يا شباب النهاردة الاتنين الساعة حداشر ونص مساءا هنستقبل المسيري في المطار الجديد والتجمع اما مدخل المطار الجديد
ليه هنروح نستقبل المسيري
علشان المسيري راجل شريف وحر ورفع صوته بكلمة الحق ورفض انه يسكت رغم الامه ومرضه
علشان المسيري ضرب المثل لكل المثقفين اللي قاعدين في ابراج عالية ونزل الشارع يقول كلمة الحق
علشان المسيري رمز للشرفاء والاحرار في مصر زي الشاطر وزي كمال خليل وزي يحي الجمل وزي اسامة الغزالي حرب
علشان نقول للنظام ان المسيري ابن لمصر كلها واذا كنتم هاتوزعوا اموال الدولة علي اساس الولاء ليكم مش المواطنة فاحنا هانستقبل المسيري علي اساس المواطنة ومدي ولائه لمصر مش مدي ولائه لنظامكم وحاشيتكم
علشان المسيري كان ممكن يقعد في البيت ومحدش كان هايلوموه لان السرطان بينهش في جسمه لكنه رفض ونزل يواجه سرطان الفساد والاستبداد اللي بينهش في جسم البلد
بجد
سلامتك يا مسيري
ويللا ربنا يباركلك في عمرك
هناك تعليق واحد:
طيب ممكن بعد ما ترجع من استقبال
المسيرى. تناقش الوضع فى فلسطين
و مستقبل حماس.
أخوك أحمد
عايش بره و مش عارف ايه اللى بيحصل
جوه إلا عن طريق النت
إرسال تعليق