الأحد، سبتمبر ٠٩، ٢٠٠٧

اشتكي مدون فتداعوا له بالسهر والحمي


عامية وانا في منتهي الاسف لوصية الامام البنا " اجتهد ان تتكلم الفصحي " وربنا يسامحني

شكرا

انا كدة كدة كنت عارف اني هاخرج من حالة الزهق التدويني اللي كنت فيها لان مفيش حاجة بتقعد علي حالها وربنا كريم بس الامر الجميل هو مشاركاتكم وتعليقاتكم اللي كانت عامل محفز ودافع في منتهي القوة للخروج من الحالة اللي كنت فيها وهاوجه الشكر لكل من علق ودفع وحفز " علاء الحسيني - حلم الحرية - عصفور المدينة - الفجرية - وضاح - ايمان سعد - حسام مراد -الجعلي حبيب قلبي - شقاوة شعب - غير معرف - هيثم ابو خليل - اندلس - بحري - همسة قلم - غير معرف - عبدالله - دكتور حر - ادهم " بجد كلماتكم كانت اكبر محفز للخروج من الحالة المملة اللي كنت فيها

شكر خاص


الفجرية


علي مشاركاتها وتعليقاتها التي تشعرني دائما ان الامل موجود وتؤكد انها تمتلك شعلة من الامل والاصرار والمقاومة لا تخبو ولن تنطفأ باذن الله

ادهم

كلماتك كانت ترياق وفعلا هزتني من جوايا وفتحت عيني وشالت الغشاوة من عليها ولازم الناس تقراها علشان تحس باللي انا حسيته

" يمكن لما تعرف انك لما بتدون لنفسك بتدون لناس تانية انت مش شايفهم و لا عارفهم و يمكن بيخوشوا و يتابعوك من غير مايعلقوا يجيلك نفس تدون.

يمكن لما تعرف ان التدوين كلام ناتج من افعال بيحوطها و يتخللها احساس القلب يجيلك نفس تدون

.يمكن لو جددت النية في تدويناتك لنفسك عشان تنفع بيها نفسك و بالتالي تنفع بيها غيرك و انت مش واخد بالك يجيلك نفس تدون.

يمكن لما تعرف اني بفرح بفرحك و بزعل بزعلك و ببأي مطمن عليك كل لما اخش و الاقي كتاباتك رغم انك متعرفنيش و لا انا اعرفك يجيلك نفس تدون.

عارف لما تحس بناس انت مش حاسس بيهم و لما تشوف ناس انت مش شايفهم ولما تعيش مع ناس انت مش عايش معاهم هيجيلك نفس تدون و عمرك ما هتقول ساعتها يلا مش مهم

.يمكن............عارف...........دون بقي لو سمحت يا استاذ مجدي.

و دون علي رحتك بالأسلوب اللي يريحك بس دون و متقولش علي تدوينك كمان يلا مش مهم.

شكرا جدا ليك يا ادهم ولكل زائر
ويللا مش مهم

هناك ١٣ تعليقًا:

همسة قلم يقول...

شرف التعليق الاول :)

حمدا لله على السلامة وفي انتظار التدوينة الجديدة ياأستاذ مجدي

لا يمر يوم الا ونمر من هنا وصدقا استفيد كثيرا من كلماتكم وفكركم الراقي وتدويناتكم مهما حدث عليها خلاف
وسواء اتفقت او اختلفت مع المحتوى

فلا تتأخروا علينا

أندلس يقول...

حمدا الله على السلامة
لفت نظري جدا العنوان وعجبني جدا لما قريت
ربنا يجعلها اخر الزهقات

ا بـن عــمــر يقول...

يسلام على الحب الجميل ده
اني أحبك في الله وان كنت لم أعرفك بعد
هكذا تلتقى القلوب قبل العيون
التحرك بالعمل المصحوب بالأمل في وعد الله
هو دا شعارنا فى الفترة القادمه

عصفور المدينة يقول...

والدعاء كمان

وشكرا على الشكر
وكل عام وأنت بخير
وأستودعك الله إلى حين

غير معرف يقول...

بس برده في الاخر قلت يلا مش مهم, هههههه, ماشى يا استاذ مجدي بس المهم انك رجعتلنا بالسلامة .
ربنا يبارك لنا فيك و مايحرمناش من خيرك.
و.....يلا مش مهم.

محمد يقول...

حمدا لله على سلامتك

أعجبني عنوان التدوينة ومضمونها

تدوينة رائعة ... جملتها روح الحب والأخوة في الله

أعانك الله

أسعدني عودتك .. وفي انتظار تدويناتك

غير معرف يقول...

