السبت، أغسطس 04، 2007

اول تاج


أحب شخص لقلبك في الدنيا؟
هناك ثلاثة اجابات لهذا السؤال العظيم
الاولي - كنا نجاوب بها دائما عندما كنا صغار وهي
امي - ابويا - استاذ فلان - ابلة فلانة " كنت في مدارس حكومية فمكنتش بقول ميس ولا مستر " -

الثانية - كنت اجاوب بها في بداية تعرفي علي الاخوان
الرسول - الاسلام - القدس - الدعوة
لا اقصد باي شكل من الاشكال انني تخليت او اهون من علاقة الحب التي يجب ان تربطنا بخالقنا العظيم او رسولنا الكريم او قضيتنا الاولي او بيتنا وملاذنا الامن

الثالثة - اجاوب بها الان وهي
وهي الاجابة التي اجاب بها رسولنا الكريم سؤال عمرو بن العاص عندما ساله " من احب الناس اليك فقال عائشة "ولم يخجل ولم يداري ووبالتاكيد عندما جاوب هذا السؤال كان في مجلس للرجال فقط فلم تكن السيدة عائشة جالسة ولم يكن الظرف او المقام يدعوه الي افتعال تلك الاجابة ولكنه اجاب بشئ صادق فيه ومشاعر حلال وبشرية خلقها الله فينا
ولذا فاجابتي هي
من ستكون مستقبلا زوجة لي وبما انني لا اعرف اسمها فستكون اجابتي
اللي ما تتسماش

انسان مستعد تضحي بحياتك – ركز فى كلمة حياتك – عشانه؟

سؤال صعب جدا لانني اصدقك القول لحظة التضحية بالنفس لحظة في منتهي الصعوبة علي الانسان وقرار ليس بالسهل ابدا واتذكر الان قصة الصحابي الجليل في غزوة مؤتة عندما تسلم الراية ووجد في نفسه جزع فانشد ابياته الشهيرة

اقسمت يا نفسي لتنزلنا مالك يا نفسي اتكرهين الجنة

وفي مرات عدة عند حدوث موقف مواجهة كالمظاهرات بالشارع او لحظات القبض او التحقيق اجد في نفسي خوف وجبن شديدين ولولا رحمة وتثبيت من الله لكنت من الهاربين خارج الوطن وليس المكان ولذا فهذا السؤال في غاية الصعوبة ولكن اذا استطعت السيطرة علي نفسي وارغامها علي التضحية فستكون لصالح اي انسان مظلوم اي كان دينه او لونه او جنسيته

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

في كثير من الاحيان عندما اتعرض لظلم شديد او خيانة في وقتها اكون في هذه الحالة بحيث اشفي غليلي من هذا الظالم او هذا الخائن ولكن مع مرور الوقت تصفو نفسي وينتابني شعور بالشفقة عليه نتيجة انه فقد انسانيته حتو ولو كان كسب موقف

ما هو اسم اجمل كتاب كتبه بشر قراته ومحتفظ به حتي الان؟

المسار للراشد

المجتمع المسلم الذي ننشده للقرضاوي

مذكرات الاستاذ سعيد حوي

حول العالم في 200 يوم لانيس منصور

الاسلام والفنون الجميلة لمحمد عمارة

واخري كتير لست اتذكرها ولكن اتذكر مؤلفيها كالاستاذ فتحي يكن - ومحمد قطب - جاسم سلطان - طارق البشري - المسيري

اسم كتاب كتبه بشر برضة- انت متعلق بيه وبتقرأه كل فترة؟

اسطورة رونيل السوداء " لاحمد خالد توفيق " قريتها اكتر من عشر مرات

اهم جهاز منزلى انت متعلق بيه او بتستخدمه كتير؟

السيفون بتاع الحمام

مكان تحس بالراحة عندما تدخله؟

مكتبي

شىء تحس بالراحة النفسية عندما تنظر اليه؟

سقف الحجرة التي انام بها

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

لا افهم السؤال " بجد مش فاهمه "

