الثلاثاء، أغسطس ١٤، ٢٠٠٧

اغسطس .. من 29 سنة


نهض الاستاذ حسين من نومه وفتح عينيه واخذ نفس عميق ثم علت امارات الاندهاش وجهه فرائحة الهواء عطرة جدا علي غير العادة فالتفت الي زوجته وكانت واقفة في وسط الحجرة وسالها عن هذه الرائحة العطرة التي تملاء المكان فاجابته بان هذه الرائحة موجودة ايضا بخارج المنزل فسالها عن مصدرها فاجابت
معرفش
___________________________
جلست ام محمد بائعة الخضار امام بضاعتها ثم التفتت الي زميلتها قائلة " هي السما النهاردة صافية والشمس مش حامية ليه "فصدقت علي ما قالته بالكلمات الاتية "عندك حق والله اليوم ده من اوله حلو " بس تساليني ليه
معرفش
______________

مالت الزهرة الحمراء علي اذن زميلتها وهمست لها " انت مش ملاحظة ان النهاردة حلو قوي " فاجابت الاخري " ايوة ملاحظة ومستغربة " فسالتها الاولي " متعرفيش في ايه " فاجابت
معرفش
__________________________________

تهادي الموج في هدوء علي غير العادة ولم يتصادم مع الصخر فاثار اندهاشه فسال الصخر الرمل ما الذي حدث للموج ولماذا اوقف حربه الضروس علي فاجابه الرمل
معرفش
__________________________________

دخل صاحب العمل غليظ الطباع الثائر دوما مصنعه والقي التحية علي عماله يصاحبها ابتسامة مشرقة تعلو وجهه مما اثار اندهاشهم وفجر الحيرة بداخلهم
فمال احدهم علي من بجانيه وساله
هو ماله النهاردة كدة علي غير العادة
فاجابه الاخر
معرفش
_____________________________________
جلس مجدي يكتب تدوينته في صباح الثلاثاء الرابع عشر من اغسطس عام الفين وثمانية ميلاديا وهو
يعرف
السبب وراء كل تلك الاحداث
فهذا اليوم
14 - 8 -1978
من تسعة وعشرون عام
ولد انس القاضي

كل سنة وانت طيب يا انس
كل سنة وانت طيب يا اوسو اوسو
كل سنة وانت طيب يا صاحبي
كل سنة وانت طيب يا حبيبي
ويللا مش مهم

هناك ١٨ تعليقًا:

عمر أفندى و أبووه يقول...



كل سنة و انتا طيب يا عم انس

و كفاك فخرا ان يوم ميلادجك هو نفس يوم ميلاد

عمر افندي

قاهر الغزاة و محرر العبيد

حلم الحرية يقول...

وعلي نفس النسق

جلس زوار المدونة يقرأون البوست الجديد
ودون ان يشعروا انتقلت اليهم مشاعر من البهجة والتفاؤل
ورغم انهم مكنوش يعرفوا في بداية البوست سبب البهجة والتفاؤل اللي اتسللت من الموضوع واتنقلت ليهم
لكن مع سطوره الاخيرة اتعرف السبب وبطل العجب


للاستاذ انس القاضي
كل عام وانت الي الله اقرب وعلي طاعته ادوم

وعقبال 524434191 سنة


للاستاذ مجدي سعد
ربنا يجمعك باخيك علي خير دائما وابدا
ويبارك في اخوتكم

ahmedhabiby4 يقول...

كل سنه وانت طيب يا عم أنس وعلى فكره يا استاذ مجدى التدوينه رائعه وتدل على شعورك الراقى وأحساسك الصادق وحسك المرهف بأخيك أنس ومره تانيه يا أوسو أوسو كل عام وانت الى الله أقرب وأسعد وعلى طاعته ادوم والله نسأل ان يعيد عليكم هذا اليوم وقد زادت محبتكم وتوثقت اخوتكم( وده ملوش دعوه بتوثيق الإخوان)

محمود سعيد يقول...

كل سنة والأستاذ أنس بخير
وعقبال 468764ه75468 سنة كمان

بس ملاحظة
خطأ مطبعى :
عام الفين وثمانية ميلاديا ...

والصحيح :
عام الفين وسبع ميلاديا ...

:-D
ويلا مش مهم

bahry يقول...

انت حتطول ؟؟؟
كل سنة وانت طيب
يتربي في عزك
سعيكم مشكور
مبروك الخطوبة
عقبال البكاري
طهور ان شاء الله

وبعدين؟
حنقضيها تاجات ومجاملات يعني؟؟

عبدو بن خلدون يقول...



