الثلاثاء، أغسطس 07، 2007

التاج الثاني


اسم مدونتك؟
يللا مش مهم


لماذا اخترته ..وماهي نيتك من وراء اختياره؟
كل ما وراء الاسم ستجده في هذه التدوينة



هل فكرت في إغلاق مدونتك؟ والسبب؟
فكرت بسبب هجوم بعض الاشخاص علي شخصي واستغلالهم لعالم الانترنت المفتوح للاساءة بشكل متعمد وخارج اي اطار اخلاقي لشخصي


صورتك في المدونة ورمزيتها ؟؟
الصورة دي اخدتها بكاميرة تليفوني المحمول في السوبر جيت وانا مسافر لانس والحكاية وما فيها ان الصورة بتاثير الشمس مش واضحة وده ساعدني في اخفاء المساحات المكشوفة من راسي نتيجة تساقط شعري في الاونة الاخيرة

لماذا دخلت عالم التدوين من الاساس؟


الحكاية بدات بدردشة مع احد الاصدقاء وكان يستشيرني في انه سوف يتجه للتاليف ويطلب مني ترشيح بعض المسارات التي يكتب فيها فاقترحت عليه انني كنت اود منذ فترة ان يكون لدينا من يكتب عنا وباسلوب جديد ويتفهمه من خارجنا وان يقوم بدور النقد الذاتي لحركتنا حيث انه سيمتلك المعلومات الكافية والوعي الكافي للكتابة في مثل هذا الامر وايضا نريد من يقدم الداخل الاخواني بحرفية ولكن صديقي هذا واجه بعض الاحداث الصعبة التي اخذته من الكتابة فتوكلت انا علي الله واتجهت الي التدوين وكتبت فينا اقترحته علي صديقي


جمله قيلت لك فى وصف مدونتك؟
مدونتك يا مجدي هي مملكتك اللي بترتاح فيها


اجمل وادق وصف لعلاقتي بمدونتي

التعليقات بالنسبه لك ,اهميتها؟
تشعرني ان المدونة حية فالتعليقات للمدونة كالتنفس للانسان


احلى بوست كتبته ...ضع اللينك , ثم اذكر لماذا؟
ولا يهمك يا اوسو اوسو

لانه خرج انس صاحبي من حزنه لما قراه


هيحصل ايه لإيميلك لما تموت ؟

هايموت

اديت الباسوورد لحد قبل كده؟
كتييييييييييييييييييييييييير


كانت إيه طبيعة علاقتك بيه؟

اصدقاء


اسمك؟
مجدي سعد


المشهور بيه وسط اصحابك؟

محمد سيد بيقولي يا سمكة

انس القاضي بيقولي يا ميجو ميجو

احمد عبد الجواد بيقولي يا جودا


شخصيتك نوعها إيه؟
ذكر


السفر بالنسبة لك؟

متعة واسلوب حياة واكبر مدرسة لتعلم الحياة


وقت فراغك بتعمل فيه إيه؟

بتمشي في شوارع القاهرة وبقابل اصدقائي


المود بتاعك؟

مش فاهم


الاكلة المفضلة؟

بقالي اربع اشهر ممتنع عن اكل الزيوت والسمن تماما واكلي كله مسلوق وكنت قبل كدة باموت في الكرونة بالبشميل ودلوقتي لما باكل منها ملعقتين برجع كل ما اكلته


الصفات اللي أخدتها من بابا؟
اولا اسمه " ابويا " ومسموش بابا واخدت منه " ان تتحول الي مكنة في عملك وان العمل هو اهم شئ في الحياة " وبس


الصفات التي أخدتها من ماما ؟

اسمها " امي " مش ماما واخدت منها الجرأة


اكتر ست حاجات بكرهها؟

الظلم

القمع

الخبث

تمييع الامور

المرور في مصر

قعدة البيت


اكتر ست حاجات بحبها؟

الحرية

الصراحة

الحلم

شوارع القاهرة بالليل في الشتا بعد مطرة خفيفة

شوارع القاهرة ساعة المغرب في رمضان وبعد الفجر في الايام العادية

المية السخنة

الشغل بالنسبة لك؟

حياتي
الانترنت بالنسبه لك؟

عيني التي اري بها العالم


ويللا مش مهم

هناك 16 تعليقًا:

عصفور المدينة يقول...