انها تمتلك شعلة من الامل والاصرار والمقاومة لا تخبو ولن تنطفأ باذن الله

ده انا
جزاكم الله خيرا يا أ.مجدى

اما بالنسبة لتعليق أخ أدهم
فهو فعلا جميل
و أؤكدلك على معانيه
هنا فى يلا مش مهم
تعلمت الكثير
من بداية التجربة
وحتى الان
هناك مفاهيم وضحت وترسخت فى عقلى اكثر
احيانا ترسخت باتفاقى مع حضرتك
واحيانا اخرى باختلافى

فربنا يكرمك وينفع بيك دائما
وفى انتظار التدوينات

غير معرف يقول...

ايه يا اخوانا
هو انتوا فين من رمضان
فين و ذكر فان الذكرى تنفع المؤمنين
فين و تواصوا بالحق و تواصوا بالصبر
فين التقى عليه و تفرقا عليه
فين الاخلاء يومئذ بعضهم لبعض عدو الا المتقين
انا بدخل المدونة ديه كتير ودى اول مرة اعلق فيها مع احترامى لمدونها و لكل المدونين انا بحس ان الاساس فيها هو شهوة الكلام يعنى الكلام من اجل الكلام و لازم نملاها تدوين و بس صحيح بيبقى فى مواضيع مهمة و احيانا مجرد كلام
الواقع بيقول ان دى مدونة بيدخلها ناس كتير يبقى طبيعى ان اقدم لهم شىء بجد مفبد يعنى لم تعد مجرد مدونة شخصية فلنتذكر
ما يلفظ من قول الا لديه رقيب عتيد
يعلم الله حبى لكل الاخوة و الاخوات
و انا بكتب من منطلق التناصح بين المسلمين لان دة اساس الحب فى الله
هذا التناصح لكل من يدون او يعلق فى هذه المدونة او غيرها
ارى ان حفظ النعم يدوم بالشكر و الطاعة فنحمد الله على اخوتنا و على من ساق لنا الناس كى تسمعنا فسنقف بهم امام الله فهل حافظنا على هذه النعمة
مع اسفى الشديد على الاطالةارجو ان تتقبلوا نصحى
همسسسسسسسسسسسسسسة
ارجو ممن يعلق الا يزيد من الاعجاب و الانبهار و الثباء و الاطراء فانها مدخل للشيطان و تحبط العمل
لابد من وضوح الهدف
ماذا اكتب و لماذا اعلق حتى القى الله و هو عنى راض و نسال الله الاخلاص

اخت اخوانية

hend galal يقول...

حمدا لله على السلامة ومقاومتك لحالة انعدام الرغبة ف التدوين. المدونة هي الحياة بالنسبة للمدون عشان كده الزهق منها وانعدام الرغبة في التدوين ده مؤشر مش كويس.
عموماًالحمد لله ان الزهق اختفى ومنتظرين المدونة القادمة إن شاء الله أكيد حيكون فيها كلام "مهم"

غير معرف يقول...

ألف سلامة يا ميجو...
دور حواليك وهتلاقي حاجة تكتبها
البلاوي كتير

belal يقول...

تعليق أدهم جميل
..
وحلو العنوان بتاع التدوينة دي
..
منتهى الأسف للوصية
..
وكل عام وأنتم بخير وإلى الله أقرب
..

غير معرف يقول...

كلها ساعات ورمضان جي يارب بيقى رمضان كريم وسعيد وجميل وحلو عليك و على المسلمين وتحقق فيه كل اللى بتتمناه
شعور جميل جدا واحساس رائع لما تحس انى فى ناس مهتمه بيك وانت مهتم بيهم حتى لو متعرفوش بعض تحس انها علاقة مفيهاش اى مصالح ويارب يدوم المعروف والمحبه فى الله ونسالكم الدعاء

7amsawy يقول...

والله يا أستاذ مجدى لو عرفت الروح الى حضرتك بتبعثها فينا كشباب مصرى فاهم الى حد ما الى بيحصل حاوليه عمرك ما هتبطل تدوين وسيبك من الكلام المحبط الى مالهوش لزمة وخليك معايا والى زاى من الشباب الى بحب مصر وبحب الحرية وانا دايما فى انظار تدويناتك الرائعة الى أناباستفاد منها من غير ما حضرتك تعرفنى ولو شفتنى يبقى شوفتنى طشاش فى فعدة صغيرة من قعدتنا والله يا أستاذنابحبك جدا جدا جدا وأوعى تبطل تدوين طول حياتك يالا سلام