الأحد، أبريل 15، 2007

انا اخوان

"ايوة يا مجدي .منعم اتقبض عليه من شوية في المطار "
تليفون من اسلام عبد الحميد الساعة اتنين بالليل
انا اخوان
زي منعم
وهاعيش اخوان
وهاموت اخوان
وان اتحبست زيك يا منعم هاكون في سجني اخوان
وان فقدت عملي زيك يا منعم برضه هافضل اخوان
وان اتصدرت فلوسي زي حسن مالك هافضل اخوان
وان اتحولت للعسكرية زي خيرت الشاطر هافضل اخوان
وان نمت علي كرسي برة بيتي في مكان غريب هنام اخوان
وان مكلتش عشا سخن واخدت دش سخن برضه هابقي اخوان
وان اتمنعت من السفر هاعيش جوة مصر اخوان
وان فضلت طول الليل هربان برة بيتي في شوارع مصر
هاكتب علي كل حيطة في كل حارة
انا اخوان
ايوة يا منعم
انا اخوان
وان كان ابويا في مرض موته ومش قادر اروح اشوفه زيك يا منعم
هنادي باعلي صوتي انا اخوان
وان فقدت احساسي بالامن واتخلصت من تليفوناتي كلها وغيرت سكني زيك يا منعم
هاقف في اوسع ميدان فيكي يا مصر وهاصرخ انا اخوان
ولو اتحرمت من ابسط حقوقي في الحياة زيك يا منعم
هايكون شعاري وعنواني زيك يا منعم
"انا اخوان "
انا اخوان
لاني كانسان من حقي اني اختار اكون ايه
انا اخوان
لاني كيان ليا ارادة وعقل وحرية اختيار
انا اخوان
وهافضل لاخر نفس في صدري اخوان
يا ناس
انا اخوان
وقولوا لكل مستبد زي مبارك وابنه
ان انا اخوان
وقولوا لكل صحفي افاق ومنافق
ان انا اخوان
وقولوا لكل مجرم في امن الدولة
ان انا اخوان
وقولوا لكل سياسي متواطئ
ان انا اخوان
وقولوا لكل ناشط صوته اتخرس
ان انا اخوان
وقولوا للبشر كلهم
ان انا
زي منعم
انا اخوان
ويللا الحمدالله

هناك 28 تعليقًا:

غير معرف يقول...

ونحن وكل أحبابنا سنبقى على العهد ، لا يثني القافلة اعتقال أو قتل أو تعذيب ، ولعل الله ادخر لبعضنا ثوابا وجزاء فابتلاه ،
ولعل الله مطلع على قلوبنا ونحن ندعو بالتثبيت والقبول لمن لم يرنا ولم نره ، ولكننا نحبكم جميعا في الله
تقبلوا تحيات جيل سبقكم بحوالي عشرين سنة وما زال على الدرب ، والله أكبر ولله
الحمد

أنس الشامي يقول...

و أنا إخوان

يا عالم أنا إخوان

و مهما حصل أنا إخوان

و مهما جرى أنا إخوان

و مهما عملوا أنا إخوان

و مهما حاولوا أنا إخوان

و مهما شوهوا أنا إخوان

و مهما إعتقلوا أنا إخوان

و مهما صادروا أنا إخوان

و مهما شردوا أنا إخوان

و مهما كدبوا أنا إخوان

و مهما لفقوا أنا إخوان

و مهما و مهما و مهما و مهما

برضه أنا إخــــــــــــوان

بس خلاص عشان

أنــــــــا إخــــــــــوان

اصرار أمل يقول...

يعجز الكلام عن التعبير حقا حين تكون المشاعر بهذا الصدق ؛ والحق يجد له لسانا كهذا ..........
دمتم ؛
وفرج الله عنا .....
حسبنا الله ونعم الوكيل

عبدالرحمن الصعيدى يقول...

الحمد لله راضـون بقضائك يارب ....
واثقون فى عدلك يارب ....
معتقدون بقدرت يارب...
طالبون لغوثتك يارب..
مستلهمون لشفائ لوالده يارب...
محتسبون كله عندك يارب...
ثبته يارب
أربط على قلبه يارب
إحفظه من شرورهم ,أره فى الظالمين أيه تثبت بها على الحق فؤاده

أتمنى من كل إخوان إسكندريه
ومن كل مدونى الإسندريه
ومن كل حقوقى وناشطى الإسكندريه
أن يكملوا المسيره مع والد عبدالمنعم ...ومع بيته
وأن يقفوا معه...
ياشباب جامعه إسكندريه ..أعلم أن جراحكم فى قضية الفصل صعبه ...لكن كونوا أقوىمن جراحكم ..زوروا بيته وقفوا بجواره حتى لو لم تروه قبل ذلك ولم تتعرفوا عليه
فهو والله أسـد شجاع ...ثار فى وجهه الجلاد
نحسبك عند الله مرابطاً يامنعم ...ومجهز شنطتك ومستعد
نستودع الله دينك وأمانتك وخواتيم عملك

elfagreya يقول...