اجمل مدينة زرتها داخل مصر ؟

اسكندرية
أجمل مكان طبيعي رأيته داخل مصر ؟

وادي الريان بالفيوم

شخصية كارتونية بتحبها

تيمون وبومبا

نوع هاتفك المحمول؟

نوكيا

سرعة بروسيسور جهازك؟

انا بصمجي في التكنولوجيا " فعلا لا اعرف ولم احاول ان اعرف "

حجم ذاكرة –هارد- جهازك؟

اظن اربعين جيجا

المساحة التى تشغلها المواد الاسلامية على جهازك؟

معنديش علي جهازي حاليا اي مواد بخلاف المواد التي احتاجها في عملي وبعض الكتب الخاصة بالتسويق والمبيعات وبعض المزيكا وبعض اغاني ام كلثوم ومنير وحاجات لنصر الدين طوبار وكل ده مواد صوتية فقط

أهم هدف انت واضعه لحياتك الآن؟

تحقيق نجاح كبير في عملي ولا شئ اخر

مواصفات فتاة الأحلام بالنسبة لك؟

لقد سالت عن امر عظيم

بس خليني ادردش بصراحة حوالين الموضوع ده لاني محتار حتي الان بين امرين فانا اؤمن بان الزواج يجب ان يتم بين اثنين بينهما اتفاق حول بعض الامور فمثلا انا لا اتصور نفسي متزوج من انسانة لا تهتم بالشان العام او لا تتبني وجهة نظر فكرية او سياسية او شئ من هذا القبيل ولكن هناك من اشار علي بان الزواج يفضل ان يكون بين كائنين يملكان صفات مضادة وشبه الامر بانه كقطعتي الخشب التين يتم استخدامهم في تشكيل لوحة الفسيفساء فيجب ان يكون القطعيتين غير متساويتين فان كان هنا بروز في هذا الجانب فيجب ان يكون هناك مساحة فارغة في نفس الجانب بالقطعة الاخري حتي يتسني اندماج القطعتين ولذا فستجد الكتيبة المجيشة التي تطاردني ليل نهار لتزويجي يعانون اشد المعاناة معي لتحديد ماذا اريد وفي نهاية المطاف قلت لهم انا لكم مستباح ولن اعترض علي اي ترشيح باي مواصفات وبس

لكن تيجي بقي ليا من جوة فانا طماع جدا لاني اتربيت في سوق والتاجر دائما يريد الحصول عيل كل المزايا ولذا فستجدني افكر في

مفكرة " فشر سارتر وهيجل والفرابي والراشد " اجلس تحت قدميها لاتلقي العلم

ذات دين " تراها رابعة العدوية فتطلب منها ان تدعي لها " ويكفي نظرة منها عند فتوري وكسلي عن الفرائض والسنن فتعيدني

مدبرة " يتعلم منها بسمارك كيف يدير شؤن الاقتصاد" اترك لها الجمل بما حمل تديره كيفما تشاء وتحدد لي ما افعله

انثي " قول زي ما تقول " اسف انت اللي طلبت تعرف

طبعا مفيش ابدا انسانة كدة وكمان لو موجود ة هاتقبل بيا انا ليه اكيد هتفكر في حد يكافئ ما هي عليه بس ممكن وتبقي معجزة

شعورك لما بتسمع كلام عن اليهود؟

كنت زمان بحط اليهود كلهم في خانة واحدة ومشاعري تجاه هذه الخانة واحدة ولكن مع مرور الوقت وزيادة النضج لم اعد اعمم الاحكام علي كل اليهود فنحن لا نعادي طائفة او دين ولكننا نعادي من اعتدي علينا فمن اعتدي علينا منهم فانا في عداء معه حتي نسترد حقنا وكما قال الشيخ احمد ياسين من قبل انا اعادي من سرق ارضي وحتي لو كان اخي وحتي من في حالة عدائنا معهم فهناك ضوابط حددها الشرع في عدانا فانا لا اؤمن علي الدعاء الذي يقول " اللهم يتم اطفالهم ورمل نسائهم وجمد الدماء في عروقهم والخ"

