السبت، أغسطس 25، 2007

المحجوبيين


تشن الان حملة اعلامية مسعورة علي جماعة الاخوان بقيادة مجموعة ممن يطلق عليهم صحفيي النظام ويتواكب هذا مع الحملة الامنية المسعورة التي تتم بقيادة ما يسمي بجهاز امن الدولة ومن الواضح ان النظام الداعر لن يتوقف عن حملة تصعيده ضد الجماعة لمحاولة تركيعها وتقويض انجازتها التي تحققت في الفترة الماضية واعطاء نموذج يرهب كل القوي السياسية والفاعلة في المجتمع ولذا فسنجد ان تلك الاشياء التي تتسمي بصحفيي النظام يكيلون مجموعة من الاتهامات والادعاءات التي تجاوزت كل حد وكل منطق ضد جماعتنا وقيادتنا ولذا فقد فكرت في الرد عليهم باسلوبهم ولكننا كاسلاميين كنا دائما نضع الضابط الاخلاقي وعدم الانزلاق في مهاترات ومعارك جانبية كحد حاجز بيننا وبين تلك الاشياء المسماة بصحفيي النظام ولكن جاء الوقت ليرد عليهم بالاسلوب الذي يتناسب مع وضاعتهم ودنائتهم وحقارتهم ولذا فهذه التدوينة تسمي ب" المحجوبيين " وسنعرف لماذا في السطور الاتية

المحجوبيين


في رائعة الاستاذ نجيب محفوظ " القاهرة 30 " رسم لنا الرجل صورة فائقة التعبير لتلك الاشياء التي خلقها الله بشر ولكنهم ابوا الا ان يكونوا في دركات سفلي في سلم المخلوقات ولم يتبقي لهم من صفات وسمات البشر الا هيائتهم الخارجية وملامحهم الباردة ولكنهم في داخلهم تدنوا حتي اصبحت الحيوانات ارقي منهم وتلك الصورة شخصها الاستاذ حمدي احمد وكانت تسمي ب " محجوب عبد الدايم " وهذا الشئ كانت بدايته بسيطة وينتسب الي الطبقة المتوسطة او ما تحتها ولكنه اراد ان يصل الي ما هو اعلي منها ويا ليته كافح وجاهد عن طريق السبل المشروعة والشريفة ولكنه نظرا الي فطرته المنكوسة وداخله القذر باع نفسه الي سيد من الاسياد ليختصر له المسافات ويفتح له الابواب الخلفية للوصول الي مراده ولكن كان الثمن هو بشريته وصفاته التي كرم بها من رب العالمين فقد كان سيده يرغب في احداهن ولكن منصبه ومركزه الاجتماعي حال دون ان يشبع رغباته منها فقام هذا الشئ المسمي بمحجوب عبد الدايم بالزواج منها حتي يتيسر لهذا السيد ان يصل اليها تحت ستار من الشرعية حيث انه يدخل الي بيت الرجل الذي يعمل عنده ثم يترك له هذا الشئ زوجته ويجلس ينتظر سيده حتي ينتهي من ارواء رغباته ولن ننسي ابدا مشهد هذا الشئ المسمي بمحجوب عبد الدايم وهو يجلس في غرفة الصالون ينتظر سيده وفي خلفيته يوجد قرنين كبيرين علي الحائط قامت الكاميرا بالربط بينهما في مشهد تعبيري رائع يوضح لنا حقيقة هذا الشئ المسمي بمحجوب عبد الدايم


وان كان هذا الشئ المسماة " بمحجوب عبد الدايم " قد باع زوجته وشرفه وفطرته وغيرته وكرامته وامتهن نفسه تمام الامتهان من اجل فتات يرمي به احد الاسياد فتوجد الان اشياء بين اظهرنا تفعل نفس ما فعله هذا الشئ ولكنهم استبدلوا الزوجة بمهنتهم فنجدهم يقوموا بتسليم اقلامهم وضميرهم الصحفي وانسانيتهم الي اسيادهم ليستمتعوا بها ويطوعوها كما شاؤا ويستخدموها في اعمالهم القذرة والمريضة وكما كان يجلس الشئ محجوب عبد الدايم في صالون منزله ينتظر سيده حتي ينتهي من فعلته القذرة ويمني نفسه بالمكافأة التي تنتظره جزاء ما قدمه تجد هؤلاء جالسين في مكاتبهم ينتظرون مكافات اسيادهم المتمثلة في مقعد بمجلس النقابة او منصب رئيس تحرير لاحدي الاصدارات التي تمول من جيب دافعي الضرائب او قطع ارض هدايا يتم تخصيصها من قبل وزارة الاسكان بالتجمعات السكنية الجديدة او مجموعة من الاسفار برفقة الكبار او برامج تليفزيونية وكل هذا يتم تحت رعاية القواد الاكبر صفوت الشريف صاحب عمليات الكنترول الشهيرة