بجد أنا متفاجيء
أنا كان رأيي إن التجات تيجي كل مدة تفرفش بين التدوينات عشان يعني تعطي كسوة بشرية انما انت كدة حتركزهم
أرجع أقرأ

عصفور المدينة يقول...

جميل جدا بس إيه حكاية الريجيم دي
اكتب لنا عنها
تصدق كان نفسي اعلق تعليق اسمه ابويا ده وانا باكتب التاج

استغربت وانت بتتكلم عن أهمية التعليقات رغم انه مش باين

ممكن تدي جزء من الوقت للرد على التعليقات لأني لاحظت ناس كثير بتزعل

عصفور المدينة يقول...

قرأت تديونة ليه يلا مش مهم وأيضا أوسوسو جميلتان

إخوانية مصرية يقول...

ماشاء الله شكل حضرتك عملت التاج الاول من فترة
صراحة الاجابات في التاجين تحفة
وربنا يعينك علي بقية التاجات
وموضوع اوسواوسو جميل اوي

موضوع التعليقات مش عارفه بحس انه عادي من باب التماس الاعذار للاخرين بس فعلا فين ناس بتزعل اوي لابعد الحدود
بس هنقول ايه حضرتك حاول بقدر المستطاع انك ترد عليهم

الشغل بقي ياريت كل الناس تحب شغلها وتكون مخلصة فيه بجد اكيد حالنا هيتصلح

عمر افندى و ابوه يقول...

صباح الفل يا معلم مجدى

يعنى اول مرة حد يعبرنى و يعملى لينك على مدونتى و ده شىء مبشر بالخير....

بس يعنى كل اللى علقوا بيشكروا فى اوسو اوسو يعنى دخلوا عليها و مفكروش يروح على مدونتى ...يلا موش مهم ...ليهم يوم يا ابو مجدى و زى ما بقولك دايما الدنيا مراحل و هيجوا يدخلوا على مدونتى فى يوم من الايام هيلاقوها مقفولة و الدخول عليها بفلوس من كتر الضغط عليها ....

باسم الشربيني

alqassam يقول...

يلا مش مهم فعلا اسم بيعبر عن واقع مؤلم نعيشه فى بلادنا وفى ايامنا هذه يفقد الانسان الكثير والكثير من الطموحات ليس عيبا فى شخصة ولكن عيبا فى نظام اراد لنا ذلك مدونة رائعه ويلا مش مهم
القسام

omar مشروع بطل يقول...

ربنا يوفقك فى شغلك وفى حياتك كلها




نسأل الله الاخلاص فى السر والعلن

bahry يقول...

جميل اوي يا مجدي حجم التلقائية والصراحة في ردك

وياريت الناس تفهم ان التاج مش رسالة دكتورة أو بيان سياسي أو منشور بيتوزع بعد صلاة الجمعة

سلام

بحري

other_things يقول...

شخصيتك نوعها إيه؟
ذكر

..
شكرا عل الإضافة

شذى مولوتوف يقول...

ماشاء الله


التاج ده احلى من الاول

ربنا يكرمك ويعزك

اما حضرتك قلت على الصورة ان الشمس بدارى ولسة منزلتش الصفحة لتحت افتكرت حضرتك هاتحول كابتى حزنى ساعتها لقيت حضرتك بتقول حاجة تانية خالص

غريب قوى ان الرجالة كمان بيهتموا بالحاجات
هههههههههههه

شروق الشواف يقول...

انا مش هعلق على التاج ده

انا هعلق على التدوينة اللي حضرتك كتبتها لصديقك أنس

أنا حقيقة أول مرة اقرأها ... وبغض النظر عن الظروف اللي كتبت فيها التدوينة

...............

انا شايفة أن حضرتك ظلمت بنات الاخوان ظلم بين ...أنا مبنكرش ابدا ان في منهم بالمواصفات دي

بس مش كدا

أولا انا مستغربه حكاية ان بنات الاخوان بيرفضوا اللي اعتقل ...