شعورك لما بتشوف ظابط شرطة؟

نفس الاجابة السابقة انا لا اعمم الحكم علي الناس فمنهم السئ ومنهم الصالح

شعورك لما بتشوف الكناس العجوز فى الطريق؟

اكتر ناس بتصعب عليا البشر اللي اتسحقوا علشان لقمة العيش يعني انا بتقطع لما بشوف الست اللي معاها عايلين وقعدة قدامها شوية خضار بتيعهم ولا لما بكون راجع بالليل والاقي الراجل بتاع العيش نايم وهو قاعد قدام برنيكة العيش وكل شوية يقاوم نفسه ويفتح عينه ويرفع دماغه الناس دي بسيطة وطيبة واقل نوع من الدعم المعنوي او المادي بيفكرهم بانسانيتهم وان هما مش لوحدهم في العالم الوحشي اللي بيعشوه


افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟


انسان محترم ليه الحق الكامل ان يحيا كيف يشاء وللاخرين الحق الكامل في ان يحيوا كما يشأوا


احساس يراودك فى اشارة مرور مغلقة بسبب مسئول كبير؟


ببقي عاوز ..... عليه وعلي كل اللي معاه


وده كان اول تاج


ويللا مش مهم

هناك 13 تعليقًا:

Ahmed يقول...

معلش يعنى أصل أنا من اللى ممكن تقول عليهم متشددين و متزمتين شويه. لو ممكن تزود على التاج السؤالين دول

هو فى فتوى من عالم مسلم أجازت الإستماع لأم كلثوم و محمد منير بشكل. و لو افترضنا ان ليهم بعض الأغانى الوطنيه أو الدينيه فهل هذا لا يمنعنا من أن تكون فتوى الإستماع اليهم فتوى مطلقة؟؟

هو انت فى اجابتك تقصد هيفاء وهبى؟و ياترى انت عرفت منين انها بالأنوثه دى و عايز زوجة المستقبل تكون أكتر منها؟

انت مش شايف ان انت كده بتلميحاتك دى بتفضح اللى ربنا ستره عليك و ان احنا ممكن نكون شهود عليك يوم القيامه لأننا فهمنا من كلامك انك بتتفرج على هيفاء؟؟

عصفور المدينة يقول...

الأول....................
حانقص منك درجات الموسيقى والأغاني بما أنني الشبح اللي على يمينك وانت الإنسان اللي على شمالي ولا انت كنت بتقولها ازاي
يلا مش مهم

اسكت مش انا عرفت انت ليه ما اتجوزتش لحد دلوقت عشان لسة ما اتخلقتش مشوارك طويل

شفت بقة التاج ده كسوة بشرية كويسة بس انت دخلت إجابة الموسيقى مع إن السؤال عن التربية الدينية

عمر افندى و ابوه يقول...

انا شايفك كده نداهة التاجات ندهتك و موش هتخرج منها يا صاحبى ...و ابقى تعالى بقى لما تخلص براحتك ...خلى بالك انتا هتغرز تانى اهوه و بترجع تقول المشاكل بتجيلى منين ...

بدأنا الحلقة الجديدة اهوه و انتا اللى فتحت الستارة

محمد العنانى يقول...

مبروك ومشكور على اجابه التاج وجاوب من القديم بقا
اصل الواجب نعمل تاج مخصوص يفسر ويحلل افضل كارزمه قابلتها فى عالم التدوين
ربنا يعزك
ويناول الى فى بالك
تحياتى لك

شذى مولوتوف يقول...

مبروك التاج
بس انا ملاحظة ان اجابات حضرتك ساسية جدا
متهيالى لو ترد على الاسئلة عادى بلغة عامية هايبقى الموضوع ممتع اكتر
وبعدين عايزين اسالة تزنق شوية

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين منذ عشرين يوما ولم يعرف احد طريقهم
التفاصيل بمدونتى
ارجوك انشرها

bahry يقول...