وحتي لا نترك القارئ في حيرة من امره فسنعطي بعض الامثلة البارزة لهؤلاء المحجوبيون

الافاق اسامة سرايا

سعي بكل ما اوتي من نفاق وكذب وموالسة للوصل الي رئاسة تحرير الاهرام ونالها ويقوم الان بسداد ضريبة الوصول بكل ما اوتي من قوة فسنجد هذا الشئ يحدثنا عن حجم الانجازات التي تحقق علي يد النظام الداعر والذي اوصل مصر الي مصاف الدول الناهضة ونراه يحدثنا عن الرخاء الاقتصادي الذي ترفل فيه الباد والعباد واكثر من نصف الشعب يعيش تحت خط الفقر ويحدثنا عن استقلال السياسة المصرية ودور مصر الاقليمي والعالمي الغير مسبوق والكل يعلم اننا تحولنا الي تابع او اقل من التابع للسياسة الامريكية في المنطقة والكل يعلم كم تقلص دورنا في المنطقة حتي تحولنا الي محجوب كبير ينتظر السيد الامريكي من انهاء وطره في العراق والسيد الاسرائيلي من انهاء وطره في فلسطين والان يخرج علينا هذا الافاق بخزعبلات مريضة عن اتهامات للسيد سعد الدين ابراهيم الذي من الممكن ان نتفق معه في امور ونختلف في اخري ولكن الشئ المسمي باسامة سرايا يتهم الرجل بانه يبيع الوطن للخارج وانه يتهم مصر باشياء كاذبة بحديثه عن القمع الذي بلا حدود الموجود في مصر بمقال نشر في الواشنطون بوست الامريكية وكال للرجل جملة من الاتهامات التي يندي لها الجبين ووصفه بالمتواطئ والخائن وغيرها من الصفات التي اعتقد ان الشئ اسامة سرايا تعرفها اولا في نفسه ثم اتهم بها غيره ونسي هذا الشئ اسامة سرايا ان في سجون مصر الان ايمن نور الليبرالي وخيرت الشاطر الاخواني وعبود الزمر الجهادي وان الاول سجن خمس سنوات لتجرؤه علي منافسة رئيس النظام الداعر في انتخابات الرئاسة وحصوله علي اعلي الاصوات بعدما زور رئيس النظام الداعر الانتخابات لصالحه والثاني تم احالته الي العسكر لضمان حبسه وتغييبه وراء اسوار النظام الداعر والكل يعرف ان الاحكام جاهزة مسبقا وان القضية برمتها محض افتراء وتلفيق والثالث انتهي من قضاء مدة حبسه التي ناهزت اكثر من عشرون عام ولكن النظام الداعر يرفض الافراج عنه في خطوة تدل علي تجبره وغباءه وان مسلسل القبض والاعتقال والتعذيب ما زال يمارس بكل قوة في اوكار المستذئبين من رجال الداخلية وزبانيتها وبعد كل هذا ياتي هذا الافاق ليتهم الرجل بالكذب والافتراء واما عن تهمة بيع الوطن للخارج فانا مندهش تمام الاندهاش من هذا الشئ فان كات سعد الدين ابراهيم قد خان الوطن لكتابته مقال بالواشنطون بوست يهاجم فيها افعال النظام الداعر فما الذي يمكن ان يقال حينما صرح رئيس النظام الداعر بان وصول الاسلاميين عن طريق الصنتديق الانتخابية هو تهديد لمصالح الغرب وعلي راسهم الاعب الاكبر امريكا في مغازلة واضحة وصريحة للغرب من اجل تدعيم نظامه واسباغ الحماية عليه وغض الطرف عن افعال نظامه الداعروفي وقتها لم نقرا منكم ان هذا هو بيع والغاء لاصوات ورغبة الشعب وان هذا تواطؤ من النظام لبيع البلاد مقابل الحفاظ علي مصالح الغرب التي تتعارض مع مصالح شعوبنا ولكن عندما يتحدث احدهم مخاطبا الغرب للتحذير من دعم نظام داعر كالنظام المصري نجد هذا الشئ المسمي باسامة سراي وقد تحول الي احد زعماء العمل الوطني واحد رجال المقاومة البواسل