لو مكنتش دعوتنا دعوة واضحة وحق يعنى تقدر تزلزل الظالم وتحركه من مكانه..مكنوش اعتقلوا..مكانش اباءنا اعتقلوا ولا أستاذ عبدالمنعم اعتقل ولا غيره وغيره كتير

أكيد فى ناس ضحوا كتير عرفنهم او مش عرفنهم..عشان الدعوة دى تستمر
عشان متخضعش
ولا تختفى عند أول محك واختبار
ضحوا وبذلوا لكى يأتى اليوم الذى نقول فيه بفخر وايمان

أنا اخوان

محمود سعيد يقول...

أنا إخوان
والحمد لله رب العالمين

محمد السيد يقول...

كلنا إخوان ...

كلنا علي نفس الطريق ..بنفس الروح ... بنفس الهدف ... بنفس العزيمة ...

كلنا إخوان ...

ولو حتي أخدونا كلنا حنفضل إخوان ...

وحنفضل بنحب تراب البلد دي...

غير معرف يقول...

أنا كمان اخوان لو اعتقونا أومنعونا برده حفضل اخوان ما تقلقش يا عبد الرحمن حنخلى بالنا من أبو منعم معلش يامجدى أنا اللى جبتلك الخبر لكن بنقولها بأعلى صوتنا احنا اخواااااان اسلام عبد الحميد

واحدة من الاخوان بتحب البلد دي يقول...

وانا كمان اخواااااااااااااااااااااان

حنقولها بعلو صوتنا
احنا اخواااااااااااااااااان

يعملوا فينا مهما يعملوا
برضة اخوااااااااان

يعتقلوا ...يصادروااموال...يغلقوا شركات
برضة اخوان

ربنا يفك اسر كل المعتقلين ويرزق الجميع الصبر والثبات

وعلي رايك
انا اخوان ويللا الحمد لله

ياسر أبو عمار يقول...

الله يهديكم يا شباب ، عارفين انه السبب الرئيسى فى القبض على عبد المنعم وغيره هو اللى انتم كاتبينه فى التعليقات ده .
اكيد انه اللى بيخوف الناس منكم هو الاصرار ده على دعوتكم . يللا ربنا مع الجميع ، وربنا يثبتنا

غير معرف يقول...

كلنا أخوان

يارب ارحمنا





عابرة

غير معرف يقول...

الى من القى القبض على منعم يومك اقترب انصحك تلاقيلك مكان قبل الطوفان

محمد جمال يقول...

و الللللله انا اخوان وعلي الدرب ولو اعتقلوا كل الاخوان
ايه يعني اعتقلو 100 و لا حتي 1000
الدعوة بيشلها رجال و احنا اصحاب النفس الطويل وبرضه هنفضل اخوان كلنا اخوان كلنا اخوان كلنا اخوان يلا مش مهم مش هيحصل حاجة اكتر من اللي حاصل هخيعملو ايه يعني هيقتلونا طيب قتل الامام البنا وقتل سيد قطب و قتل الكثير من الاخوان ثم الدعوة ماضية في طريقها و نحن نردد النشيد
سأحمل روحي علي راحتي
وألقي بها في مهاوي الردي
فإما حياة تسر الصغير و
و إما ممات يغيظ العدا
و الله أكبر و لله الحمد
انا أخوان

غير معرف يقول...

www.free-ana-ikhwan.blogspot.com

sharkawoo يقول...

جميل أن يعرف الإنسان طريقه ويسعي إيه دائماً ...

ويتحمل في هذا الطريق كل الصعااااااب


بالفعل كلنا إخوان ..

هاجر محمد السعي يقول...

وانا اخوان وانا اهدي هذه الكلمات الى الاخوان
يايها الاخوان لاتراعوا(تخافوا
لن يفلح الكذاب00والخداع
ولن يدوم في الدنى متاع
والمؤمن الصدوق لايراع
لانه بربه شجاع
فليسرف الطغاة والاتباع
وليحكموا القيودمااستطاعوا

ضحكايه يقول...

لا حولا ولا قوة الا بالله

غير معرف يقول...