الاخ العزيز مجدي

ما زال مسلسل الابتزاز العاطفي مستمر

ارجو انك تكمل لاني بحس انك بتحاول تكون طبيعي وغير متكلف في تدوينك ودا طريق مكلف جدا

اسأل الله لك التثبيت لانك بتقوم بدور هام جدا أظنك عارفة

ليك عندي تاج جامد بجد

ان شاء الله أبعتهولك قريب

ليا سؤال أرجو انك تجاوب عليه

قريت كتاب الاسلام بين الشرق والغرب
لعلي عزت بيجوفيتش ؟؟

لما مقرتش الكتاب دا لازم تقراه فعلا واحتمال كبير تغيير اجاباتك في التاج دا رغم حبي وولعي بكتب الراشد
تحياتي

بحري من احلي مكان في العالم
الاسكندرية

حلم واحدة بتحب البلد دي يقول...

مبرووووووووك اول تاج يوصل لحضرتك

عجبتني اوي اجابات الاسئلة الاخيرة
واضح ان عند حضرتك رؤية واضحة بخصوص تعاملك مع الاخر ايا كان

تاج حلو
واجابات حلوة
ربنا يكرمك

وزي ما قال الاخ عمر افندي
نداهة التاجات ندهتك و موش هتخرج منها
اصل التاج ده بيتحول لادمان بعد شوية


في انتظار التاجات الجاية

يلا مش مهم يقول...

السلام عليكم ايها العنكبوتيين " نسبة الي الشبكة العنكبوتية "
اولا تحية خاصة لعصفور المدينة الذي اتحفني بثلاثة تاجات اكثر من رائعة وشكرا للاستاذ محمد العناني الذي لم يزهق من تخلف الميل عندي اعزكم الله وداب علي طلب ردي علي التاج حتي استجبت
ثانيا - الاستاذ احمد ليك سؤالين واود الاجابة عليهم والاول خاص بام كلثوم ومنير والمزيكا بشكل عام وردي هو
سيدي الفاضل لقد سالت واستفتيت قبل السماع وكان هناك راي بتحريمه
وراي بتحليله مع بعض الضوابط ليس مكانه هنا ولكننا وجدتها متوافرة في اسمعه
وراي كان يحلله ولكن يحتاط لنفسه او يضع عوامل اخري تجعله ينصح بالابتعاد عنه ولكنه صرح بانه امر شخصي فمن اراد الامتناع فله ذلك ومن اراد الاستماع فله ذلك
ولقد اخذت براي الاستماع حيث انني لا اجد اي حرج في صدري عند سماعي للموسيقي او غناء ام كلثوم سواء وطني او عاطفي وكذلك بعض المغنيين الاخرين وصدقني اذا كان هناك امر حرام محض فلسوف اجاهد نفسي للامتناع عنه واذا فعلته خلسة فلن افضح نفسي ابدا وساحافظ علي ستر ربي ولكن اذا كان هناك امر مختلف فيه فلي الحق بالتعامل معه ولك الحق في الامتناع عنه
النقطة الاخري بخصوص هيفاء وهبي فانا يا سيدي فعلا ويعلم الله هذا لا اشاهدها ولا احب مشاهدتها وذلك من باب دناءة ما تفعله وحرمانيته وايضا لانها اسوأ مثال او نموذج للمرأة لانها تحولها الي سلعة وتعرضها للاهانة الكاملة ولكنني مطلع علي ما يكتب علي صفحات الجرائد والانترنت واعلم تمام العلم انها اصبحت رمز للاغراء في العالم العربي وقد استخدمت اسمها للتدليل علي امر ما ولكنني بعد نصح احد لااصدقاء وما كتبته اكتشفت سؤ تشبيهي وخطئي الفادح في استخدام هذا التشبيه ولذا فقمت باستبداله واشكرك علي نصحك لي
هذا كان ردي علي ما كتبته وادعوا الله ان يديم علينا نعمة التناصح والمحبة