ثانيا : مين قال انه احنا همنا الدنيا وبس... صحيح وانا مبنكرشان احنا نحب اننا نفرش شققنا احسن فرش ... بس مش يخلينا نتغضى عن الاخلاق .. او نفضلها عن اي فلووس

انا اعرف اخوات كثيير [ وبدون ذكر اسماء عشان ازواجهم ميزعلوش مني] تنازلوا كثيير ... في مستوى المعيشه من اجل الاخلاق والإلتزام

..............

الكلام يطوول بس كفايه كده

عموما ردود حضرتك

جميله جداا

إخوانية مصرية يقول...

كان لابد ادخل تاني
اقول لحضرتك ليه اولا لاني ببص علي الموضوع نظرة سريعة وبعد كده بفحصه ودا عادة مش حوة اعترف بيها
اول ماوصلت لنص بوست اوسواوسو صراحة وبجد انا تنحت
حضرتك حطيت كل الاخوات في سلة واحدة
مين قال اننا كلنا بنرفض الاخوة المعتقلين
بنطالب بشقق لوكس
بنحب الحياة
بالعكس والله
يعني انا اعرف ناس والدهم محسسهم انهم هيتجوزوا علي قله وحصيرة واولهم ابي
ودايما اخواتي يقول انتي هتجوزي من ابو طرة ههههه اصل طرة خلف
في بجد بنااااااااات كتير واخوات كتير لسه بنقائهم
اي نعم
انا هعترف واعتراف صريح ان في مننا كده مش مننا بس من كل بنات جنس حوا
بس حضرتك خلط البيض المنشش علي الصالح
بجدبجدبجد اناتنحت
والعموم
ربنا يرزقكم جميعا ازواج صالحات تقيات نقيات صبورات مدبرات محتسبات اللهم امين ويجعل ايام العسرة في ميزان حسناتكم اللهم امين
واعذرني علي الاطالة

SHAHEENSHY...فوضى منظمة يقول...

استاذ مجدي .. وحشني اني اعلق في مدونتك .. الاجابات خطيرة بجد .. خاصة نوع شخصيتك؟؟؟ذكر .. بالتوفيق يا استاذي

asmaa ibnatalislam يقول...

انا مكنتش اعرف ان حضرتك اتبعتلك التاج ده فانا بعت تاجين في بعض واحد فيهم انت جاوبت عليه بالفعل والثاني لا عموما يا ريت تمر علي المدونه بتاعتي وتشوفهم ومتنساش التعليق
wwwbahlam.blogspot.com

معاذ الحوت يقول...

تاج جميل جدًا
ومدونتك أجمل والله
علي فكرة أنا زائر دائم ليها
فياريت تشرف مدونتي هتنور بزيارتك
http://mo3z.blogspot.com
ي الله
معاذ الحوت

حلم الحرية يقول...

هو انا جيت هنا متاخر بس ميضرش اقول ر ايي برضة

اولا الاجابات تحفة كالعادة

عجبتني اوي جملة مدونتك هي مملكتك اللي بترتاح فيها


وباتفق مع حضرتك دلشيون في المية في حاجتين حضرتك بتحبهم
شوارع القاهرة بالليل في الشتا بعد مطرة خفيفة
شوارع القاهرة ساعة المغرب في رمضان في الايام العادية

مع استبدال القاهرة بالاسكندرية


قبل ما امشي
باضم صوتي لصوت
شروق الشواف وإخوانية مصرية
انا تنحت لما قريت المقال بتاع ولا يهمك يا اوسو اوسو

ارفض التعميم وبشدة
احنا براجماتيين ومصلحجية حتة واحدة
كده حضرتك هتطلع سمعة علي اخوات اسكندرية
علي فكرة انا اعرف اخوات كتيييييير بتدعي ربنا انه يكون سوابق وواخد شهادة الايزو من طرة

وفي الاخر ده قدر ورزق
باكرر دعاء اخوانية مصرية

ربنا يرزقكم جميعا ازواج صالحات تقيات نقيات صبورات مدبرات محتسبات
اللهم امين ويجعل ايام العسرة في ميزان حسناتكم اللهم امين