ثم ينتقل المحجوبي " اسامة سرايا " الي فاصل اخر من القئ الصحفي لاتحدث عن الاخوان واتهامهم بمجموعة من الاتهامات والافتراءات التي تثير الضحك من سذاجتها والتي لجا هذا الشئ المحجوبي الي استدعاء احداث تاريخية عفا عليها الزمن لتبرير اتهاماته ثم قام هذا الشئ بالتحدث عن ان الاخوان لا يمثلوا خطر علي الاصلاح السياسي فقط "الذي لا يشعر احد به الا هو" ولكنهم يمثلون خطر عظيم علي كل جوانب الحياة في مصر سواء اجتماعية او اقتصادية في تحريض سافر وتمهيد فاضح لقيام النظام بتوجيه ضربات اقصائية واستئصالية لفصيل سياسي مؤثر في الحالة المصرية واتهم الشئ المحجوبي الاخوان بانهم تنظيم شمولي يسعي لخراب البلاد وضرب مثل بما يحدث في غزة وغيرها ونسي المحجوبي القواد ان هذا الفصيل السياسي ممثل في مجلس الشعب بلكثر من عشرون بالمائة من مجمل اعضاء المجلس وان هناك اكثر من 25 % من اجمالي الناخبين قد اختار هذا الفصيل ولولا التدخل الامني السافر باعتراف رئيس وزراء التظام الداعر كان الاخوان ممثلون باكثر من 140 نائب بمجلس الشعب ولكن ماذا سنفعل في اشياء فقدت عقلها وارادتها وكرامتها مقابل مجموعة من الامتيازات والمصالح وهي علي اتم الاستعداد ان تساهم في احراق الوطن مقابل الحصول علي فتات زائل من السيد القابع بمصر الجديدة ونظامه الداعر

العبيط احمد موسي
بحثت عن اي وصف اخر يليق به فلم اجد مثل وصف المهندس خيرت الشاطر لهذا الشئ المسمي باحمد موسي عندما تحدث عن افتراءته من وراء اسلاك القفص في داخل المحكمة بعدما كتب هذا العبيط في جريدة الاهرام ان النظام الداعر احال قيادات الاخوان الي القضاء العسكري لان الاخوان لا يعترفون بالقضاء المدني لانه وضعي في افتراء يثير دهشة اي قارئ من قدرة هذا الشئ المحجوبي احمد موسي علي الكذب والنفاق ولكن المتتبع لتاريخ هذا الشئ سيعلم انه احترف هذا الامر وانع يملك قدرة غريبة علي الكذب والافتراء تفوق الشيطان نفسه ويجعله يجلس تحت قدميه يتعلم منه ومن خبراته وساذكر موقفين لهذا المعتوه المحجوبي الاول منهما عندما تعرضت زميلته نوال علي للتحرش الجنسي علي سلم نقابة الصحفيين يوم 28 مايو علي ايدي زبانية واعضاء الحزب الوطني وتم تمزيق ملابسها وانتهاكها جنسيا ثم فوجئ الجميع بهذا المعتوه يكتب في جريدة الاهرام عن ان احدي المتظاهرات قامت بتمزيق ملابسها بنفسها ثم اتهمت افراد الامن واعضاء الحزب الوطني بالاعتداء عليها وعندما قامت زميلته بالرد عليه تراجع المعتوه وصرح انه كان لايقصد

والموقف الثاني عندما قام بلطجية الامن بالاعتداء علي احد المستشارين اما نادي القضاء وضربه واهانته ثم فوجئنا بالمعتوه يخرج علينا بادعاء ان المستشار الجبار هو الذي بدا بالتحرش ببلطجية الامن وقام بالاعتداء علي احدهم مما دفع هؤلاء الملائكة بالدفاع عن انفسهم وضربه واهانته

يخرج علينا هذا المعتوه الان بتحقيق يشغل صفحة كاملة في جريدة الاهرام يتحدث فيها عن دور الاخوان في اثارة القلاقل وبث الشائعات واتهام جهاز الشرطة بتهم هو منها برئ واتهام النظام الداعر انه يقمع الحريات ويبرئ ساحة النظام الداعر وحارسه البلطجي الجهاز الامني من هذه التهم واستمرار لقدرته الفائقة علي قلب الحقائق يتهم جماعة الاخوان بالارهاب والتحريض علي اغتيال مسؤلين كبار في الدولة عن اي نظام تدافع ايها المعتوه عن النظام الذي تحرش بالصحفيات علي سلم النقابة ام عن النظام الذي تعدي علي القضاة ام عن النظام الذي وضع العصي في مؤخرة عماد الكبير ام عن النظام الذي قتل الطفل محمد في قرية شهل بالمنصورة ام عن النظام الذي قتل ناصر صديق في العمرانية بالقاءه من شرفة منزله ام عن النظام الذي قتل اكثر من عشرة مواطنين امام ابواب اللجان الانتخابية في الانتخابات التشريعية السابقة ام عن النظام الذي تستر علي ممدوح اسماعيل الذي القي بالف مواطن في البحر الاحمر ليكونوا طعام للاسماك هناك ثم هرب الي لندن بحماية من اركان نظامك الداعر اذا عددت لك جرائم نظامك الداعر فساحتاج الي مائة مدونة مثل هذه ولكنني متاكد تمام التاكد انك ستستمر في افتراءاتك واكاذيبك حتي بعد كتابة المائة تدوينة لان الكتابة تخاطب العقلاء وانت كما يعلم الجميع