كم واحد فينا وليس منا وكم واحد منا وليس فينا
مش علشان تبقى من الاخوان تنادى باعلى صوتك وتقول انا اخوان
انا عن نفسى مبحبش الحماس اللى مبيعملش حاجة
انا شايف ان اللى بيجتهد ويشتغل علشان يحسن اوضاع المسلمين ويكون ملتزم دينيا هو دا الاخوان حتى لو مكنش من الاخوان حتى لو متسجنش حتى لو مكنش ليه علاقة بالاخوان
وبعدين جماعة الاخوان وسيلة وفقط
وسيلة ان المسلمين(مش الاخوان) يكون لهم التمكين فى الارض
علشان فى الاخر نقول انا مسلم مش انا اخوان
فجماعة الاخوان وسيلة والخوف ان احنا ندافع عن الوسيلةوتخدنا الحماسة وننسى الغاية

امام الجيل يقول...

وما بكم من نعمة فمن الله

محمد العنانى يقول...

بوست رائع مقدرش اقول غير
انا اخوان
وهفضل طول عمرى اخوان
وبتنفس وبنام وبعيش لى فكره اتعلمتها جو الاخوان
يا اخ مجدى ليك تاج عندى
لو سمحت المرادى تجاوب عليه
تحياتى

احلم معايا يقول...

اللهم احينا مرابطين في سبيلك واجعل دعوتك اكبر همنا وامتنا على ذلك


تاسو بيدون يارجالة
http://e7lmma3aia.blogspot.com

عبد الرحمن يقول...

أحب أقول للأستاذ المجهول بتاع كم منا وليس فينا ومش بيحب الحماس اللي مابيعملش حاجه والكلام ده ....

أولاً: محدش قال إن اللي مش إخوان مش مسلم
ثانيا: من المعروف إن العمل في فريق أحسن ألف مره من العمل الفردي (زي درس الاتحاد قوه بتاع ابتدائي) بس ده لو واحد عايز يصلح بجد مش عايز يعمل أي حاجه وفاكر نفسه بياخد ثواب وخلاص

ثالثا: موضوع إن في الآخره الناس هاتقول إيه.. أنا شايف إن إن كل واحد من الإخوان اللي بجد إخوان هايقول أنا مسلم من الإخوان وهايكون فخور جداً بكده

أبو حنيــن السكندرى يقول...

أنا إخوان
من قريب من زمان
أنا إخوان
فى ظل الحب والحنان
أنا إخوان
تحت القهر من الجبان
أنا إخوان
حتى لو جابولى جنان
أنا إخوان
المهم نبقى فى الجنان
إخوان إخوان
دى غايتنا من زمان
دى غايتنا من زمان
نولهالنا يارحمان

غير معرف يقول...

السيد عبدالرحمن
انت لم تستوعب كلامي
أولا: انا مقلتش ان اللى مش اخوان مش مسلم
انا اقصد انه لا ينبغى ان تأخذ الوسيلة مساحة اكبر من حجمها ويصبح الناس مهتمين بالدفاع عن الوسيلة فى جو من الحماس وينسون الغاية التى من اجلها كانت هذه الوسيلة
فجماعة الاخوان وسيلة وليست غاية
وهى جماعة حركية وليست جماعة عقائدية
لذلك قول (انا مسلم من الاخوان
عبارة ليس لها معنى
سؤال: اذا افترضنا ان الناس جميعا اصبحوا مسلمين ملتزمين هل سيكون للاخوان وجود

Tamtoma يقول...

Ana mesh akona ... bs masria ... sa3ban 3lai an masr habisa ... mesh men3am aw 3'ro el mahbosin ... an babki 3al masr ... baldi bahebek ya baldi ahhh ya habisa

احمد المصري يقول...

انا اخوان
وبالعند في امن الدولة اخوان
مش بس كلام
واقولها في كل ميدان
انا اخوان
وطبعا كل ده تحت راية الاسلام
وفي رأي ان كل مسلم مكن يقول انا اخوان
كل اخوان مسلم وكل مسلم اخوان
ويا رب اجمعنا في الجنة مع كل الاخوان
ربنا يفك اسرك يا منعم ويشفى والدك ويردك سالما غانما لاهلك ...آمين..آمين

فادي علي يقول...

الي كل الصامتين القابعين خلف سجون عجزهم وجبنهم الي متي هذا الهوان والعجز ألم تسمعوا عن فارس الاخوان منعم الذي حطم قواعد اللعب مع اقذام النظام واعلن بأعلي بيان (أنا اخوان)فزلزل الاركان وحطم الأصنام وعلق الفأس في رقبة السجان فاللهم اجعل أسره بردا و سلام وأيقظ بتضحيته عقول كل غفلان وثبته ولا تتركه وحيدا في هذا (الاعلان) و ضم الي طريق حريته كل الاحرار والاخوان .

احمد سلامة يقول...

كلنا على العهد
مع عبد المنعم وان اعتقلوه
ومع الشاطر وان استولوا على امواله
ومع كل حر شريف رفض ان يعيش كالانعام
كلننننننننننننننننا اخوااااااااااااان
والله اكبر ولله الحمد