زغروتة يا أم زغلول

كفارة با أبو حسين

ميرسي يا سوسو

هابي كريسماس يا جون

عيد سعيد يا لطفي

هابي بيرزداي ترباتت تو

أندلس يقول...

مكتوبة حلو جدا ومبتكرة جدا

أمتعتني قراءتها

كل سنة وأخوك بخير

اليوم أيضا يوم ميلاد أختي..

كل دعواتي لها بحياة جميلة كأخوتها

كل الود..

غير معرف يقول...

هاهاها..طب كويس اني عرفت
ألف مبروك ربنا يحفظه ويقر به أعين أبويه :)

غير معرف يقول...

كل سنة و أنت طيب يا أوسو أوسو ويارب تحقق كل أحلامك أنت وصاحبك ميجو ميجو

غير معرف يقول...

كل سنة و أنت طيب يا أوسو أوسو ويارب تحقق كل أحلامك أنت وصاحبك ميجو ميجو

يلا مش مهم يقول...

باسم باشا
انا متهيالي ان انت هاتعدل التاريه الهجري والميلادي وتخللي تاريخ ميلاد عمر
هو المعمول بيه في ارجاء العالم

حلم الحرية
وعلي نفس نسقك
وجلس مجدي يقرا تعليقات الزائرين وقلبه ممتلئ بالسعادة لمشاركتهم اللطيفة بتهنئة اوسواوسو نجم اسكندرية ثم تثاءب وتمطع وبدا يكتب تعليقه علي ما كتبه الزائرين
شرفتي المدونة

احمد حبيبي
شكرا علي مشاركتك اللطيفة واحب اعرفك بنفسي انا مش الراجل اللي انت بتوصفه صاحب الحساس المرهف والشخصية الحالمة
انا بشخصيتين زي دكتور جيكل ومستر هايد يعني انا في حياتي العادية
شريييييييييييييييييييير جدا جدا

ابن اخ
انت فين من زمان
والله واحشني
المهم يا سيدي شكرا علي الملحوظة
وفعلا جلي من لا يسهو
وعلي العموم انا سيبتها علشان اقوياء الملاحظة اللي زيك يكتشفوها

بحري
مخبيش عليك
انا قلبت المدونة الي صفحة اجتماعيات وده اسلم لاني تعبت شوية من المعارك الطاحنة اللي بتحصل بعد التدوينات اللي فيها فكرة او نقد او امر هام واكتشفت انك ممكن تخسر بعض القريبين نتيجة لتلك التدوينات وللاسف ده مش صح بس اعتبرها هدنة او فض اشتباك
ولنا عودة قريبا للمعارك

عبده ابن خلدون
ازيك يا غالي وميرسي بالكوم
علي مشاركتك التنوعة الخطاب
وسلملي علي اهل مارينا

اندلس
شكرا لتعليقك
واحيي فيكي نقدك البناء ففي تدوينة سابقة شعرتي بنوع من الاستعراض اقوم به فصرحتي به في تعليقك ولكن هذا لم يمنعك من الثناء علي هذه التدوينة واسلوبها
فجزاكي الله خيرا علي حيادك

ارحم دماغك
نورت يا غالي
ولما رحت عندك لاقيت تلت مدونات بتوعك
بجد
ارحم دماغك

غير معرف
شكرا جدا علي مشاركتك ودعاك
ولك مثله ان شاء رب العالمين

ويللا مش مهم

غير معرف يقول...

كل سنة وأنت طيب ياأنوس بس أنا سبقتك يا مجدى ويارب السنه الجاية تبقى فى بيتك
اسلام حميدو

أندلس يقول...

بعيدا عن الاستعراض والثناء
مدونتك في قائمة مفضلتي
شرفت بردك الزيارة
نورتنا

غير معرف يقول...

كل سنة وانت طيب يا عم انس علشان خاطر ابو المجد

ســـارة يقول...

كل سنة وحضرتك طيب يا أستاذ أنس

عصفور المدينة يقول...

أنا مبسوط جدا يا أستاذ انك بقيت زائر متكرر معانا هنا

غير معرف يقول...

والله يا استاذ مجدى انا اغبطكم على كل هذا الحبؤبنا يتممه ف الجنه بمشيئته
عمار
المنصورة

محمد على ..هي كده يقول...

كل سنه وانت طيب يا انس


والسنه اللى جاية تبقى فى بيتك ومعاك مراتك


وانت كمان يا مجدى عشان تتجوزه ونرتاح شويه منكوا