عبيط

لا يجدي معك كلام العقلاء ولا املك لك الا الدعاء


نسال الله العظيم رب العرش العظيم ان يشفي العبيط احمد موسي


انتظروا الحلقة الثانية عن

المتحرش و ابو لسان زفر

ويلا مش مهم


هناك 28 تعليقًا:

غير معرف يقول...

أنا أول مرة أكتب تعليق بأقولك سلم إيدك يا غالي

عبدالله الشيخ يقول...

مجرد كتابتك لهذة المقالة تضع هؤلاء الاشخاص في وضع اكبر من حجمهم بكثير .
ولو ان كل كلب عوى القمته حجرا
لاصبح الصخر مثقال بدينار

alnagar يقول...

مش عارف اللي انت بتكتبه دا يناسب سمتنا ولا لا؟ وهل هو افراغ لما في النفوس من شحنات الغضب علي هؤلاء الموالسين ؟؟ مش عارف بصراحة مش مرتاح لأسلوب الكتابة رغم انهم يستهالوا أبشع وأسوء أنواع الشتيمة والسباب
بس برده مش مرتاح وحاسس ان دا ضعف مننا وان الانتقام يكون بالعمل المتضاعف والنتائج المبهرة التي تزيد غيظهم وتحرق قلوبهم خاصة ان مصر كلها عارفة انهم عالم واطية وشهود زور
اعتقد اننا أكبر من ذلك وانجرارنا الي هذه الطريقة يسيء الينا
والي دعوتنا
انت رأيك ايه يا عمي

أندلس يقول...

بص يا فندم
المقارنة مبتكرة جدا وعجبتني بصراحة
بس الكلام الي قاله عبد الله الشيخ صح
دة رأيي

وبرضو كلام النجار صح مع ان دي صفحتك انت الشخصية وانت حر فيها يعني انت مش موقع إخباري بس برضو مراعاة للذوق العام
مش عارفة أنا رأيي ايه بالضبط
وجهتي النظر فيهما نظر

EmY يقول...

و الله عيب اوي الاسلوب ده في الكلام عيب لما نوصف النظام بالداعر
دينك علمك كده
عيب التدني ده

محمود سعيد يقول...

أؤكد مع من سبقنى على أن :
" مجرد كتابتك لهذة المقالة تضع هؤلاء الاشخاص في وضع اكبر من حجمهم بكثير "

وحاجة تانية معلش
تجريح الأشخاص والهيئات ، حضرتك فاكر الوصايا العشر ، اللى أنا مش فاكرها ، كان فيها كلام عن الموضوع ده :-)


طيب داعر وعارفينها وده مش تجريح
الموالس برضه عارفينها
المحجوبين ، ماشى


أنما عبيط ديه ، مش لطيفة !
ولا سامية حتى :-)

غير معرف يقول...

هذا الكلام لايصح يااستاذنا العزيز
رسولك (صلي الله عليه وسلم )فعل به اكثر من هذا هو وصحابته والذي فعل بهم هذا كانوا كفارا
ولكن الرسول لم يقل مثلما قلت راجع نفسك والا متقولش انك اسلامي او انك من الاخوان لان دي مش تصرفات مسلمين ولا تصرفات الاخوان
تكلم عن شخصك هنا في هذه المقالة
لان حضرتك بالفعل لاتمثل الا نفسك هنا
لابتمثل جماعة وتيار ولا اي اتجاه

راجع نفسك يااستاذنا
والسلام
اخوك في الله اليعقوبي

يلا مش مهم يقول...