شذي
بقالك كتير مشرفتيش المدونة واكيد كنتي زعلانة اما من تطنيشي للمعلقين او عدم تفاعلي مع المدونين الاخرين والذي اعطي انطباع بالغرور او النظرة الفوقية مني تجاه الاخرين ولكنني ويعلم الله مضغوط جدا في عملي بشكل لا يسمح لي الا بالنذير من الوقت لممارسة انشطتي المختلفة وقد اعتذرت من قبل عما حدث وها انا الان اكرر الاعتذار
وانا اسف
وشكرا علي تعليقك

عمر افندي
صباح الخير يا خرطوم
اخبار السودان ايه
علي فكرة انا لسة مستني ردك بخصوص جمعية الحفاظ علي حيوان وحيد القرن
وبالنسبة لتعليقك
انا فعلا مغناطيس مشاكل
ونفسي ابطل القصة دي

العناني باشا
يا عم كتير علينا اللي انت قلته ده وربنا يستر علي وما يفضحنيش ويجعلني خير مما تظن وجزاكم الله خيرا وان شاء رب العالمين هارد علي القديم

عصفور المدينة
والله بجد انت انسان محترم
وعاجبني جدا
انك قبلت مني اجاباتي وتوافقت معها واعترضت علي جزئية الموسيقي اللي بتخالف رايك
وبجد لو كلنا عملنا كدة هانعيش في نعمة ما بعدها نعمة فللكل الحق في ان يعيشوا كيفما شاووا ما دمنا في اطار الحدود الشرعية
وهارد علي باقي تاجات يا صاحبي

بحري
صاحبي وحبيبي وكفاءة
وزميل الكفاح التحرري الانفتاحي البيضاوي الدائري المربعي
علي العموم مشكور يا غالي علي مساندتك المعنوية ولكني اعترض علي قصة الابتزازلعاطفي فانا اعتقد ان من يعترض علي مساحة البوح الشخصي لا يبتزني ولكنه معترض علي تلك المساحة وهذا من حقه
اما بخصوص كتا علي عزت بيجوفيتش فلم اقراه وساسعي لقرائته
وسلملي علي اسكندرية تما وعلي صاحبي اوسو اوسو يا غالي

الي صاحبة حلم الحرية
سعيد جدل بتعليقاتك وسعيد اكثر بنشاطاتك التي ذكرتي بعضها علي مدونتك واسف علي عدم تفاعلي مع مدونتك او الرد علي تعليقاتك ولكن ما زالت المراة تثبت انها الاكثر قدرة علي الصبر والتحمل والتغاضي عن اخطاء الاخرين
وانا تركت تعليق عندك يخص تدوينة انا واخويا وشؤيط الذكريات ولكنني تركتها علي اخر ما كتبتيه وهو رد علي تاج مرسل اليك
واخيرا احملك السلام لاخيكي محمد وارجوا منه الاتصال عند قدومه للقاهرة لمقابلته ان امكن واستضافته لنعرفه ان اهل القاهرة كرماء وكذلك لان اي اسكندراني يكرم من اجل حبيب قلبي انس القاضي " اوسو اوسو "
وكذلك احملك السلام لكورنيش الاسكندرية وكوبري ستانللي بالليل الساعة تلاتة الفجر وميدان المنشية والقهوة العالية ام سلالم ومحطة الرمل وشارع النبي دانيال وبير مسعود وشارع المعهد الديني وبوكلي والحضرة ولكل اهل اسكندرية
ويللا مش مهم

وائل_صح ولا غلط_ يقول...

احييك علي الاجابات الجريئه دي
بس في نقطه


تحقيق نجاح كبير في عملي ولا شئ اخر

هل هو ده اهم شئ في حياتك يا استاذ مجدي فعلا

اظن اجابه محتاجه توضيح حبيتين يعني ايه ولا شئ اخر؟؟؟؟؟؟؟؟ا

أندلس يقول...

مش عارفة ليه بحس ان أسلوبك استعراضي في إجاباتك على الأسئلة

دي وجهة نظري

عصفور المدينة يقول...

إيه ده يا حاج مجدي انت بتيجي هنا برضه؟

other_things يقول...

أنا استغربت إنك علقت..فقلت أحط استغرابي في تعليق
..
بس واضح إنك عاوز تفضفض جااامد ..أوي