجيلك نفس تدون.
عارف لما تحس بناس انت مش حاسس بيهم و لما تشوف ناس انت مش شايفهم ولما تعيش مع ناس انت مش عايش معاهم هيجيلك نفس تدون و عمرك ما هتقول ساعتها يلا مش مهم.
يمكن............
عارف...........
دون بقي لو سمحت يا استاذ مجدي. و دون علي رحتك بالأسلوب اللي يريحك بس دون و متقولش علي تدوينك كمان يلا مش مهم.

صانعة الحرية يقول...

السلام عليكم
والله بتحصل مع الكل
بس عجبنى اوى ان حضرتك لغيت موضوع دمعه لانك مش حاسه
وفضلت تكتب اللى حضرتك حاسه
ويلا مش مهم
المهم بقى
ادعوكم للمشاركه فى حملة معا من اجل حرية المعتقلين
http://sona3al7iah.blogspot.com/2007/09/blog-post_08.html