السلام عليكم السادة الافاضل زوار المدونة الكرام
كنت اتوقع ان يستقبل البعض ما كتبته باستياء وذلك لتعودنا علي نمط محدد في التعامل واسلوب لايتغير في الرد علي تلك الاشياء ودائما ما كنا نتجنب الخوض معهم في ما يقولونه وكنا دائما نردد " واعرض عن الجاهلين " ولكننا وللاسف لا نتذكر " واغلظ عليهم " ونتذكر اعراض الرسول الكريم احيانا عنهم وننسي امره عليه الصلاة والسلام لحسان ابن ثابت ان يهجو احد الكفار استخدم لسانه لهجو النبي الكريم ونتذكر انه لو وضع ايمان ابو بكر في كفة وايمان الامة في كفة لكانت كفة ابو بكر ونتذكر ان سيدنا ابو بكر كان يلقب بالاسيف من شدة بكاءه وننسي وقفته امام ائمة قريش في احد الغوزات وقولته الشهيرة لاحدهم " امصص بظر اللات " فايها السادة الكرام نحن لا نجهر بالسء من القول الا اذا ظلمنا ولا ينكر احدنا علي احدنا اذا استخدم الغلظة في القول للرد علي تلك الاشياء
وارجوا ان نفرق بين الحالة العامة والمواقف التي تحتاج الي رد غير معتاد لان الطرف الاخر يستحق ذلك
ويلا مش مهم

محمد القط يقول...

أبو الأمجاد أخويا وحبيبي...
ليك كل الحق في قول أي شئ عن أي حاجة..لإنها مدونتك وانت حر فيها....
ولكن في جزئية مهمة جداً كنت عايز أوضحها...وبعتهالك في إيميل دكاكيني ..بيني وبينك ..كالعادة !!!
بس بعد ما قريت تعليقك ..بصراحة إضيقت...لإن الإستدلال فاسد...والتجربة مختلفة...
لو على الشتيمة في منها كتير ...ولكن الصورة في مجملها سيئة وقاتمة..ومن خلال إلي بيطرحه الإخوان المدونيين....يبقى التدوين قلته أحسن...!!!

sharkawoo يقول...

يا لتك الألفاظ البريئة يا أستاذ مجدي

أعتقد أن هذا أقل ما يمكن أن يتم به وصف مثل هؤلاء من الطبيعي أن يرفض الكثير منذ هذه الأقوال ولكن بقليل من التركيز لا نجد تعبير أكثر إحتراماً من ذلك

ولا أجد عيب في كل ما يقال فما إلا إقرار لتك الأفعال ...

أعلم أن لغة الحوار لدينا أعلي كثيراً من التحدث عن هؤلاء ولكن هؤلاء يجب فضحهم مثل فضح أي شيئ يتم التستر عليه

فالحكومة حينما أنعيها بالحكومة الظالمة والمتجبرة لا أعتقد أن أسئ الأدب فكم أعتقلت من المواطنين الشرفاء ولكن غذب المواطنين

أتذكر مقولة الأستاذ فهمي هويدي عندما زورته في أحد الزيرات وأنا أقول له ما الحل قال إعلام الناس بتلك الجرائم وفضح من يفعها

إنها دعوة لفضح هؤلاء الصحفين الذي يسيئون إلي تلك المهنة الشريفة

KIMOOOZ يقول...

لا يا ريس
الاستلال ده مش صح خالص
و عمر ما كان هجاء حسان بن ثابت
هيقول فلان عبيط
ولا ايه
همه نفسهم نخش معاهم فى هذا السباق اللامتناهى من الشتيمه و الرد بالرد
و مش هنخلص
احنا نرد عليهم بأفعال و ليس كلام يا معلمى
بس كده

KIMOOOZ يقول...

وبعدين انت مفضحتهمش انت شتمتهم بس
الفضيحه مش كده
الفضيحه انك تقول انه عمل كذا
و سرق كذا
و قال كذا و ان الكلام اللى قاله كدب
بدليل كذا و كذا
بس كده

انا كان نفسى يكون اول تعليق ليا فى المدونه المميزه ديه يكون احسن من كده
لكن الموضوع استفزنى جدا
على فكره مدونتك فى المفضله بتاعتى

أميرة محمد محمد محمد يقول...

بص يا استاذ مجدي انا بصراحه اتفق مع كل من اعترض علي اشتيمه.يكفي وصفك اياهم بالمحجوبين ده يكفي قوي.يا استاذ مجدي تستطيع ان تنال من اللي قدامك ولكن بدون شتيمه لان ممكن تستخدم هجوم فيه فن وفيه فكره يوصل اللى عايز تقوله من غير ماتنزل لمستواهم لان انت اعلي كتير قوي.انا قريت المقال ده وفضلت اضحك عليهم بجد هم مش اكتر من كائنات مفلسه مثيرة للشفقه وبائسه لاتستحق سوي الرثاء والتجاهل لانهم فقدوا ادميتهم وكرامتهم وحيائهم.وولا يهمك باذن الله نحن المنتصرين

المهدي يقول...

لا بجد جامد بس كنت عايز اقولك حاجة .................خلاص خلاص يلا مش مهم

سامح يقول...

لا مؤاخذة فى المقاطعة قبل ما تكملواالخناقة
هو عنوان التدوينه مفروض يكون
المحجوبيين
ولا
المحجوبيون

انا مش بتفلسف علي فكرة يقول...

السلام عليكم:
بجد والله العنوان معبر للغايه انا دايما لما بقراء موضوعات الناس ديه وبالذات اسامة سرايا بجد دمى بيتحرق واكيد حضرتك يااستاذ مجدى متعود على النقد اللي الكل يوجهوا لحضرتك بس خير هم برده عندهم حق وحضرتك برده عندك حقك ساندو

محمود قطب يقول...

رحم الله عبد الله بن عمر لو أنه يقيم الليل
دي كلمة قلها النبي صلى الله عليه وسلم علشان يعلمنا إزاي نقيم مواقف أو أشخاص أو أراء أو غيره

وهنا النبي عمل حاجتين:

أولا:ذكر الجانب الأيجابي في سيدنا عبد الله بن عمر وديه حاجة أحنا ساعات كتيير جدا بننساها ظنا مننا إن الكلام في الجوانب الأيجابية مش مهم
في مقولة شهيرة بتقول إن إيجابيات اليوم سلبيات الغد
وده بيحصل لأننا بنهتم بمعالجة السلبيات ومش بندعم الإيجابيات فتتحول إلى سلبيات

ثانيا:تكلم النبي في الجانب السلبي ولكن أعطاه حقه ولم يضخمه
يعني لو في سلبية نقولها بس في حجمها الطبيعي يعني منضخمهاش زيادة عن اللزوم وننسى الوضوع الأصلي

الكلام اللي فات تعليق على التعليقات

وجهة نظري
الموضوع متميز جدا:
1-تناول الموضوع بأسلوب يفهمه كل الناس
2- فضح خدام السلطة وجعل القارئ(يقرف)منهم
3-ربط هؤلاء الأشياء بشخصية قميئة في أذهاننا وهي محجوب قربت الصورة لكل الناس
4-في قضايا ومسارات الجماعة مينفعش تتحرك فيها ومنها فضح هؤلاء. لكن أحنا منكن نتحرك فيها بشكل فردي.

ولكن:
على الرغم إني عارف الأية الكريمة(لايحب الله الجهر بالسوء من القول إلا من ظلم ) وإن الله عزوجل لم ينكر علينا بشريتنا وعارف قدر الظلم اللي واقع علينا
إلا إن الأجمل إن مع كل ده نرفض الظلم ونفضحه ولكن من غير منلوث قلمنا بكلمة علشان ناس ما يستهلوش

تجمع المدونين الطامحين في وطن عربي بدون سجين رأي واحد يقول...

يلا نفضحهم
مدونه تمثل بدايه عمل جرىء و قوى
عن طريق لجنه بدأها و يرئسها الأستاذ / "محمد عبد القدوس" بالقاهره
والدكتور / " إبراهيم الزعفرانى" بالاسكندريه
هدفها فضح جرائم هذا النظام
من تعذيب و هتك أعراض و تزوير و و و و و
شارك معنا بمدونتك
عن طريق وضع رابط لنا على الاقل
لوضع الرابط برجاء الدخول على المدونه و نقل الكود الموجود بداخلها
Yallanefdahom.blogspot.com
نحن نسعى لتجميع اكبر عدد للمدونين لعمل شبكه ضخمه من المدونين تجعل كل من تسول له نفسه أن يعذب او يزور او يرتشى أو أو أو
أن يفكر الف مره قبل الأقدام على ذلك
نرحب بأى مشاركه على بريد المدونه
efdah@yahoo.com
إفضحوهم

أيات يقول...

بصراحة انت زودتها قوي
وعيب شغل الحواري دا
لا يليق بالاخوان
واستدلالك تعبان جدا
ياريت تركز شوية ولا تدافع عن خطئك
ربنا يهدينا

وضـّاح يقول...

السلام عليكم

بصراحة أخي مجدي أسلوبك يروقني كثيرا وإن كنت لست معتادا عليه

البعض هنا يرى أنك أصبت بل وأنك عندما تحدثت عنهم وضعتهم في مكانة أكبر من حجمهم

والبعض الآخر يرى أنك أهنتهم وأنه لا يليق بك الكلام بهذه الطريقة

الفريق الثاني أخذ " واعرض عن الجاهلين " ولكننا وللاسف لا نتذكر " واغلظ عليهم " كما قلت أنت

حتى أن سندهم وهي الآية فيها ما يرد عليهم ويدحض حجتهم .. فالله سبحانه وتعالى قال أعرض .. عن من ? .. قال : أعرض عن الجاهلين .. أي أنه سماهم بالجاهلين وأظن أن سمة الجهل أوضع من العبط

أمر آخر .. أظن أن الرسول صلى الله عليه وسلم سمى البعض بكنى مهينة وهي ليست من أسمائهم مثل أبا جهل

وأطلق لفظ الديوث على من هو مثل محجوب

وقالوا خير رد على السفيه السكوت .. فإن كان لا يعجبهم عبيط .. فاستبدلها بسفيه لعل هيئتها أقيم أو حروفها أكثر .. ولا أظن

عبدو بن خلدون يقول...



هذا جزء من معركتنا الإعلامية ضد هذا النظام الفاجر، لابد من فضح هؤلاء المتشحون بمسوح الرهبان، اللي بيمثلوا قدام الناس إنهم خايفين علي مصلحة البلد، وهما ناهبينها من يومها

لما الحمار ينطح حد في الشارع
ويطلع في الجرنال تاني يوم
فده مش معناه إنه بقى أسد
لا هو حمار وهيفضل حمار طول عمره

مع الاعتذار لفصيلة الحمير ولنقابة الحمارين طبعا

وبعدين فين التدني ده
طب لما القرآن يتكلم عن الزاني والزانية ومثل هذه الموضوعات
إيه رأيكم؟
ده مجرد رصد للطبيعة الإنسانية
"فألهمها فجورها وتقواها"

ثم إن ده مش تجريح
ده ده عين الدواء لمثل هؤلاء الجراثيم

أونكل مجدي
يا أهل الله يا اللي هنا
ما ينفعش نقعد ناخد علي دماغنا
ومش عايزين نقول من اللي إدانا علي قفانا
عشان السمت والتجريح... وهلم جرا

الحاجات دي كلها أساسية لكن النقطة هي إنها علي مستوى تاني
صباح الخير

الأخلاق لا تتجزأ
وتعاملك المحترم مع بعض الناس
يجب أن يجاوره تعاملك المحترم برده مع أشياء تانية
وكل له عقله الذي يجب أن تخاطبه علي قدره

وبعدين عبيط دي مش شتيمة
ده وصف برئ لحالته العقلية
التي لا تزيد حسنا عن عقل النظام

ثم إن العنوان علي رأي سامح
المفروض يكون المحجوبيون لإنه خبر مؤخر
!

وضاح
قشدة عليك

بس خلاص

Moaaz Mady يقول...

أخي الحبيب مجدي
أول مرة أعلق عندك
أنا أرى إن فكرة الفضح في حد ذاته مطلوب في الفترة دي رغم انه بيكون عامل زي المسكن اللي بيهديلك الألم شوية وتنساها
لكن اعتقد انه مع الوقت عندما تنكشف حقيقة هؤلاء الواحد تلو الآخر وتجد كل واحد منهم يلحق بمن سبقه إلى السجن في قضايا الفساد التي يهرب منها الكبار وينقلها إلى مثل هؤلاء
لما يكون فضائحه مكتوبة للناس من قبلها هتكون أوضح وأوقع لكل من يتابع

لكن

عارف
لما ييجي واحد ويديلك تهزيئ وتريقة من غير ما يستخدم ألفاظ سيئة
الواحد بيحتار معاه ومابيعرفش يرد عليه خالص
وأنت عندك القدرة دي ماشاء الله عليك وده أكثر شدة وأشد لذعة عليهم
من الآخر وبالبلدي خالص خليك نظيف ومحططش في سجلك حاجة وحشة أو ذنوب علشان هما مايتساهلوش تاخذ ذنوب بسببهم

خللي دي في دماغك واستمر
ويلا مش مهم :)


أه حاجة كمان نسيت اقولها
بخصوص ان كده بنكبر الشخصيات دي

أنا عايز كل واحد يشوف كام واحد من معارفه بيقرأ لهؤلاء الأقلام المأجورة
واللي بيقرا كام واحد منهم لو خلص المقال لآخره بيقتنع بيه حتى ولو على المستوى الأدبي والبلاغي والصحفي ومش مهم مضمونه حتى
لو كانو كثير يبقى خليهم يعرفوا افترائاتهم
ولو كانوا مافيش ماتقلقش

معروف إن الكلاب كثير
اهو على الأقل المرة دي هنعرف اسماء ناس قبل ما نتفرج على نهايتهم

مش زي كل مرة نكتشف عند نهاية كل فاسد حقيقة فساده
زي مستشار وزير الثقافة ومستشار وزير الزراعة وكل هؤلاء


أخوك معاذ محمدي
انتظروني في مدونتي الخاصة قريبا

وائل_صح ولا غلط_ يقول...

والله تسلم ايدك يا استاذ مجدي

انت كده فعلا بتمدحهم مش بتشتمهم

لا ن كلامك ده هو اقل وصف للبني ادمين دول

يعني اللي يقرا المقال بتاع الشخص اللي اسمه اسامه سرايا في اهرام الجمعه اللي فات بعنوان اكاذيب سعد وافتراءات الاخوان

لازم يقول
ان هو ساذج عشان مانشتموش وياخد منا ثواب وبلاش عبيط دي

يلا مش مهم يقول...

المعلقين الكرام
السلام عليكم ورحمة الله وبركاته
اسف لاختفائي حيث انني مشغول للغاية في عملي ونسائلكم الدعاء والعودة قريبا
ويللا مش مهم
وشكر لكل الافاضل المعلقين سواء من ايدوا او من اعترضوا او حتي من صمتوا
وشكر خاص الي
معاذ المحمدي
ونرجوا ان نري مدونتك قريبا جدا
ويللا مش مهم

الدكتور يقول...

الأستاذ مجدى
نكتب إليك بصفتك رجل مصرى نعتز به لا بصفتك الحزبية . لاحظنا بداية حملة هدفها تهيئة الناس لمرحلة ما بعد مبارك . القائمين على الحملة سيدعون الناس لمساندة للهدوء ، وسيختارون رجل عسكرى للحكم والمرشح بشدة عمر سليمان عم تسهيل كل العقبات القانونية أمامه . فكرة الحملة هى أن الناس لا تريد توريث أى لا تريد جمال لذا فجمال لن يحكم .. طبعا هذا كذب وتدليس فمصر فى حاجة ماسة للتغيير الشامل حتى لو حدثت بعض الفوضى لفترة مؤقتة .. مصر فى حاجة لمحاكمة كل من نهبوا وعذبوا .. نحن الآن ندعو كل المخلصين للمشاركة بأقلامهم للتصدى لتلك الحملة مع دعوة الناس للتظاهر فور تأكيد خبر عجز مبارك
نحن نريد حكومة مؤقتة برئاسة المستشار الخضيرى لمدة شهرين تتولى تسيير الأمور وتنظيم الإنتخابات .. نعلم أنك تمتلك قلم مؤثر لذا نرجو أن يكون قلمك مدفع فى معركة التغيير ...

قبس من نور يقول...

نعم أستاذي
من حقتنا أن نغلظ عليهم ، ويجب علينا فضحهم

لكننا نفضحهم بمبادئنا ، ونغلظ عليهم بسمتنا

هناك فرق بين الغلظة والتطاول

نعم هو نظام فاسد ، وأقذع أنواع السباب لا تعبر عنه

لكن هذا ليس خلقنا .. نغلظ القول ولا نخرج عن دائرة أدبنا

dr_kobrossy يقول...

يا أخي أنت عمال تقول أنا عايزكم تنقدوني
طوب الأرض قالك أن أنت صح
و طوب الأرض قالك أن همه غلط
و طوب الكون كله قالك عيب الألفاظ دي
مش سمتنا الألفاظ دي
مش طريقة حوارنا الألفاظ دي
و أنتا ولا هنا ولا بتبطل شتيمة
ولا بتبطل تلميحات سيئة
يل أخي أتق الله و أكبح شهوة النفس في السباب
و ليكن لك في رسول الله أسوة
و أنصح لك و نحن على أعتاب رمضان أن تمتنع عن السباب
و ثانيا أنت تقول
رائعه الأستاذ نجيب محفوظ
و أنا لا أراها تعدو قصه مبتذله كتبها كاتب تجرء على الله للحصول على الشهره من قبل
أخي أتصحك بتـجديد نيتك لمدة دقيقة واحدة قبل الجلوس للكتابة
و أسأل نفسك لماذا أكتب اليوم
فاذا كانت الأجابة لله
فأنا واثق أنك ستقلع عن البذاءة بأذن الله

محجوب عبد الدايم يقول...

حسبي الله و نعم الوكيل فيكم كلكم و الله

يعني كل اللي هاممكم انه شتم الناس دول و قال عليهم إسمي... إيه؟ مافيش شوية تمييز؟؟

أنا كده اللي اتشتمت لما تشبهوهم بيا...طيب أنا كنت فقير دقة و مش لاقي و كل الطرق مقفولة في وش أهلي... أنا أكتر من نص المصريين امبارح و النهاردة، و اللي ينكر كده يبقى لا مؤاخذة منافق، إسلامي بقى .. علماني... كله زي بعضه.

تقوموا محموقين قوي علشان شوية مدمنين سفالة، و ماحدش هز طوله و دافع عن إسم الراجل اللي مصر كلها عايشة حياته النهاردة؟ عن محجوب؟

لا بقى مهم

و عاملينلي رجالات الأخلاق الحميدة.... ياخي طظظظظ